ထိုင်းနိုင်ငံ၊ ပရာကျွပ်ခီရီခန်ခရိုင်၊ ဟွာအင်းမြို့နယ်ရှိ အမှိုက်သိမ်းဝန်ဆောင်မှုလုပ်ငန်းတစ်ခု၌ အမှိုက်သိမ်းအလုပ်သမားအဖြစ်လုပ်ကိုင်နေသည့် မြန်မာနိုင်ငံသား ဦးသန်းမင်းထွန်း(ခ)သဲမင်းထွန်းသည် သြဂုတ် ၂၉ ရက်က အမှိုက်သိမ်းယာဥ်အမိုးပေါ်မှ ကွန်ကရစ်လမ်းပေါ်သို့အရှိန်ဖြင့်ပြုတ်ကျခဲ့ကြောင်း သိရသည်။
ထိုသို့ ပြုကျခဲ့မှုကြောင့် ဦးခေါင်းထိခိုက်ဒဏ်ရာရရှိခဲ့သဖြင့် ဟွာအင်းဆေးရုံသို့ပို့ဆောင်စဥ် ဆေးရုံအရောက်၌သေဆုံးသွားခဲ့သဖြင့် လိုအပ်သည်များကိုကူ ညီပေးရန် ၎င်း၏မိသားစုဝင်များက အလုပ်သမားသံအရာရှိရုံး(ဗန်ကောက်)သို့ ဆက်သွယ်အကူညီတောင်းခံခဲ့ကြောင်း သိရသည်။
ထို့ကြောင့် အလုပ်သမားသံအရာရှိက ဖြစ်စဥ်နှင့်ပတ် သက်၍ မေးမြန်းမှုများပြုလုပ်ပြီး ဟွာအင်းဆေးရုံကြီး၌ထားရှိသည့် သေဆုံးသူ၏ရုပ်အလောင်းအား ထုတ်ယူပေးပြီး ဝနောင်ဖရန်ဖွတ်ဘုန်းကြီးကျောင်းသို့ ပို့ ဆောင်ပေးခဲ့ကြောင်း သိရသည်။
ထို့ပြင် လုပ်ငန်းခွင်အတွင်း သေဆုံးခဲ့ရခြင်းဖြစ်၍ ရသင့်ရထိုက်သော နစ်နာကြေးရရှိနိုင်ရေးအတွက် ဆက်လက်ကူညီပေးလျက်ရှိကြောင်း သိရသည်။