တောင်ငူ၊ စက်တင်ဘာ ၃
ပဲခူးတိုင်းဒေသကြီး၊ တောင်ငူမြို့၌ ကျပ် ၁ ဒသမ ၄၃၆၉ ဘီလီယံတန်ဖိုးရှိ မူးယစ်ဆေးဝါးများကို မော်တော်ယာဉ်များနှင့်အတူ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။
ဖြစ်စဉ်မှာ ဩဂုတ် ၃၀ ရက်က မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့ ပါဝင်သော ပူးပေါင်းအဖွဲ့သည် သတင်းအရ တောင်ငူမြို့၊ အမှတ် (၂၂) ရပ်ကွက်အနီးတွင် သွားရောက်စစ်ဆေးရာ ပန်းအောင် (ခ) အောင်ပေ (၃၉ နှစ်) နှင့် မနော်ဌေးဌေးစိုး (၂၀ နှစ်) တို့အား မော်တော်ယာဉ် နှစ်စီးနှင့်အတူ တွေ့ရှိခဲ့ခြင်းဖြစ်သည်။
၎င်းတို့ထံမှ ဒေသတန်ဖိုး ကျပ် ၂၂၁၉ သိန်းတန်ဖိုးရှိ ဘိန်းဖြူ ၆ ဒသမ ၃၄ ကီလိုနှင့် ဒေသတန်ဖိုး ကျပ် ၁ ဒသမ ၂၁၅ ဘီလီယံတန်ဖိုးရှိ စိတ်ကြွဆေးပြား ၈၁၀,၀၀၀ စုစုပေါင်း ကာလတန်ဖိုး ကျပ် ၁ ဒသမ ၄၃၆၉ ဘီလီယံကျော်ကို Toyota Alphard နှင့် Ipsum မော်တော်ယာဉ်များအတွင်းမှ သိမ်းဆည်းရမိခဲ့သည်။
အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူ ပန်းအောင် (ခ) အောင်ပေ နှင့် မနော်ဌေးဌေးစိုး တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူဆောင်ရွက်လျက်ရှိကြောင်း သိရသည်။
ထိုပြင် ဩဂုတ် ၃၁ ရက် ည ၁၀ နာရီခွဲ မူးယစ်ဆေးဝါးတားဆီးနှိမ်နင်းရေးရဲတပ်ဖွဲမှ တပ်ဖွဲဝင်များပါဝင်သော ပူးပေါင်းအဖွဲသည် သတင်းအရ ဒဂုံမြိုသစ် (ဆိပ်ကမ်း) မြိုနယ် (၉၂) ရပ်ကွက်နေ နေဝင်းထွန်း (ခ) ဒန်နီ (၅၂) နှစ်၏ နေအိမ်တိုက်ခန်းအား ဝင်ရောက်ရှာဖွေရာ စိတ်ကြွဆေးပြား ၇၆၀၀၀ (တစ်ပြားလျှင် ငွေကျပ် ၂၀၀၀ နှုန်းဖြင့် ၎င်းဒေသတန်ဖိုး ကျပ်သိန်း ၁၅၂၀) ဖမ်းဆီးရမိသဖြင့် နေဝင်းထွန်း (ခ) ဒန်နီအား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရအရေးယူထားကြောင်း သိရသည်။