ရှမ်းပြည်နယ် တောင်ပိုင်း၊ တောင်ကြီး – ညောင်ရွှေ အဆင်းလမ်း (အေးသာယာမြို့ရှောင်လမ်း)တွင် (၆) ဘီးယာဉ် တစ်စီး တိမ်းမှောက်မှုဖြစ်ပွားခဲ့ပြီး ယာဉ်ပေါ်ပါ အမျိုးသား (၃) ဦး အနက် (၁)ဦးမှာ အသက်ဆုံးရှုံးခဲ့ရကြောင်း မီးသတ်တ ပ်ဖွဲ့၏ သတင်းများအရ သိရသည်။
ဧပြီ (၂၉)ရက် ည (၈)နာရီ အချိန်ခန့်၊ FUSO CANTER အ မျိုးအစား (၆)ဘီးယာဉ်မှာ အရှိန်မထိန်းနိုင်ဘဲ လမ်းယာဘက်ချောက်အတွင်းသို့ ထိုးကျသွားခဲ့ခြင်းဖြစ်ကြောင်း သိရသည်။
အဆိုပါ ယာဉ်တိမ်းမှောက်မှု ဖြစ်ပွားကြောင်း သတင်းအရ အေးသာယာနယ်မြေ မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ကြောင်း သိရသည်။
အဆိုပါ ဖြစ်စဉ်ကြောင့် ယာဉ်ပေါ်ပါ အမျိုးသား (၃)ဦးအန က် အမျိုးသား (၂)ဦး ထိခိုက်ဒဏ်ရာ (မစိုးရိမ်ရ)နှင့် အမျိုး သား (၁)ဦး အသက်ဆုံးရှုံးခဲ့ရပြီး ရွှေမေတ္တာလူမှုကူညီရေးအသင်းမှ လူနာတင်ယာဉ်ဖြင့် တောင်ကြီးမြို့စပ်စံထွန်းပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။