ဆိုးလ်၊ဩဂုတ် ၁၀
တောင်ကိုရီးယားကျွန်းဆွယ်သို့ဝင်ရောက်တိုက်ခတ်ခဲ့သော အပူပိုင်းမုန်တိုင်းခနွန်ကြောင့် ရေကြီးရေလျှံမှုများဖြစ်ပေါ်ခဲ့ပြီး ရေဘေးသင့်ဒေသရှိကျောင်းများအားပိတ်ထားရကာ လူဦးရေ ၁၄,၀၀၀ ကျော်အား ဘေးလွတ်ရာရွှေ့ပြောင်းပေးထားရကြောင်းအာဏာပိုင်များကဆိုသည်။
ခနွန်အား တိုင်ဖွန်းမုန်တိုင်းမှ အပူပိုင်းမုန်တိုင်းအဖြစ်သို့အဆင့်လျှော့ချထားသော်လည်း နိုင်ငံအရှေ့တောင်ပိုင်းတွင်မြေပြိုမှုများဖြစ်ကာ မြို့တော်ဆိုးလ်သို့ဆက်လက်ဦးတည်နေကြောင်းသိရသည်။
မြောက်ကိုရီးယားမြို့တော်ပြုံယမ်းသို့လည်း ခနွန်မုန်တိုင်းဝင်ရောက်တိုက်ခတ်နိုင်သဖြင့် တာဝန်ရှိသူများက ရေဘေးအတွက်ကြိုတင်ကာကွယ်မှုများလုပ်ဆောင်ထားရန်ညွှန်ကြားထားပြီးဖြစ်သည်။
တောင်ကိုရီးယားတွင်မူ လေယာဉ်ခရီးစဉ် ၃၅၀ ခန့်နှင့် ရထားခရီးစဥ် ၄၅၀ ခန့်ကို ဖျက်သိမ်းခဲ့ပြီး လူပေါင်း ၁၄,၀၀၀ ကျော်ကို ဘေးလွတ်ရာသို့ ရွှေ့ပြောင်းခဲ့ရကြောင်းပြည်ထဲရေးဝန်ကြီးဌာနက ပြောကြားခဲ့သည်။အရှေ့တောင်ပိုင်းရှိ ဒယ်ဂူးမြို့တွင်လည်း ဝှီးချဲဖြင့်အမျိုးသားတစ်ဦး မြစ်ထဲပြုတ်ကျသွားပြီးပျောက်ဆုံးနေသည်ဟုဆိုသည်။
တောင်ကိုရီးယားသည် ပြီးခဲ့သည့်လကလည်း မိုးကြီးရေလျှံမှုကိုခံခဲ့ရပြီး ရေပြည့်နေသည့်ဥမင်ထဲပိတ်မိသူ ၁၄ ဦးအပါအဝင် သေဆုံးသူ ၄၀ ဦးအထိရှိခဲ့သည်ဟုလည်းသိရသည်။
Source : Reuters
