တိုင်းရင်းသားလက်နက်ကိုင်အဖွဲ့များနှင့်ငြိမ်း ချမ်းရေးဆွေးနွေးနေမှုများနှင့်ပတ်သက်၍ နစက ဥက္ကဋ္ဌ၊ဝန်ကြီးချုပ် ဗိုလ်ချုပ်မှူးကြီး မင်းအောင် လှိုင်က နိုဝင်ဘာ ၁၁ ရက်မွန်းလွဲပိုင်းကပြုလုပ်ခဲ့သည့် နစက အစည်းအဝေး(၉/၂၀၂၂)တွင်ပြောကြားခဲ့ခြင်းဖြစ်သည်။
“ငြိမ်းချမ်းရေးနဲ့ပတ်သက်ပြီး တိုင်းရင်းသားလက် နက်ကိုင်အဖွဲ့တွေနဲ့ ဆက်လက်ဆွေးနွေးလျက်ရှိပါတယ် ဒီဇင်ဘာလအတွင်းမှာ သဘောတူညီချက်တစ်ခုရရှိနိုင်မှာကို မျှော်လင့်ပါတယ်”ဟု နစက ဥက္ကဋ္ဌကပြောသည်။
ပြည်တွင်းငြိမ်းချမ်းရေးရရှိရန် တိုင်းရင်းသားလက်နက်ကိုင်အဖွဲ့အစည်းများအား တွေ့ဆုံဆွေး နွေးရန်ဖိတ်ခေါ်ခဲ့ပြီး တိုင်းရင်းသားလက်နက် ကိုင် ၁၀ ဖွဲ့နှင့်တွေ့ဆုံဆွေးနွေးခဲ့ရာ NCA လက် မှတ်ထိုးထားသည့် အဖွဲ့များပါဝင်သကဲ့သို့ လက် မှတ်ရေးထိုးထားခြင်းမရှိသေးသည့် အဖွဲ့များလည်းပါဝင်သည်ဟု ပြောသည်။
“လာရောက်ဆွေးနွေးတဲ့ အဖွဲ့အားလုံးက ငြိမ်း ချမ်းရေးလမ်းကြောင်းပေါ်မှာ လျှောက်လှမ်းလိုတဲ့ သဘောထားတွေရှိတာကိုတွေ့ရှိရပါတယ်”ဟု နစက ဥက္ကဋ္ဌကပြောသည်။
မိမိတို့အနေဖြင့် တိုင်းရင်းသားလက်နက်ကိုင်အဖွဲ့များနှင့်ငြိမ်းချမ်းရေးဆွေးနွေးရာတွင် ဖွဲ့စည်းပုံအ ခြေခံဥပဒေ(၂၀၀၈ ခုနှစ်)နှင့်တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) ပေါ်တွင်အခြေခံ၍ ဆွေးနွေးနေခြင်းဖြစ်ကာ ဆွေး နွေးချိန်အတွင်း ဥပဒေအရဆောင်ရွက်၍ရသည်များကို ရှင်းလင်းပြောကြားခဲ့သည်ဟု ပြောသည်။
“အဲဒီလို ဆောင်ရွက်နိုင်ဖို့အတွက် နိုင်ငံရေးအရအ မြင့်ဆုံးရှိတဲ့ လွှတ်တော်ကိုတင်ပြရမှာဖြစ်ပါတယ် လွှတ်တော်မှာ ဆွေးနွေးနိုင်ဖို့ သက်ဆိုင်ရာတိုင်း ရင်းသားကိုယ်စားလှယ်တွေ ပါဝင်ဖို့လိုအပ်တာကြောင့် သက်ဆိုင်ရာတိုင်းနဲ့ပြည်နယ်များအားလုံးမှာ ရွေးကောက်ပွဲတွေကျင်းပနိုင်ဖို့လိုပါတယ်”ဟု နစက ဥက္ကဋ္ဌကပြောသည်။
လွှတ်တော်တွင် တိုင်းရင်းသားကိုယ်စားလှယ်များ ပါဝင်ရမည်ဖြစ်ပြီး အဆိုပါ ကိုယ်စားလှယ်များအ နေဖြင့် တိုင်းရင်းသားအရေး၊ဒေသအရေးများကို စိတ်ပါဝင်စား၍ ဆွေးနွေးနိုင်သူများဖြစ်ရန်လို၍ တိုင်းရင်းသားများပါဝင်နိုင်ရန် PR စနစ်ဖြင့် ဆောင်ရွက်နိုင်သည်ကို ရှင်းလင်းပြောကြားခဲ့ခြင်းအား အချို့အဖွဲ့များက သဘောတူညီခဲ့ကြသည်ဟု ပြောသည်။
“ငြိမ်းချမ်းရေးဆွေးနွေးပွဲနဲ့ပတ်သက်ရင် ထိုက်သင့်သလောက် တိုးတက်မှုတွေရှိတာကိုတွေ့ရပါတယ် တချို့ တိုင်းရင်းသားဒေသတွေမှာ သန်း ခေါင်စာရင်းကောက်ယူခြင်းနဲ့နိုင်ငံသားမှတ်ပုံ တင်ပြုလုပ်ခြင်းတွေကို ဆောင်ရွက်ပေးနေပါတယ်”ဟု နစက ဥက္ကဋ္ဌကပြောသည်။
ထိုသို့ဆောင်ရွက်ခြင်းသည် မဲစာရင်းပြုစုခြင်း လုပ်ငန်းများအား အထောက်အကူဖြစ်စေပြီး လာမည့်အထွေထွေရွေးကောက်ပွဲတွင် ယခင်ရွေး ကောက်ပွဲများ၌ကျန်ရှိခဲ့သည့် တိုင်းရင်းသားဒေ သများ၌ပါ ရွေးကောက်ပွဲကျင်းပနိုင်မည်ဟု ပြောကြားခဲ့သည်။
