တိုင်းနှင့် ပြည်နယ်(၈)ခုတွင် တိုင်းဒေသကြီးလွှတ်တော် (သို့)ပြည်နယ်လွှတ်တော်ကိုယ်စားလှယ်အဖြစ်ရွေး ကောက်တင်မြှောက်ခံရသူများစာရင်း၌ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP)ပါတီကအများဆုံးပါဝင်ကြောင်း ပြည်ထောင်စုရွေးကောက်ပွဲကော်မ ရှင်(UEC)မှ ကြေညာချက်အမှတ်(၉ /၂၀၂၆)ဖြင့် ယ နေ့ ဇန်နဝါရီ ၆ ရက်ကထုတ်ပြန်ခဲ့သည်။
အဆိုပါ ရွေးကောက်တင်မြှောက်ခံရသူများ၏ အမည်စာရင်းအား ရွေးကောက်ပွဲတွင် သက်ဆိုင်ရာ တိုင်းနှင့်ပြည်နယ်ကော်မရှင်အဖွဲ့ခွဲများက တိုင်းဒေသကြီးလွှတ် တော်(သို့)ပြည်နယ်လွှတ်တော် ရွေးကောက်ပွဲဥပဒေပုဒ် မ ၄၉ (ခ) နှင့်အညီ ထုတ်ပြန်ကြေညာချက်များအရ ထုတ်ပြန်ကြေညာခဲ့ခြင်းဖြစ်သည်။
ကချင်ပြည်နယ်(မဲအများဆုံးရသူအနိုင်ယူစနစ်)တွင် USDP ပါတီမှ (၆)ဦး၊ ကယားပြည်နယ်(မဲအများဆုံးရသူအနိုင်ယူစနစ်)တွင် USDP ပါတီမှ (၂)ဦး၊ ကရင်ပြည် နယ်(မဲအများဆုံးရသူအနိုင်ယူစနစ်)တွင် USDP ပါတီမှ (၃)ဦး၊ စစ်ကိုင်းတိုင်း(မဲအများဆုံးရသူအနိုင်ယူစနစ်) တွင် USDP ပါတီမှ (၅)ဦး၊ နာဂအမျိုးသားပါတီမှ (၄) ဦး၊ တိုင်းရင်းသားစည်းလုံးညီညွတ်ရေးပါတီမှ (၁)ဦး၊ ရှမ်းနီ(တိုင်းလျန်)သွေးစည်းညီညွတ်ရေးပါတီမှ (၁)ဦးတို့ ရွေးကောက်တင်မြှောက်ခံခဲ့ရသည်။
ထို့ပြင် တနင်္သာရီတိုင်း(မဲအများဆုံးရသူအနိုင်ယူစနစ်) တွင် USDP ပါတီမှ (၃)ဦး၊ ပြည်သူ့ပါတီမှ (၁)ဦး၊ ပဲခူး တိုင်း(မဲအများဆုံးရသူအနိုင်ယူစနစ်)တွင် USDP ပါတီမှ (၈)ဦး၊ မကွေးတိုင်း(မဲအများဆုံးရသူအနိုင်ယူစနစ်) တွင် USDP ပါတီမှ (၉)ဦး၊ မန္တလေးတိုင်း(မဲအများဆုံးရသူအနိုင်ယူစနစ်)တွင် USDP ပါတီမှ (၇)ဦး၊ တိုင်းရင်း သားစည်းလုံးညီညွတ်ရေးပါတီ (၁)ဦးတို့ ရွေးကောက်တင်မြှောက်ခံခဲ့ရသည်။