ယခု လတွင် တပ်မတော် ရေ၊လေ တို့၏ နှစ်ပတ်လည်များကျရောက်သည့်အားလျော်စွာ တပ်တော်ဝင်ခြင်းများကိုလည်း နှစ်ပတ်လည်အထိမ်းအမှတ်တွင် ပြုလုပ်နေကြသည်။ အသစ်ရောက်ရှိနေသော စစ်လေယာဥ်/ရေယာဥ် များစတင်တာဝန်ထမ်းဆောင်ခြင်းများကို ပြသခြင်းကြောင့် အားလုံးကလည်း အကဲခတ်နိုင်ကြသည်။
(၇၅)နှစ်မြောက် စိန်ရတုတပ်မတော်(ရေ)နှစ်ပတ် လည်နေ့တွင် နိုင်ငံတော်၏ရေကြောင်းဆိုင်ရာအ ကျိုးစီပွားများနှင့်မြန်မာ့ပင်လယ်ပြင်သီးသန့်စီးပွားရေးဇုန်အား အပြည့်အဝကာကွယ်စောင့် ရှောက်နိုင်ရန် စစ်ရေယာဉ်များတပ်တော်ဝင်ခြင်းနှင့်မြန်မာနိုင်ငံ ကမ်းခြေစောင့်တပ်ဖွဲ့သို့ လွှဲ ပြောင်းတပ်တော်ဝင်ခြင်းအခမ်းအနားအား ရန်ကုန်မြို့ရှိ အမှတ်(၃)ရေတပ်ဆိပ်ခံတံတား၌ ကျင်းပခဲ့ရာဒီဇင်ဘာ ၂၄ ရက်ကကျင်းပရာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တက်ရောက်ခဲ့သည်။
တပ်မတော်(ရေ)အား ယခင်ကစစ်ရေယာဉ်(မေယု)ဖြင့်စတင်ခဲ့ပြီး ၁၉၉၀ ပြည့်နှစ်မှစ၍ အဆင့်ဆင့်ပြောင်းလဲတိုးတက်လာခဲ့ကာ အမြန်သွားတိုက်ခိုက်ရေးရေယာဉ်များမှတစ်ဆင့် ကိုယ်ပိုင်ဒီဇိုင်းရေးဆွဲပြီး ကိုယ်တိုင်တည်ဆောက်နိုင်သည့် စစ်ရေယာဉ်များအဖြစ် တိုးတက်ထုတ်လုပ်နိုင်ခဲ့သည်ဟု ဆိုသည်။
“လွန်ခဲ့တဲ့ (၇၅)နှစ်ကစပြီး အဆင့်ဆင့်တည်ဆောက်လာခဲ့ရာမှာ အခုအခါ ဒုံးပျံတင်ဖရီဂိတ်စစ်ရေယာဉ်တွေကို ကိုယ်တိုင်တည်ဆောက်ပြီး တိုက်ပွဲဝင်နိုင်စွမ်းအဆင့်ရောက်အောင် မိမိတို့ဆောင်ရွက်နိုင်ခဲ့ပြီးဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောသည်။
နိုင်ငံတော်၏ အချုပ်အခြာအာဏာတည်တံ့ခိုင်မြဲရန် အကောင်းဆုံးအာမခံချက်မှာ စွမ်းရည်ထက် မြက်သည့် ကာကွယ်ရေးအင်အားစု တည်ဆောက်ပိုင်ဆိုင်ခြင်းပင်ဖြစ်သည်ဟု ဆိုသည်။
မြန်မာနိုင်ငံသည် ပင်လယ်ပြင်အကျယ်အဝန်း စ တုရန်းရေမိုင် ၁၄၀၀၀၀ ကျော်ရှိပြီး ကမ်းရိုးတန်းအရှည် ရေမိုင် ၁၃၀၀ ခန့်ရှိ၍ ဆိပ်ကမ်းကြီးများနှင့်ပင်လယ်ပြင်ဆက်သွယ်ရေးလမ်းကြောင်းများကို အပြည့်အဝအသုံးချကာ သမုဒ္ဒရာဖြတ်ကျော် ရေကြောင်းကုန်သွယ်မှုလုပ်ငန်းများကို ထိရောက်စွာဖော်ဆောင်ရန်အခွင့်အလမ်းများရှိသည်ဟု ဆိုသည်။
တပ်မတော်(ရေ)အား တည်ဆောက်ရာတွင် အဆင့်လိုက်မျှော်မှန်းချက်များ ချမှတ်ဆောင်ရွက်လျက်ရှိသည်ဟုသိရသည်။
ပထမအဆင့်ဖြစ်သည့် မြန်မာ့ပင်လယ်ပြင်သီးသန့်စီးပွားရေးဇုန်အထိ အပြည့်အဝကာကွယ်နိုင်သည့် သုံးဘက်မြင်စစ်ဆင်နိုင်စွမ်းရှိသော တိုက်ပွဲဝင်အသင့်ရေတပ်(Three Dimensional Combat Ready Navy)အဆင့်သို့ ရောက်ရှိနေပြီဖြစ်သည်ဟု ဆိုသည်။
ဒုတိယအဆင့်အနေဖြင့် အိန္ဒိယသမုဒ္ဒရာအတွင်းရှိ မြန်မာ့ပင်လယ်ပြင်နှင့်ဆက်စပ်ပင်လယ်ပြင်များသို့ အင်အားဖြန့်ကျက်နိုင်စွမ်းရှိသည့် ရေတပ် (Adjacent Force Projection Navy/ Regional Navy)အဖြစ်တည်ဆောက်လျက်ရှိသည်ဟုလည်း ဆိုသည်။
ထိုသို့ တည်ဆောက်ရာ၌ ပင်လယ်ပြင်တွင်ရေ ရှည်ရပ်တည်နိုင်စွမ်းရှိပြီး တိုက်စွမ်းအားပြည့်ဝသည့် စစ်ရေယာဉ်ကြီးများရှိမှသာ အကောင်အထည်ဖော်နိုင်မည်ဖြစ်၍ ဒေသတွင်းအင်အားဖြန့် ကျက်နိုင်စွမ်းရှိသည့် စစ်ရေယာဉ်ကြီးများကို တည်ဆောက်သွားရမည်ဟု မှာကြားသည်။
“ရေရှည်မျှော်မှန်းချက်အနေနဲ့အကျိုးစီးပွားတွေဆက်စပ်တည်ရှိရာ ရေပြာကို အင်အားပို့လွှတ်နိုင်တဲ့ရေတပ်(Blue Water Navy Ambition) အဖြစ် မျှော်မှန်းတည်ဆောက်သွားမှာဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြော သည်။
ပြည်တွင်းသင်တန်းများ၌ ထူးချွန်စွာအောင်မြင်ကြသည့် အရာရှိစစ်သည်များအားလည်း ရုရှား၊ တရုတ်၊ အိန္ဒိယနိုင်ငံများအပါအဝင် နိုင်ငံအများအပြားသို့ စေလွှတ်တက်ရောက်စေခဲ့ပြီးဖြစ်သည်ဟု ဆိုသည်။
တိုက်ပွဲဝင်စစ်ရေယာဉ်များတွင် တာဝန်ထမ်းဆောင်မည့် စစ်သည်တော်များအား အရည်အချင်းပြည့်ဝသည့် စစ်သည်တော်ကောင်းများဖြစ်စေရန်အတွက်လေ့ကျင့်ပေးလျှက်ရှိကြောင်းသိရသည်။
