တရုတ်-ရုရှားချစ်ကြည်ရင်းနှီးမှုကိုအသက်၊‌ သွေးတို့ဖြင့် တည်ဆောက်ခဲ့

မော်စကို၊ မေ ၇

ဖက်ဆစ်ဆန့်ကျင်‌ရေး ကမ္ဘာ့စစ်ပွဲအတွင်း လေးနက်သော သွေးနှင့် အသက်များဖြင့် တည်ဆောက်ခဲ့သော ချစ်ကြည်ရင်းနှီးမှုသည် တရုတ်နှင့် ရုရှားကြား ထာဝရတည်တံ့သော ချစ်ကြည်ရေး၏ မကုန်ခန်းနိုင်သော အရင်းအမြစ် ဖြစ်လာကြောင်း တရုတ်သမ္မတ ရှီကျင့်ဖျင်က ပြောကြားခဲ့သည်။

ရုရှားနိုင်ငံသို့ နိုင်ငံတော် ခရီးစဉ်ဖြင့်မရောက်ရှိမီနှင့် ဆိုဗီယက်ပြည်ထောင်စု၏ မဟာမျိုးချစ်စစ်ပွဲတွင် အောင်ပွဲခံခြင်း နှစ် (၈၀) ပြည့် အထိမ်းအမှတ် အခမ်းအနားများ မတိုင်မီ ဗုဒ္ဓဟူးနေ့တွင် ရုရှားနိုင်ငံ ဂဇတ် သတင်းစာ၏ ဆောင်းပါးတွင် ရှီ၏ မှတ်ချက်ပြု ပြောကြားချက်ကို ဤကဲ့သို့ ရေးသားဖေါ်ပြထားခဲ့ခြင်းဖြစ်သည်။

ယခုနှစ်သည် ဂျပန်တို့၏ ကျူးကျော်မှုကို တော်လှန်သည့် တရုတ်ပြည်သူ့စစ် အောင်ပွဲ၏ နှစ် (၈၀) ပြည့် နှစ်ပတ်လည် ဖြစ်သည့် ဆိုဗီယက်ပြည်ထောင်စု၏ မျိုးချစ် စစ်ပွဲအောင်ပွဲ၊ ကမ္ဘာ့ဖက်ဆစ် ဆန့်ကျင်ရေး အောင်ပွဲ၊ ကုလသမဂ္ဂကို တည်ထောင်ခဲ့သည့် နှစ် ၈၀ ပြည့်အောင်ပွဲ၊ သူရဲကောင်းများကို ရှရှားပြည်သူများ နှင့်အတူ အတိတ်ကို ဂုဏ်ပြုကာ အာဇာနည်များအား ဂုဏ်ပြုသွားမည်ဖြစ်ကြောင်း ရှီက ပြောကြားခဲ့သည် ။

ကမ္ဘာ့ဖက်ဆစ်‌တော်လှန်‌ရေး စစ်ပွဲတွင် ဗိုလ်ချုပ်ကြီးများမှအစပြု၍ စစ်သည်များအထိတိုင် ကြီးမားစွာ ပါဝင်ခဲ့သူများအားလုံးကို မည်သည့်အခါမျှ မေ့ပျောက်မည်မဟုတ်ကြောင်း တရုတ်နှင့် ရုရှားပြည်သူများက စစ်ပွဲအတွင်း အတူတကွ တိုက်ခိုက်ကာ သာတူညီမျှ ကူညီခဲ့ကြကြောင်း ရှီက ပြောကြားခဲ့သည်။

လွန်ခဲ့သည့် နှစ် ရှစ်ဆယ်က တရုတ်နှင့် ဆိုဗီယက်ယူနီယံတို့ အပါအဝင် တစ်ကမ္ဘာလုံးက အင်အားစုများသည် ဘုံရန်သူကို တိုက်ထုတ်ကာ ဖက်ဆစ်ဝါဒကို အနိုင်ယူခဲ့ကြသည်ဟု ရှီက ပြောကြားခဲ့သည်။

ယနေ့ အခါ၌ ဆယ်စုနှစ် ရှစ်ခုကြာပြီးနောက်၊ တစ်ဖက်သတ်ဝါဒ၊ ဗိုလ်ကျစိုးမိုးရေး နှင့် အနိုင်ကျင့်သော လုပ်ရပ်များသည် အကြီးအကျယ် ဒုက္ခ ပေးနေကြောင်း၊ လူသားမျိုးနွယ် တစ်ရပ်လုံးသည် စည်းလုံးညီညွတ်မှု သို့မဟုတ် ကွဲပြားမှု၊ ဆွေးနွေးမှု သို့မဟုတ် ထိပ်တိုက်ရင်ဆိုင်မှု၊ နှစ်ဦးနှစ်ဖက်အကျိုးရှိမှု သို့မဟုတ် ဒုက္ခ ရောက်မှု တည်းဟူ သော လမ်းဆုံလမ်းခွတစ်ခု၌ ရောက်ရှိနေကြောင်း ၎င်းက ပြောကြားခဲ့သည်။

ကမ္ဘာနိုင်ငံများသည် သမိုင်းကို မှန်တစ်ချပ်အဖြစ် ရှုမြင်၍ ဒုတိယကမ္ဘာစစ်မှရရှိခဲ့သော လေးနက်သောသင်ခန်းစာများနှင့် ကမ္ဘာ့ဖက်ဆစ်ဆန့်ကျင် ရေးစစ်ပွဲတွင် ရရှိခဲ့သော ကြီးစွာသောအောင်ပွဲများမှ ဉာဏ်ပညာနှင့် ခွန်အားများကိုရယူကာ ဗိုလ်ကျစိုးမိုးမှုနှင့် ပါဝါနိုင်ငံရေးပုံစံအားလုံးကို ပြတ်ပြတ်သားသားဆန့်ကျင်ပြီး လူသားမျိုးနွယ်အတွက် ပိုမိုတောက်ပသော အနာဂတ်ကို အတူတကွဖန်တီးနိုင်မည်ဖြစ်ကြောင်း ရှီက ပြောကြားခဲ့သည်။
Ref: ရှင်းဟွာ