ပေကျင်း၊ မတ် ၁၉
ယူကရိန်းအရေးအခင်း စတင်ဖြစ်ပွားချိန်မှစ၍ တရုတ်နိုင်ငံသည် ယူကရိန်းနိုင်ငံသို့ လူသားချင်းစာနာထောက်ထားမှုအကူအညီ ကို လေးသုတ် ပေးအပ်ခဲ့ကြောင်း တရုတ်အပြည်ပြည်ဆိုင်ရာ ဖွံ့ဖြိုးတိုးတက်ရေး ပူးပေါင်းဆောင်ရွက်ရေးအေဂျင်စီ၏ ပြောရေးဆိုခွင့်ရှိသူ လီမင်က တနင်္လာနေ့တွင် ပြောကြားခဲ့သည်။
လီမင် က ဖေဖော်ဝါရီလတွင် ပြုလုပ်ခဲ့သော သတင်းစာရှင်းလင်းပွဲတွင် ယူကရိန်းသမ္မတ ဗလိုဒီမာ ဇလန်းစကီး က ငြိမ်းချမ်းရေးနှင့် ပြန်လည်တည်ဆောက်ရေးတွင် တရုတ်နိုင်ငံမှ အကူအညီပေးရန် မျှော်လင့်ကြောင်း ထုတ်ဖော်ပြောကြားခဲ့ခြင်းနှင့်ပတ်သတ်၍ မေးမြန်းခံရသည့်အခါတွင် လီက သတင်းစာ ရှင်းလင်းပွဲတွင် ယခုကဲ့သို့ ပြောကြားခဲ့ခြင်းဖြစ်သည်။
တရုတ်နိုင်ငံသည် ကမ္ဘာ့ငြိမ်းချမ်းရေးနှင့် တည်ငြိမ်ရေးအတွက် အပြုသဘောဆောင်သော တွန်းအားအဖြစ် ဆက်လက်ရပ်တည်သွားမည်ဖြစ်ပြီး ကမ္ဘာလုံးဆိုင်ရာ တရားမျှတမှုနှင့် ငြိမ်ချမ်းမှုအတွက် တိုးတက်သော အင်အားတစ်ခုဖြစ်လိမ့်မည်ဟု လီက ပြောကြားခဲ့သည်။
“စစ်ပြီးခေတ် ပြန်လည်တည်ဆောက်ရေး အပါအဝင် ပါဝင်ပတ်သက်နေတဲ့ သက်ဆိုင်ရာပါတီတွေရဲ့ ဆန္ဒအတိုင်း ကျွန်တော်တို့ရဲ့ စွမ်းဆောင်ရည်နိုင်တဲ့အတိုင်းအတာအတိုင်း ပံ့ပိုးကူညီမှုတွေ ဆက်လက်ပံ့ပိုးပေးဖို့ အဆင်သင့်ရှိပါတယ်” ဟု လီက ပြောကြားခဲ့သည်။
Ref: ပီးပဲဒေးလီးအွန်လိုင်း