တရုတ်နှင့် ရုရှား တို့က တတိယအကြိမ်မြောက် ဒုံးကျည်ကာကွယ်ရေး ပူးတွဲစစ်ရေးလေ့ကျင့်

တရုတ်နှင့် ရုရှားတို့သည် ဒီဇင်ဘာလအစောပိုင်းတွင် ရုရှားပိုင်နက်အတွင်း၌ တတိယအကြိမ်မြောက် ပူးတွဲ ဒုံးကျည်ကာကွယ်ရေးလေ့ကျင့်မှုကို လုပ်ဆောင်ခဲ့ကြောင်း တရုတ်ကာကွယ်ရေးဝန်ကြီးဌာနက ဒီဇင်ဘာလ ၆ ရက်နေ့တွင် ပြောကြားခဲ့သည်။

အဆိုပါလေ့ကျင့်မှုများသည် မည်သည့်တတိယအဖွဲ့အစည်း သို့မဟုတ် လက်ရှိဖြစ်ပေါ်နေသော မည်သည့် နိုင်ငံတကာဖြစ်ရပ်မျိုးကိုမျှ တုန့်ပြန်ခြင်းမဟုတ်ကြောင်း ဝန်ကြီးဌာန၏ ဝက်ဘ်ဆိုက်တွင် တင်ခဲ့သောပို့စ်၌ ပြောကြားခဲ့သည်။

နှစ်နိုင်ငံသည် နိုဝင်ဘာလအတွင်းက ဒုံးကျည်ကာကွယ်ရေးနှင့် တည်ငြိမ်ရေး ဆွေးနွေးမှုများကိုပြုလုပ်ခဲ့ပြီး သြဂုတ်လတွင် ဂျပန်ပင်လယ်ပြင်၌ အမြောက်နှင့် ရေငုပ်သင်္ဘောတိုက်ဖျက်ရေးစစ်ရေးလေ့ကျင့်မှုများ လုပ်ဆောင်ခဲ့သည်။

ရုရှားနှင့် တရုတ်နိုင်ငံတို့သည် ၂၀၂၂ ခုနှစ်တွင် ရုရှားက ယူကရိန်းကို မကျူးကျော်မီရက်ပိုင်းအလိုတွင် အကန့်အသတ်မထားရှိသော မဟာဗျူဟာ‌မြောက်မိတ်ဖက်ဆက်ဆံရေးကို လက်မှတ်ရေးထိုးခဲ့ပြီး ၎င်းတို့၏ လက်နက်ကိုင်တပ်များအကြား ညှိနှိုင်းဆောင်ရွက်မှုများကို ချိန်ညှိရန် ပုံမှန်စစ်ရေးလေ့ကျင့်မှုများလုပ်ဆောင်သွားကြရေး ကို ကတိပြုခဲ့သည်။

နှစ်နိုင်ငံစလုံးသည် အမေရိကန်သမ္မတ ဒေါ်နယ်ထရမ့်ပ်၏ ရွှေရောင်အမိုးခုံး ဒုံးကျည်ဒိုင်းကာစနစ်တည်ဆောက်မည့် အကြံအစည်များနှင့် နှစ် ၃၀ ကျော်ရပ်ဆိုင်းထားခဲ့သော နျူကလီးယားလက်နက်စမ်းသပ်မှုများကို ပြန်လည်စတင်မည်ဆိုသည့် ၎င်း၏ ရည်ရွယ်ချက်ကို စိုးရိမ်မကင်းဖြစ်‌ကြောင်းကို ထုတ်ဖော်ပြောကြားခဲ့သည်။

Ref: သည်စထရိတ်တိုင်းမ်စ်