တရုတ်က ကမ္ဘောဒီးယားတွင် ကျန်းမာရေးကဏ္ဍ၌ ရင်းနှီးမြှုပ်နှံလို

အောက်တိုဘာ ၁၄

ကမ္ဘောဒီးယား၏ ဆေးဝါးနှင့် ကျန်းမာရေးစောင့်ရှောက်မှုကဏ္ဍများတွင် ရင်းနှီးမြှုပ်နှံမှု အခွင့်အလမ်းများကို ရှာဖွေရန် ဖနောင်ပင်သို့ ရောက်ရှိလာသည့် တရုတ်ရင်းနှီးမြှုပ်နှံမှု ကိုယ်စားလှယ်အဖွဲ့ကို ကမ္ဘောဒီးယားကျန်းမာရေးဝန်ကြီးက ယနေ့လက်ခံတွေ့ဆုံခဲ့သည်။

အဆိုပါ ကိုယ်စားလှယ်အဖွဲ့တွင် အောခ် ဘိုရစ်၏ အကြံပေး ဆိုဖောင်၊ ရှင်ဇန် ဂျင်တုံ ဥက္ကဌ၊ ဆေးသိပ္ပံနှင့် သုတေသန ဒါရို-က်တာ ပါမောက္ခ ချန်းစူဂျီ နှင့် သူ၏အဖွဲ့သားများပါဝင်ကြသည်။

တွေ့ဆုံစဉ် တရုတ်ကိုယ်စားလှယ်က ကမ္ဘောဒီးယားဝန်ကြီးကို ကျေးဇူးတင်ရှိပါကြောင်းနှင့် ခရီးစဉ်၏ ရည်ရွယ်ချက်မှာ ကမ္ဘောဒီးယားနိုင်ငံ၏ ကျန်းမာရေးစောင့်ရှောက်မှုစနစ်ကို ပိုမိုနားလည်သဘောပေါက်ရန်နှင့် နှစ်နိုင်ငံစလုံးအတွက် အကျိုးရှိနိုင်စေရန်နှင့် စီးပွားရေးတိုးတက်မှုကို မြှင့်တင်နိုင်မည့် နည်းလမ်းများကို ရှာဖွေရန်ဖြစ်ကြောင်း ရှင်းလင်းပြောကြားခဲ့သည်။

နိုင်ငံ၏စံနှုန်းများ၊ နိုင်ငံတကာစံနှုန်းများနှင့် ကိုက်ညီလျှင်၊ ဥပဒေလုပ်ထုံးလုပ်နည်းများကို လိုက်နာကာ ကျန်းမာရေးစောင့်ရှောက်မှု၌ ပူးပေါင်းဆောင်ရွက်ကာ ရင်းနှီးမြှုပ်နှံလျှင် ကြိုဆိုပါကြောင်း ဝန်ကြီးကပြန်လည်ဖြေကြားသည်။ ထိုကဲ့သို့ ဆောင်ရွက်ခြင်းသည် အရည်အသွေးပြည့်မီသော ကျန်းမာရေးဝန်ဆောင်မှုများကို ပေးနိုင်သဖြင့် နိုင်ငံသားများကို ဘေးဥပါဒ်ကင်း‌စေမည်ဖြစ်သည်။

Ref: ခမာတိုင်းမ်စ်