ထိုင်းနိုင်ငံတွင် ကျင်းပသည့် AFC Futsal Asian Cup 2024 Thailand ပြိုင်ပွဲ အုပ်စုပွဲစဉ်တွင် တရုတ်အသင်းကို အနိုင်ယူကာ ဗီယက်နမ်အသင်းအား သရေကစားခဲ့သည့် မြန်မာ့လက်ရွေးစင် ဖူဆယ်အသင်းအား MFF ဂုဏ်ထူးဆောင်နာယက ဦးအောင်ကိုဝင်း နှင့် ဥက္ကဋ္ဌ ဦးဇော်ဇော်၊ ဖူဆယ်နှင့်သဲသောင်ပြင် အလုပ်အမှုဆောင် ကိုယ်စားလှယ် ဦးဝင်းသော် တို့က ဂုဏ်ပြုငွေ ကျပ်သိန်း (၁၀၀၀) ချီးမြှင့်ခဲ့ကြောင်း သိရသည်။
မြန်မာလက်ရွေးစင် ဖူဆယ်အသင်းသည် ထိုင်းနိုင်၌ ကျင်းပသည့် AFC Futsal Asian Cup 2024 Thailand ပြိုင်ပွဲ အုပ်စုအဆင့် ပွဲစဉ်များတွင် ဧပြီလ (၁၇) ရက်က ဗီယက်နမ်အသင်းနှင့် ယှဉ်ပြိုင်ကစားခဲ့ရာ တစ်ဘက်တစ်ဂိုးစီဖြင့် သရေရလဒ်ထွက်ပေါ်အောင် ကစားနိုင်ခဲ့ခြင်း ဖြစ်သည်။
ထို့ပြင် ဧပြီ (၂၁) ရက်က ကျင်းပသည့် အုပ်စုအဆင့် နောက်ဆုံးပွဲစဉ်တွင် တရုတ်အသင်းနှင့် ယှဉ်ပြိုင်ကစားခဲ့ရာ (၃) ဂိုး (၁) ဂိုးဖြင့် အနိုင်ရရှိခဲ့ခြင်း ဖြစ်သည်။
ပြီးခဲ့သည့် ဧပြီ (၁၉)ရက်၌ ကျင်းပပြုလုပ်သည့် အိမ်ရှင်ထို င်းအသင်းနှင့် ယှဉ်ပြိုင်ကစားသည့် ပွဲစဉ်တွင် မြန်မာလက် ရွေးစင်ဖူဆယ်အသင်းအနေဖြင့် (၅) ဂိုးဂိုးမရှိဖြင့် ဂိုးပြတ်ရှုံးခဲ့ရသည်။
မြန်မာ့အသင်းသည် AFC Futsal Asian Cup 2024 ပြိုင်ပွဲမတိုင်မီ ကမ္ဘာ့ဘောလုံးအဖွဲ့ချုပ် (FIFA)၏ နိုင်ငံအလိုက်အ ဆင့်သတ်မှတ်ချက်၌ အဆင့် (၇၈)မှ (၆၉)သို တက်လှမ်းနိုင်ခဲ့ကာ၊ အာရှဘောလုံးအဖွဲ့ချုပ်၏ နိုင်ငံအလိုက်အဆင့် သ တ်မှတ်ချက်တွင်လည်း အာရှအဆင့် (၁၈) မှ (၁၅)သို့တက်လှမ်းနိုင်ခဲ့ကြောင်း သိရသည်။


