ရှမ်းပြည်နယ်(မြောက်ပိုင်း)၊ တန့်ယန်းမြို့နယ်၌ Online အသုံးပြု၍ ငွေလိမ်လုပ်ငန်းလုပ်ကိုင်နေသည့် တရုတ်နိုင်ငံသားများနှင့် မြန်မာနိုင်ငံသား (၄၅)ဦးကို ဒီဇင်ဘာ ၂ ရက်နေ့လည် ၁ နာရီ ၁၅ မိနစ်ခန့်က ဖမ်းဆီးရမိခဲ့ကြောင်း သိရသည်။
လုံခြုံရေးအဖွဲ့ဝင်များပါဝင်သော ပူးပေါင်းအဖွဲ့ဝင်များသည် တန့်ယန်းမြို့နယ်၊ နောင်ဟီးကျေး ရွာရှိ နေအိမ်တစ်လုံး၌ တရုတ်နိုင်ငံသားများနှင့် မြန်မာနိုင်ငံသားများ Online အသုံးပြု၍ ငွေလိမ်လုပ်ငန်းများလုပ်ကိုင်နေကြောင်း သတင်းအရဝင်ရောက်ရှာဖွေစစ်ဆေးမှုများပြုလုပ်ခဲ့ကြသည်။
ထိုသို့ စစ်ဆေးရာ နေအိမ်အတွင်း၌ Online အ သုံးပြု၍ ငွေလိမ်လုပ်ငန်းလုပ်ကိုင်နေသည့် တ ရုတ်နိုင်ငံသား(၁၈)ဦးနှင့် မြန်မာနိုင်ငံသား အမျိုး သား၊ အမျိုးသမီး (၂၇)ဦးတို့အား ကွန်ပျူတာမျိုးစုံ(၂၆)လုံး၊ ဆက် စပ်ပစ္စည်း(၂၆)မျိုး၊ Star Link (၁)စုံ၊ ဖုန်းမျိုးစုံ (၁၃၀)လုံးနှင့် CZ 75 D 9 MM ပစ္စတိုသေနတ် (၁)လက်၊ ကျည်(၈)တောင့်၊ Beretta 9 MM ပစ္စတိုသေနတ်(၁)လက်၊ ကျည် (၇)တောင့်၊ Type-81 သေနတ်(၂)လက်၊ ကျည်အိမ်(၃)ခု၊ ကျည်(၄၀)တောင့်၊ ၄၀ မမ ပြောင်း (၁)ခု၊ စကားပြောစက်(၆)လုံး၊ ဆိုင်ကယ်(၂)စီး၊ မီးစက်(၁)လုံး၊ WiFi စက်(၃)လုံး၊ DONG FENG ၆ ဘီးကား(၁)စီးတို့နှင့်အတူဖမ်းဆီးရမိခဲ့သည်။
ထို့ကြောင့် ဖမ်းဆီးရမိခဲ့သည့် တရုတ်နိုင်ငံသားများနှင့်မြန်မာနိုင်ငံသားများအား တန့်ယန်းမြို့မရဲစခန်းက အီလက်ထရောနစ်ဆက်သွယ်ရေးဆိုင်ရာဥပဒေပုဒ်မ ၃၃(က)၊ လဝကအက်ဥပဒေပုဒ်မ ၁၃(၁)တို့ဖြင့် အမှုဖွင့်အရေးယူထားကြောင်း သိရသည်။