တစ်ပတ်အတွင်း ဒုတိယမြောက်တိုက်ဖွန်းမုန်တိုင်းသည် ဖိလစ်ပိုင်နိုင်ငံသို့ ဦးတည်တို-က်ခတ်လျက်ရှိနေပြီး မုန်တိုင်းလမ်းကြောင်းအတွင်းရှိနေသော ဒေသခံများအနေဖြင့် ဖျ-က်အားပြင် လေပြင်းများနှင့် အသက်အန္တရာယ်ရှိသော လှိုင်းလုံးများရန်မှ ဘေးလွတ်ရာရှောင်ကြရန် သတိပေးထားသည်။
ဒေသတွင်း၌ အူဝမ်ဟု သိကြသည့် တိုက်ဖွန်း ဖန်ဝေါင်သည် ဖိလစ်ပိုင်အလယ်ပိုင်းတွင် လူ ၂၀၀ နီးပါးနှင့် ဗီယက်နမ်နိုင်ငံတွင် လူငါးဦးထက်မနည်းကို ေ-သဆုံးစေခဲ့သော တိုက်ဖွန်း ခမ်လ်မေဂျီအပြီးတွင် ဖြစ်ပေါ်လာခြင်းဖြစ်သည်။
လက်ရှိဖြစ်ပေါ်နေသော မုန်တိုင်းသည် စူပါတိုက်ဖွန်းတစ်ခုအဖြစ်သို့ အားကောင်းလာနိုင်ကာ တနင်္ဂနွေနေ့တွင် အရှေ့ပိုင်းကမ်းရိုးတန်း ကုန်းတွင်းကို ဝင်ရောက်တို-က်ခတ်နိုင်သည်ဟု မိုးလေဝသခန့်မှန်းသူများက သတိပေးခဲ့သည်။
၉၃၂ မိုင်ကျယ်ဝန်းသော ဖန်ဝေါင်၏ ကြီးမားသော လှည့်လည်တို-က်ခတ်မှုသည် မိုးသည်းထန်စွာ ရွာသွန်းမှုနှင့် လေပြင်းတို-က်ခတ်မှုတို့ဖြင့် ဒေသ၏ နေရာအချို့ကို ဝင်ရောက်နေပြီဟု ဖိလစ်ပိုင်မိုးလေဝသဌာနမှ မိုးလေဝသခန့်မှန်းသူ ဘန်နီဆွန် အက်စ်တာရီဂျာက ပြောဆိုခဲ့သည်။
“ဒါက တစ်နိုင်ငံလုံးနီးပါးကို တို-က်ခတ်နိုင်ပါတယ်” ဟု အက်စ်တာရီဂျာက ပြောသည်။
ဖန်ဝေါင်သည် စနေနေ့တွင် ဖိလစ်ပိုင်ပင်လယ်ပြင်ကို လေတို-က်နှုန်း တစ်နာရီ ၈၇ မိုင်၊ လေပြင်းတို-က်ခတ်မှုနှုန်း တစ်နာရီ ၁၀၆ မိုင်ဖြင့် ဖြတ်ကျော်တို-က်ခတ်ခဲ့သည်။
မြေနိမ့်ပိုင်းနှင့် ကမ်းရိုးတန်းဒေသများရှိ ဒေသခံများအနေဖြင့် အမြင့်ပိုင်းနေရာများကို ပြောင်းရွှေ့ရန်နှင့် ရေကြောင်းသွားလာမှုအားလုံးကို ရပ်ဆိုင်းထားရန် မိုးလေဝသဌာန က တိုက်တွန်းခဲ့ပြီး နိုင်ငံ၏လူဦးရေအများဆုံးကျွန်းဖြစ်သော မနီလာမြို့တော်တည်ရှိရာ လူဇုန်ကျွန်းအပြင် Visayas ကျွန်းစုနှင့် နိုင်ငံ၏ လှိုင်းစီးမြို့တော်အဖြစ် လူသိများသော Siargao တို့တွင် လေပြင်းတို-က်ခတ်မှုများနှင့် မုန်တိုင်းလှိုင်းလုံးများဖြစ်ပေါ်နိုင်ကြောင်း သတိပေးထားသည်။
ဖိလစ်ပိုင်လေကြောင်းလိုင်းအပါအဝင် လေကြောင်းလိုင်းများစွာသည် လေယာဉ်ခရီးစဉ်များကို ဖျ-က်သိမ်းလိုက်ပြီဖြစ်ကြောင်း ဖိလစ်ပိုင် အရပ်ဖက်လေကြောင်းအာဏာပိုင်အဖွဲ့က ပြောဆိုခဲ့သည်။
Ref: အေအိုအယ်လ်