ကမ္ဘာတစ်ဝန်းရှိနိုင်ငံများအနေဖြင့် တစ်နိုင်ငံနှင့်တစ်နိုင်ငံ သာတူညီမျှဆက်ဆံကာ သဟဇာတဖြစ်စွာနေထိုင်ပြီး အပြန်အလှန်ဖေးမကူညီမှသာ ဘုံလုံခြုံမှုကိုကာကွယ်စောင့်ရှောက်နိုင်မည်ဖြစ်သလို စစ်ပွဲ၏ အရင်းခံအကြောင်းရင်းကိုလည်းဖယ်ရှားနိုင်မည်ဖြစ်ကာ အတိတ်သမိုင်း၏ဖြစ်ရပ်ဆိုးများ တစ်ကျော့ပြန်မဖြစ်ပွားအောင်လည်း တားဆီးနိုင်မည်ဟု တရုတ်နိုင်ငံသမ္မတ ရှီကျင့်ဖျင်က ပြော သည်။
ယနေ့ စက်တင်ဘာ ၃ ရက်နံနက်ပိုင်းက ပေကျင်းမြို့၌ကျင်းပသည့် တရုတ်ပြည်သူများ၏ ဂျပန်ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ်ဆန့်ကျင်ရေးစစ်ပွဲအောင်နိုင်ခြင်း နှစ်(၈၀)ပြည့် အထိမ်းအမှတ်စစ်ရေးပြအခမ်းအနားတွင် မိန့်ခွန်းပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
မျက်မှောက်ခေတ်တွင် လူသားမျိုးနွယ်တို့အနေဖြင့် ငြိမ်းချမ်းရေးနှင့် စစ်ပွဲ၊ ဆွေးနွေးအဖြေရှာခြင်းနှင့် ထိပ်တိုက်ရင်ဆိုင်ခြင်း၊ ဘုံအကျိုးစီးပွားနှင့် သူနိုင်ကိုယ်နိုင်ယှဉ်ပြိုင်ခြင်းတို့ကို ရွေးချယ်ရမည့် အခြေ အနေနှင့် တစ်ကျော့ပြန်ရင်ဆိုင်နေရကာ တရုတ်ပြည်သူများအနေဖြင့် သမိုင်း၏မှန်ကန်သောဘက်၊ လူသားတို့၏ ဖွံ့ဖြိုးတိုးတက်သောဘက်တွင် ခိုင်ခိုင် မာမာရပ်တည်ပြီး ငြိမ်းချမ်းစွာဖွံ့ဖြိုးတိုးတက်မှုလမ်းကြောင်းအား မမှိတ်မသုန်လျှောက်လှမ်း၍ လူသားမျိုးနွယ် အေးအတူပူအမျှအသိုက်အဝန်း ထူထောင်ရေးအတွက် အခြား ကမ္ဘာ့နိုင်ငံများနှင့် အတူလက်တွဲလုပ်ဆောင်သွားမည်ဟု ပြောသည်။
တရုတ်ပြည်သူ့လွတ်မြောက်ရေးတပ်မတော်(PLA) အနေဖြင့် တရုတ်အမျိုးသားဖွံ့ဖြိုးတိုးတက်ရေးအ တွက် မဟာဗျူဟာမြောက်အားဖြည့်ပံ့ပိုးကာ ကမ္ဘာ့ငြိမ်းချမ်းရေးနှင့် ဖွံ့ဖြိုးတိုးတက်ရေးအတွက်လည်း ပံ့ပိုးမှုများလုပ်ဆောင်သွားရန် တရုတ်သမ္မတ ရှီကျင့်ဖျင်က တိုက်တွန်းပြောကြားခဲ့သည်။