တိုင်းပြည်တည်ငြိမ်အေးချမ်းပြီး အဖျက်အမှောင့်များကင်းဝေးမှသာ ပညာကိုအေးချမ်းစွာသင်ယူနိုင်မည်
တက္ကသိုလ်ဆိုသည်မှာ အရည်အသွေးပြည့်ဝသည့် လူ့စွမ်းအားအရင်းအမြစ်များမွေးထုတ်ပေးရာ ဘူမိနက်သန်ဖြစ်သကဲ့သို့ ဆန်းသစ်တီထွင်သည့်နည်းပညာအ ခြေပြုသုတေသနများအစပြုဖော်ဆောင်ရာနေရာဖြစ်သည်ဟု မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ အောက်တိုဘာ ၄ ရက်နံနက်ပိုင်းကကျင်းပသည့် မန္တလေးတက္ကသိုလ် နှစ်(၁၀၀)ပြည့် ရာပြည့်သဘင်အထိမ်းအမှတ်၌ အထက်ပါအတိုင်းပြောကြားခဲ့ခြင်းဖြစ်သည်။
နိုင်ငံတော်အနေဖြင့် စိုက်ပျိုးရေး၊ မွေးမြူရေး၊ စက်မှုကဏ္ဍတို့ဖွံ့ဖြိုးတိုးတက်မှုမှသည် ပြည်သူတို့၏ လူမှုစီးပွားဘဝကို စဉ်ဆက်မပြတ်မြှင့်တင်နိုင်ရန် ဦးတည်ဆောင်ရွက်လျက်ရှိရာ အရည်အသွေးပြည့်ဝသည့် အရင်းအမြစ်များမွေးထုတ်ပေးသည့် တက္ကသိုလ်များနှင့် ကောလိပ်များ၊ သိပ္ပံများသည်အရေးပါသော အခန်းကဏ္ဍမှပါဝင်သည်ဟု ပြောသည်။
ထို့ကြောင့် တက္ကသိုလ်များတွင် ဝိဇ္ဇာနှင့် သိပ္ပံဘာသာရပ်များ၊ ခေတ်မီဘာသာရပ်များကိုထည့်သွင်းသင်ကြားရုံဖြင့်မလုံလောက်ဘဲ တက္ကသိုလ်၏ အသက်သွေး ကြောဖြစ်သည့် “သုတေသန”များကိုလည်းဆောင် ရွက်ရမည်ဖြစ်ကာ သုတေသနကျမ်းများပြုစုရာတွင်ဖြစ်စေ၊ သင်ကြားသင်ယူရာတွင်ဖြစ်စေ စာကြည့်တိုက် အခြေပြုလေ့လာမှုအားကောင်းစေရန်ဆောင်ရွက်ရမည်ဟု မှာကြားသည်။
” တက္ကသိုလ်တစ်ခု ရေရှည်တည်မြဲဖို့ဆိုတာ ပါမောက္ခချုပ်တွေရဲ့ ကောင်းမွန်တဲ့စီမံခန့်ခွဲမှု၊ ဆရာ/ဆရာမတွေရဲ့ ကိုယ်တိုင်ကျွမ်းကျင်တတ်မြောက်မှု၊ သင်ကြားမှုဆိုင်ရာအရည်အသွေးပြည့်ဝမှု၊ ကျောင်းသားတွေရဲ့အမိတက္ကသိုလ် အပေါ် မြတ်နိုးတန်ဖိုးထားတတ်မှုနဲ့ စိတ်ဓာတ်ကောင်းမွန်ရင့်ကျက်စေမှု၊ ဝန်ထမ်းတွေရဲ့စိတ်စေ တနာကောင်းတွေနဲ့ စွမ်းဆောင်ရည်မြင့်မားမှုတွေအပေါ် မူတည်ပါတယ်”ဟု ယာယီသမ္မတက ပြောသည်။
ထို့ကြောင့် မန္တလေးတက္ကသိုလ်တွင်တာဝန်ထမ်းဆောင်ခဲ့ကြသည့် ဆရာကြီး/ဆရာမကြီးများအား မြတ်ဆရာပူဇော်ပွဲကိုခမ်းခမ်းနားနားကျင်းပမည်ဖြစ်ကာ တက္ကသိုလ်များတွင် ရတုအဆက်ဆက် ပညာအမွေပေးနိုင်ရန် အစိုးရသာမက သက်ဆိုင်သူအားလုံးနှင့် ပြည်သူတစ်ဦးချင်းစီတွင်တာဝန်ရှိပြီး အဓိကမှာ တိုင်းပြည်တည်ငြိမ်အေးချမ်းဖို့လိုကာအဖျက်အမှောင့်များကင်းဝေးမှသာ ပညာကိုအေးချမ်းစွာသင်ယူနိုင်မည်ဖြစ်သည်။
အသိပညာ၊ အတတ်ပညာရှိမှ နိုင်ငံချစ်စိတ်၊ မျိုးချစ်စိတ်ဖြင့် ငြိမ်းချမ်းရေးတည်ဆောက်နိုင်မည်ဖြစ်ခြင်းကြောင့် ပြည်သူလူထုတစ်ရပ်လုံး ပညာတတ်ရန်၊ နိုင်ငံရေးအသိရှိရန်လိုသည်ဟု ပြောကြားခဲ့သည်။
Get 10% lower cost per action with tailored web traffic campaign setup. Try Ads