ဟူစတန်၊ဇန်နဝါရီ 9
အမေရိကန်နိုင်ငံ တက္ကဆပ်စ်ပြည်နယ်၌ ဆောင်းရာသီမုန်တိုင်းကြောင့် လေယာဉ်ခရီးစဉ်ပေါင်း ၁,၆၅၀ ထက်မနည်း ကိုဖျက်သိမ်းခဲ့ရကြောင်း FlightAware မှ သတင်းထုတ်ပြန်ချက်များအရသိရသည်။
ကြာသပတေးနေ့နံနက်ပိုင်းအထိ ပြည်နယ်၏ အဓိကလေဆိပ်များတွင် လေယာဉ်ခရီးစဉ်ပေါင်း ၁၃,၀၀၀ ကျော် ကြန့်ကြာနှောင့်နှေးခဲ့ကြောင်းလည်း FlightAware မှထုတ်ပြန်ကြေငြာခဲ့သည်။
ဆောင်းမုန်တိုင်းကြောင့် တက္ကဆပ်စ်မှ တောင်ပိုင်း ကာရိုလိုင်းနားပြည်နယ်အထိ မိုင် 800 ခန့် ဆီးနှင်းများကျဆင်းကာ ရေခဲလျက်ရှိပြီး အပူချိန်များလည်း တဟုန်ထိုးကျဆင်းလျက်ရှိကြောင်းသိရသည်။
ဗုဒ္ဓဟူးနေ့ညနေက တက္ကဆပ်စ် ပြည်နယ်၌ ကျောင်းများယာယီပိတ်ထားကြောင်းကြေငြာခဲ့ပြီး ကြသပတေးနှင့်သောကြာနေ့များတွင် Dallas-Fort Worth ရှိကျောင်းများ ပိတ်ထားမည်ဟုကြေငြာခဲ့သည်။
မုန်တိုင်းအရှိန်ကြောင့် လျှပ်စစ်ဓါတ်အားပြတ်တောက်နိုင်ချေမရှိကြောင်း တက္ကဆက်ပြည်နယ်အုပ်ချုပ်ရေးမှူးကပြောကြားခဲ့သော်လည်း အေးခဲနေသော မိုးရွာခြင်းနှင့်အပင်ပြိုလဲခြင်းများကြောင့်ဖြစ်လာနိုင်သည့် ဓါတ်အားပြတ်တောက်မှုအတွက် ကြိုတင်ပြင်ဆင်ထားသည်ဟုလည်းသိရသည်။
၂၀၂၁ ခုနှစ်ကမူ ရေခဲမုန်တိုင်းများတိုက်ခတ်မှုကြောင့် ပြည်နယ်၏ လျှပ်စစ်ဓာတ်အားလိုင်း ပြတ်တောက်မှုဖြစ်ပေါ်ခဲ့ကာ လူ ၁၀၀ ကျော်ေ-သဆုံးခဲ့သည်ဟုလည်းသိရသည်။
Source : ရှင်းဟွာ