ဂျပန်အာဏာပိုင်များသည် နိုင်ငံအရှေ့မြောက်ပိုင်းဒေသတွင် ညသန်းခေါင်အချိန်ခန့်က ပြင်းအား ၇ ဒဿမ ၅ အဆင့်ရှိ ငလျင်လှုပ်ခတ်ခဲ့သဖြင့် ဆူနာမီသတိပေးချက်ကို ထုတ်ပြန်ခဲ့သော်လည်းအင်္ဂါနေ့တွင် ပြန်လည်ရုပ်သိမ်းလိုက်သည်။ အဆိုပါငလျင်လှုပ်ခတ်မှုကြောင့် လူ ၃၀ ခန့် ထက်မနည်းဒ-ဏ်ရာရရခဲ့ပြီး လူဦးရေ ၉၀,၀၀၀ ခန့်သည် ကမ်းရိုးတန်းဒေသများမှ ထွက်ပြေးခဲ့ရသည်။
ငလျင်သည် တနင်္လာနေ့ည ၁၁း၁၅ နာရီအချိန်တွင် ကမ်းလွန်ပင်လယ်ပြင်၌ လှုပ်ခတ်ခဲ့ခြင်းဖြစ်ပြီး နိုင်ငံအရှေ့မြောက်ပိုင်းကမ်းရိုးတန်းဒေသများကို အမြင့် ၃ မီတာရှိ ဆူနာမီလှိုင်းများရို-က်ခတ်နိုင်ကြောင်း ဂျပန်မိုးလေဝသဌာနက သတိပေးချက်ထုတ်ခဲ့ရသည်။
အင်္ဂါနေ့မနက်အစောပိုင်းတွင်မူ မိုးလေဝသဌာနက သတိပေးချက်များကို အဆင့်လျှော့ချခဲ့ပြီး ဆူနာမီလှိုင်း အကြံပြုချက်အဖြစ်ဖော်ပြခဲ့ကာ နောက်ပိုင်းတွင် အားလုံးကို ရုပ်သိမ်းခဲ့သည်။ ကြီးမားသော ပျ-က်စီးဆုံးရှုံးမှုများနှင့် ပတ်သက်၍ လတ်တလောတွင် သတင်းများမရရှိသေးကြောင်း အာဏာပိုင်များက ပြောကြားခဲ့သည်။
“လက်ရှိအထိတော့ ဒ-ဏ်ရာရသူ ၃၀ လောက်ရှိပြီး မီးလေ-ာင်မှုတစ်ခုဖြစ်ခဲ့တယ်လို့ သတင်းတွေရရှိထားပါတယ်” ဟု ဝန်ကြီးချုပ် ဆနားအဲတာကာအိချိက သတင်းထောက်များကို ပြောကြားခဲ့သည်။
အရှေ့ဂျပန်ရထားလိုင်းသည် ငလျင်ဒ-ဏ်ခံခဲ့ရသည့်ဒေသရှိ မီးရထားပြေးဆွဲမှုအချို့ကို ရပ်ဆိုင်းခဲ့သည်။ ယင်းဒေသသည် ၂၀၁၁ ခုနှစ်က ပြင်းအား ၉ အဆင့်ရှိ ငလျင်ဘေးကိုလည်း ကြုံတွေ့ခဲ့ဖူးသည်။ ဂျပန်နိုင်ငံမြောက်ပိုင်းရှိ အခြားရထားခရီးစဉ်များသည်လည်း လုံခြုံဘေးကင်းမှုဆိုင်ရာ စစ်ဆေးမှုများလုပ်ဆောင်ခဲ့သောကြောင့် ခရီးစဉ်များ နှောင့်နှေးမှုဖြစ်ခဲ့သည်။
Ref: သည်နေရှင်း