ဆီးနှင်းကျ၍ ဗြိတိန်၊ ပြင်သစ်နှင့် နယ်သာလန်တွင် ခရီးသွားများ အနှောင့်အယှက်ဖြစ်

ယခုနှစ်ဆောင်းရာသီ၏ အအေးဆုံးရာသီဥတုကို ဇန်နဝါရီလ ၅ ရက်‌နေ့တွင် ဗြိတိန်၊ ပြင်သစ်နှင့် နယ်သာလန်နိုင်ငံတို့တွင် ကြုံတွေ့ခဲ့ရပြီး ခရီးသွားလာမှုများအနှောင့်အယှက်ဖြစ်ခဲ့သည်။ လျှပ်စစ်ဓာတ်အားပြတ်တောက်မှုကြောင့် ကြီးမားသောအနှောင့်အယှက်များကြုံရပြီး လမ်းများပိတ်သွားခြင်း၊ လေယာဉ်ခရီးစဉ်များ ရပ်နားထားရခြင်းနှင့် ယူရိုစတားအပါအဝင် ရထားခရီးစဉ်များ ဖျ-က်သိမ်းရခြင်းတို့ဖြစ်ပေါ်စေခဲ့သည်။

ဗြိတိန်ကို ပင်မဥရောပနှင့် ချိတ်ဆက်ပေးသည့် ယူရိုစတားက ဆိုးရွားသော ရာသီဥတုအခြေအနေကြောင့် ဘရပ်ဆဲလ်ကို ကျော်လွန်၍ ဝန်ဆောင်မှုမပေးနိုင်တော့သဖြင့် လန်ဒန်နှင့် နယ်သာလန်အကြား သွားလာကြမည့် ရထားခရီးစဉ်များကို ရက်ရွှေ့ကြရန် ခရီးသွားများကို တိုက်တွန်းခဲ့သည်။

ရေလက်ကြားဥမင်လိုဏ်ခေါင်းတွင် လျှပ်စစ်ဓာတ်အားပြတ်တောက်မှုကြောင့် ခရီးသည်ထောင်နှင့်ချီ၍ ပိတ်မိခဲ့ပြီး အချို့သည် ဓာတ်အားပြတ်တောက်သွားသော ရထားပေါ်တွင် တစ်ညလုံး ပိတ်မိမှုဖြစ်ခဲ့ပြီးနောက် နှစ်သစ်ကူးညမှသာ ဥမင်လမ်းကြောင်းအတွင်း၌ ဝန်ဆောင်မှုပြန်ပေးနိုင်ခဲ့သည်။

ဆိုးဝါးသောရာသီဥတုအခြေအနေကြောင့် နယ်သာလန်တွင် ရထားခရီးစဉ်များကို ယနေ့ ရပ်ဆိုင်းလိုက်သည် ဟု ယူရိုစတားက တိုက်ရိုက်ဝန်ဆောင်မှုအပ်ဒိတ်တင် ပြောကြားခဲ့ပြီး ခရီးသည်များအနေဖြင့် ဘူတာရုံသို့ မလာရောက်ရန် တိုက်တွန်းခဲ့သည်။

လန်ဒန် စိန့်ပန်ကရတ်စ်အင်တာနေရှင်နယ်နှင့် ပါရီ ဂါးဂျူနော့ဒ် ဘူတာရုံအကြား ရထားခရီးစဉ်ခြောက်ခုကို ဖျ-က်သိမ်းလိုက်ပြီး အခြားခရီးစဉ်အများစု ကြန့်ကြာမှုဖြစ်ခဲ့ကြောင်း ခရီးစဉ်အချိန်ဇယားတွင် ဖော်ပြခဲ့သည်။

တစ်ချိန်တည်းမှာပင် စကော့တလန်အရှေ့မြောက်ပိုင်း အင်ဗန်နက်စ်အနီး တိုမင်တူးလ် တွင် ဇန်နဝါရီလ ၅ ရက် နေ့နံနက်ပိုင်းက ၅၂ စင်တီမီတာအထိထူ‌သောသော နှင်းထု ကျဆင်းမှုကြောင့် လမ်းကြောင်းများကို ရှင်းလင်းရန်အတွက် ဗြိတိန်မီးရထားအာဏာပိုင်များက စကော့တလန်တွင် နှင်းခွဲစက်များကို ဖြန့်ကျက်ချထားခဲ့သည်။

Ref: သည်စထရိတ်တိုင်းမ်စ်