လာမည့် ဒီဇင်ဘာလအတွင်း ကျင်းပပြုလုပ်တော့မည့် (၃၃) ကြိမ်မြောက် အရှေ့တောင်အာရှအားကစားပြိုင်ပွဲ (ဆီးဂိမ်း) တွင် ဝင်ရောင်ယှဉ်ပြိုင်မည့် မြန်မာ့လက်ရွေးစင်ပိုက်ကျော်ခြင်းအသင်းတို့ ယနေ့ အောက်တိုဘာလ (၂၇)ရက်တွင် လေ့ကျင့်ပြင်ဆင်မှုများ ပြုလုပ်နေပြီဖြစ်ကြောင်း သိရသည်။
ယနေ့ လေ့ကျင့်ပြင်ဆင်မှု ပုံရိပ်များကိုလည်း မြန်မာနိုင်ငံပိုက်ကျော်ခြင်း အဖွဲ့ချုပ်ကဖော်ပြထားပြီး လေ့ကျင့်မှုတွင် အမျိုးသမီး/အမျိုးသား အသင်းများ ပါဝင်သည်ကို တွေ့ရသည်။
ဆီးဂိမ်းပြိုင်ပွဲဝင် မြန်မာ့လက်ရွေးစင်ပိုက်ကျော်ခြင်းအား ကစားသမားများအတွက် အားကစားဝတ်စုံများကို Glory Sport က ကူညီပံ့ပိုးပေးထားသည်။
33rd SEA GAMES THAILAND 2025 ပိုက်ကျော်ခြင်းပြိုင်ပွဲကြီးတွင် မြန်မာအသင်းယှဥ်ပြိုင်ရမည့် အုပ်စုဇယားလ ည်းထွက်ပေါ်ထားပြီဖြစ်ကာ မြန်မာအမျိုးသားအသင်း (Men Team Regu) အနေဖြင့် အုပ်စု(A)တွင် မလေးရှား၊ ဖိလစ်ပိုင် စင်ကာပူအသင်းများဖြင့် ကျရောက်နေပြီး၊ မြန်မာအမျိုးသမီးအသင်း (Women Team Regu) အနေဖြင့် အုပ်စု (B) တွင် မလေးရှား၊ အင်ဒိုနီးယား၊ ကမ္ဘောဒီးယားအသင်းတို့နှင့် ကျရောက်နေသည်။
အလားတူ မြန်မာအမျိုးသားအသင်း (Men Quadrant) အနေဖြင့် အုပ်စု (A) တွင် အင်ဒိုနီးရှား၊ ဖိလစ်ပိုင်၊ တီမောနှင့် ထိုင်းအသင်းတို့နှင့် ကျရောက်နေသလို မြန်မာအမျိုးသမီး (Women Quadrant) အနေဖြင့် အင်ဒိုနီးရှား၊ မလေးရှား၊ ထိုင်းအသင်းတို့နှင့်အတူ ကျရောက်နေသည်။
ထို့ပြင် Mix Quadrant ပြိုင်ပွဲတွင် မြန်မာအသင်းအနေဖြင့် ဗီယက်နမ်၊ မလေးရှား၊ လာအိုအသင်းတို့နှင့် တစ်အုပ်စုတည်းကျရောက်နေကြောင်း သိရသည်။
ထို့နည်းတူ အမျိုးသား Men Hoop ပြိုင်ပွဲတွင် မြန်မာအသင်းအနေဖြင့် ဖိလစ်ပိုင်၊ ကမ္ဘောဒီးယား အသင်းတို့ဖြင့် ကျရောက်နေသလို Women Hoop ပြိုင်ပွဲတွင် မြန်မာအသင်းအနေဖြင့် လာအိုအသင်းနှင့် ကျရောက်နေသည်။
ဆီးဂိမ်းပြိုင်ပွဲကို ၂၀၂၅ ခုနှစ် ဒီဇင်ဘာလ(၉)ရက်မှ (၂၀) ရက်အထိ ထိုင်းနိုင်ငံဘန်ကောက်မြို့၊ ချောင်ဘူရီမြို့၊ ဆောင်ခလာမြို့တို၌ ကျင်းပသွားမည်ကာ၊ အားကစားအမျိုးအစားပေါင်း (၅၀) ယှဉ်ပြိုင်ခွင့်ပြုမည်ဖြစ်ကြောင်း သိရသည်။
ဓာတ်ပုံ – မြန်မာနိုင်ငံပိုက်ကျော်ခြင်းအဖွဲ့ချုပ်