ထိုင်းနိုင်ငံတွင်ကျင်းပလျက်ရှိသည့် (၃၃)ကြိမ်မြောက် အရှေ့တောင်အာရှအားကစားပြိုင်ပွဲတွင် မြန်မာနိုင်ငံအတွက် ပထမဆုံးရွှေတံဆိပ်ဆုများဆွတ်ခူးပေးနိုင်ခဲ့သော အောင်ပွဲရမြန်မာခြင်းလုံးအသင်းသည် ယနေ့ ဒီ ဇင်ဘာ ၁၁ ရက်က ရန်ကုန်လေဆိပ်သို့ပြန်လည်ရောက်ရှိလာခဲ့ကြောင်း သိရသည်။
ရွှေတံဆိပ်ဆုများဆွတ်ခူးပေးနိုင်ခဲ့သော မြန်မာအမျိုး သားခြင်းလုံးအသင်းနှင့် မြန်မာအမျိုးသမီးခြင်းလုံးအ သင်းတို့ပြန်လည်ရောက်ရှိလာခြင်းဖြစ်ရာ တာဝန်ရှိသူ များနှင့် ၎င်းတို့၏ မိသားစုဝင်ဆွေမျိုးများ၊ အားကစားဝါသနာရှင်များကကြိုဆိုခဲ့ကြကြောင်း သိရသည်။
မြန်မာအမျိုးသမီးခြင်းလုံးအသင်းသည် ဆီးဂိမ်းပြိုင်ပွဲ ၏ ရိုးရာခြင်းလုံးအမျိုးသမီးပြိုင်ပွဲ အသင်းလိုက်အုပ် စုပတ်လည်ပွဲစဉ် Linking (Event 3)ပြိုင်ပွဲတွင် ရွှေတံဆိပ်ဆု၊ အမျိုးသားခြင်းလုံးအသင်းသည် ခြင်းလုံးပြိုင်ပွဲ၏ ဗိုလ်လုပွဲ၌ ထိုင်းအသင်းနှင့်ယှဥ်ပြိုင်ကစားပြီး ရမှတ်(၅၇၄)မှတ်ဖြင့် ရွှေတံဆိပ်ဆုရရှိခဲ့ခြင်းဖြစ် ကြောင်း သိရသည်။
ထိုသို့ ရွှေတံဆိပ်ဆုများဆွတ်ခူးနိုင်ခဲ့သော မြန်မာအ မျိုးသားခြင်းလုံးအသင်းနှင့် အမျိုးသမီးခြင်းလုံးအ သင်းတို့အား အားကစားနှင့်လူငယ်ရေးရာဝန်ကြီးဌာနမှ အမေရိကန်ဒေါ်လာ(၆၀၀)၊ ကမ္ဘောဇဘဏ် နာယကကြီးဦးအောင်ကိုဝင်းမှ ထိုင်းဘတ်ငွေ(၆)သိန်း၊ မြန်မာနိုင်ငံရွက်လှေအဖွဲ့ချုပ်ဥက္ကဋ္ဌ ဦးမိုးမြင့်မှ ထိုင်းဘတ်ငွေ(၅) သောင်း၊ ရန်ကုန်တိုင်းအစိုးရအဖွဲ့ လူမှုရေးရာဝန်ကြီးဦးဌေးအောင်နှင့် ရန်ကုန်တိုင်းအားကစားနှင့်လူငယ်ရေးရာ အထောက်အကူပြုကော်မတီဝင်များမှ ထိုင်းဘတ်ငွေ (၅၀,၀၀၀)နှင့် အမေရိကန်ဒေါ်လာ(၄၀၀)တို့ကို ဂုဏ်ပြုချီးမြှင့်ပေးအပ်ခဲ့ကြကြောင်း သိရသည်။
ထို့ပြင် မြန်မာနိုင်ငံခြင်းလုံးနာယက ဦးစိုးတင့်မှ ထိုင်းဘတ်ငွေ(၃)သောင်း၊ မြန်မာနိုင်ငံခြင်းလုံးဥက္ကဋ္ဌ ဦးရဲဝင်းထွဋ်တင်မှ အမေရိကန်ဒေါ်လာ(၃,၀၀၀)နှင့် ဒု-ဥက္ကဋ္ဌ ဦးအောင်မြင့်မြတ်မှ အမေရိကန်ဒေါ်လာ(၁,၀၀၀)၊ မြန် မာနိုင်ငံ အမျိုးသမီးအားကစားအဖွဲ့ချုပ်ဥက္ကဋ္ဌ ဒေါ်ခင်လေးမွန်နှင့်အဖွဲ့မှ အမေရိကန်ဒေါ်လာ(၆၀၀)နှင့် ထိုင်းဘတ်ငွေ(၁၀,၀၀၀)တို့ကိုလည်း ဂုဏ်ပြုချီးမြှင့်ပေးအပ်ခဲ့ကြကြောင်း သိရသည်။