မြန်မာနိုင်ငံ အနုပညာ လောကတွင် စွယ်စုံရ ပညာရှင်အဖြစ် ဘဘ ဦးသုခ မရှိတော့သော သည်ဘက် ခေတ်မှာ အစ်ကိုလေး ဗိုလ်ကလေး တင့်အောင် တစ်ယောက်တည်းသာ ကျန်တော့သည်။ အသက်က ၉၆ နှစ်ထဲ ရောက်လာပြီ။
သက်ကြီးစာပေ ပညာရှင်တွေ ရှိပါသည်။ သို့သော် စာပေ၊ ဂီတ၊ ပြ ဇာတ်၊ ရုပ်ရှင် စွယ်စုံ ထူးချွန်သူ တစ် ယောက်တည်းသာ ကျန်သည်ဟု ကျွန်တော် ထင်ပါသည်။
ထို့ကြောင့်လည်း မကြာခဏ သွားရောက် တွေ့ဆုံရသည်။ စကား တွေ ပြောရသည်ဟု မဆိုသာ။ စကားတွေ နားထောင်ဖို့ သွားရခြင်း ဖြစ်ပါသည်။
ရောက်သည်နှင့် မေးခွန်းလေး စလာသည်။
“လူနဲ့တိရစ္ဆာန် တူတာတွေ သိ လား။
-အိပ်၊ စား၊ ကာမ ဤသုံးဝ တူ ကြတယ်လို့ ဆိုကြတာမဟုတ်လား။ “မတူတာရော။
-လူက အသိဥာဏ်မှာ ပိုတယ် လေ အစ်ကိုလေး။
“ကောင်းပြီ။ ခင်ဗျား ရန်ကုန် ကနေ သန်လျင်ကို တံတားကြီးမပြီး ခင်က သွားဖူးလား။
-သွားဖူးတယ်။
“ရန်ကုန်၊ ပုဇွန်တောင်၊ ညောင် တန်း၊ သီတာ ဆိပ်ကမ်းက ထွက်တဲ့ သင်္ဘောနဲ့ သွားဖူးမှာပေါ့။ -သွားဖူးပါတယ်။ အခေါက် ခေါက်သွားဖူးပါတယ်။
“စင်ရော်တွေ အစာကျွေးဖူး လား။ သင်္ဘောထွက်စမှာ စင်ရော် လေးငါးကောင်ပဲ ရှိရာက အစာ လည်း ကျွေးရော စင်ရော်တွေ တစ် ဖြည်းဖြည်း များလာတာ သတိထား မိလား။
-ဟုတ်တယ် အစ်ကိုလေး။ သင်္ဘောထွက်စတော့ လေးငါးကောင် ပဲ။ အစာလည်းစကျွေးရော တစ် ဖြည်းဖြည်း စင်ရော်တွေ ရောက်လာ ကြတာ။ မြစ်လယ်လည်း ရောက် ရော စင်ရော်တွေ ရာကျော်မယ် ထင်တယ်။
“ခင်ဗျား ပြန်ပြီးစဉ်းစားကြည့် စမ်း။ အစာတွေကို လေထဲမှာပစ် ပစ် ကျွေးကြတာကို စင်ရော်တွေက ရေ ထဲမကျအောင် လေထဲမှာ လိုက်ဖမ်း ပြီး နှုတ်သီးနဲ့ မိအောင် စားကြတာ သတိပြုမိသလား။
-ဟုတ်တယ် အစ်ကိုလေး။ အစာတွေ လေထဲမြှောက်ပြီး ပစ် ကျွေးတာနဲ့ စင်ရော်တွေက လေ ယာဉ်ပျံတွေ (Dive) ဒိုက်ထိုးသလို ထိုးဆင်းလာပြီး နှုတ်သီးနဲ့ အမိဖမ်း ကြတာကြည့်ပြီး လူကြီးတွေကလည်း သဘောကျ၊ ကလေးတွေက လက်ခုပ် လက်ဝါးတွေ တီးကြနဲ့ သန်လျင်ဆိပ် ကမ်းရောက်လို့ ရောက်မှန်းမသိ ပျော်ခဲ့ကြရတာ ခုမှပြန်သတိရမိပါ တယ်။
xခင်ဗျား နည်းနည်းလေး ပိုပြီး စဉ်းစားလိုက်စမ်းဗျာ။ အစာတွေကို လုလုစားကြတဲ့ စင်ရော်ငှက်တွေ လေထဲမှာ ဝဲပျံရင်း တစ်ကောင် နဲ့တစ် ကောင် တိုက်မိတာတွေ့ဖူးသလား။
-ဟုတ်တယ်။ စင်ရော်အချင်း ချင်း တိုက်မိတာ မတွေ့ဖူးပါဘူး။ အစာတွေ လေထဲ ပစ်လိုက်တဲ့ အချိန် မှာ စင်ရော်တွေ ဝိုင်းလာတာပဲ။ တစ်ကောင်က အစာကိုဟပ်မိတဲ့ အချိန်မှာ တခြား စင်ရော်တွေက ချက်ချင်းရပ်ပြီး လှည့်သွားကြတာ တကယ် အံ့သြဖို့ ကောင်းတယ်။ အခု အစ်ကိုလေး မေးမှ သတိထားမိတယ်။ လေထဲမှာ ရုတ်တရက် အရှိန်သတ် ပြီး Dead Stop အရှိန်လျှော့ရင်း လှည့်ပျံသွားတာပဲ။
xတိရစ္ဆာန်ပဲဗျာ။ အသိဥာဏ် မရှိရင် အချိန်မီ အရှိန်သတ်ပြီး ရပ်နိုင်တာ၊ ကွေ့ပြီး လှည့်ထွက်သွား တာ အံ့သြဖို့ မကောင်းဘူးလား။
-ဟုတ်တယ်။ ချက်ချင်း ရပ်ပြီး မတိုက်မိအောင် ရှောင်တယ်။ အပေါ်ကို မော့ပြီး ပျံတက်လိုက် တယ်။ အဲဒီ Action ကို ကျွန်တော် သဘောကျလို့ ဓာတ်ပုံတွေရိုက်မိ သေးတယ်။
xကဲ..ဒါဖြင့် ခင်ဗျားကို ကျွန်တော် ဆက်မေးမယ်။ တိရစ္ဆာန် ထက် လူက အသိဥာဏ်ပိုတယ်လို့ ခင်ဗျား ဖြေခဲ့တယ်နော်။
-ဟုတ်တယ်လေ အစ်ကိုလေးရဲ့။
xဘာကြောင့် တိရစ္ဆာန်ထက် အသိဥာဏ်ပိုတဲ့ လူတွေ မောင်းတဲ့ ကား အချင်းချင်းတိုက်ကြလဲ။
သူ့မေးခွန်းက ကျွန်တော့်ကို အဖြေရ ကျပ်စေသည်။
-တစ်ခါတလေလည်း စက် ကြောင့် ဘရိတ်ပေါက်တာကြောင့် ဒီ လိုတွေ ဖြစ်မှာပေါ့။
xဒါဆိုရင်ဗျာ။ ရန်ကုန်-မန္တ လေး အမြန်လမ်းကြီးက ဖြူး…လို့ ဗျာ။ လမ်းအလယ်မှာလည်း အသွားကား- အပြန်ကားတွေ မတိုက်အောင် Island ခေါ်လား၊ အတားအဆီး ကျွန်းတွေ လုပ်ထား တယ်။ ကားတွေက အဲဒီအတား အဆီးတွေပေါ် တက်သွား ကြတယ်၊ မှောက်ကြတယ်၊ လမ်းဘေးက မြောင်းတွေထဲကျပြီး မှောက်ကြတယ် ဗျာ။
-အရှိန်လွန်လို့ မူးလို့ဖြစ်မှာ ပေါ့။
xရန်ကုန်မြို့ထဲက လမ်းမကြီး တွေမှာ ယာဉ်ကြောထိန်းဖို့ အင်္ဂတေ တုံးကြီးတွေ ချထားတယ်ဗျာ။ အဲဒီ တုံးတွေကိုလည်း ကားတွေက ဝင် တိုက်နေတယ်ဗျာ။
xလေထဲက တိရစ္ဆာန်တွေက တစ်ကောင်နဲ့ တစ်ကောင် မတိုက်မိ ကြဘဲ လူတွေက ကားလမ်းပေါ်မှာ တိုက်နေကြတယ်ဗျာ။
xလူတွေက တိရစ္ဆာန်တွေထက် အသိဥာဏ်ပိုရှိတယ်ဆို ဘာ့ကြောင့် တိုက်ကြတာလဲ။
ကျွန်တော် လူ့အန္ဓ ဘာမှ မပြောတတ်တော့ပါ။ ဆင်ခြေလည်း မပေးတတ်တော့ပါ။ သူ့ကို ငေးကြည့် ရင်း ဆွံ့အနေရပါတော့သည်။
ကျွန်တော် စာတွေ ရေးနေပါ သည်။ ဂျာနယ်ထဲမှာ ရေးသည်၊ လုံး ချင်းတွေ ထုတ်သည်။ မှတ်မိသမျှ အသိတွေကို ဖြန့်ဝေနေပါသည်။ အစ်ကိုလေး ဗိုလ်ကလေး တင့်အောင် ကဲ့သို့ နက်နက်နဲနဲ တွေးတော ဆင် ခြင်မိခြင်း မရှိခဲ့ပါ။
သူ့ကို ကြည့်ရင်း နားထောင် ရင်း စိတ်တွင်းမှ ကြိတ်၍ ဆုတောင်း နေမိရပါသည်။
စွယ်စုံအနုပညာရှင်ကြီး အသက် တစ်ရာ့နှစ်ဆယ် ရှည်ပါ စေ။
လေ့လာ ဆည်းပူးထားသမျှ၊ တွေးတောဆင်ခြင်ထားသမျှ နောက် လူတွေကို မျှဝေ အမွေပေးထားနိုင်ခဲ့ ပါစေ…ဟူ၍။
မောင်ဆွေသက်