မန္တလေးတိုင်းဒေသကြီး၊ စဉ့်ကိုင်မြို့၊ တအုံကျေးရွာအနီး ဒုဋ္ဌဝတီမြစ်အတွင်း၌ အမျိုးသား (၂) ဦး ရေဆင်းကစားရာမှ ရေနစ်ကာ အသက်ဆုံးရှုံးမှု ဖြစ်ပွားခဲ့ရကြောင်း မြန်မာနိုင်ငံလူမှုကယ်ဆယ်ရေးအဖွဲ့ (မန္တလေး တိုင်းရုံး)မှ သိရသည်။
သင်္ကြန်အတတ်နေ့ ဧပြီ (၁၆) ရက် ညနေပိုင်းက ရေဆင်းကစားရာမှ ရေနစ်ပျောက်ဆုံးသွားသည့် အသက် (၂၃) နှစ်အရွယ် အမျိုးသား (၁) ဦးနှင့် အသက် (၁၇) နှစ်အရွယ် အမျိူးသား (၁) ဦးတို့ ရေနစ်ပျောက်ဆုံးခဲ့ရကြောင်း သိရသ ည်။
၎င်းတို့အား ကူညီရှာဖွေပေးပါရန် မိသားစုဝင်များမှ ဆက်သွယ်အကူအညီတောင်းခံချက်အရ မြန်မာနိုင်ငံလူမှုကယ် ဆယ်ရေးအဖွဲ့ (မန္တလေးတိုင်းရုံး) မှ Rescue Diver Team (Mandalay) နှင့် တဝမေတ္တာ လူမှုကူညီရေးအသင်းမှ Resc ue Diver Team (Chan Mya Thar Si) တို့မှ ရေငုပ်သမားများ သွားရောက်ရှာဖွေကူညီမှုများ ပြုလုပ်ခဲ့ကြောင်း သိရသည်။
ထိုသို့ ရှာဖွေရာ ဧပြီ (၁၇) ရက်၊ နေ့လယ် (၁၁)နာရီ (၄၅)မိနစ်အချိန်တွင် အသက် (၁၇) နှစ်အရွယ် အမျိုးသား၏ ရုပ်အ လောင်းအား လည်းကောင်း၊ နေ့လယ် (၁)နာရီ (၄၅)မိနစ်တွ င် အသက် (၂၃) နှစ်အရွယ် အမျိုးသား၏ ရုပ်အလောင်းအားလည်းကောင်း ရှာဖွေတွေ့ရှိခဲ့သည့်အတွက် ဆေးရုံကြီးသို့ ကူညီပို့ဆောင်ပေးခဲ့ကြောင်း သိရသည်။

