ပြီးခဲ့သည့် သီတင်းပတ်က တောင်ကိုရီးယားနိုင်ငံတွင် စစ်အုပ်ချုပ်ရေးဖော်ဆောင်ရန် ကြိုးပမ်းခဲ့ခြင်းနှင့်ပတ်သက်၍ ဆိုးလ်မြို့ရှိ သမ္မတရုံးကို တောင်ကိုရီးယားရဲတပ်ဖွဲ့က ဝင်ရောက်စီးနင်းခဲ့သည်။
စွပ်စွဲပြစ်တင်မှုအပြင် ရာထူးကဆင်းပေးရန် တောင်းဆိုမှု အများအပြားရှိနေသော်လည်း သမ္မတရာထူးကို ဆက်လက်ခံယူနေသည့် သမ္မတ ယွန်ဆွတ်ယိုသည် သူပုန်ထမှုနှင့် နိုင်ငံတော်သစ္စာဖောက်မှု စွဲချက်များဖြင့် အစိုးရဌာနခွဲအသီးသီး၏ စုံစမ်းစစ်ဆေးမှုအများအပြားကို ရင်ဆိုင်နေရသည်။
တစ်ချိန်တည်းမှာပင် စစ်အုပ်ချုပ်ရေးကြေညာမှုကို တာဝန်ယူခဲ့သည့် တောင်ကိုရီးယား ကာကွယ်ရေးဝန်ကြီးဟောင်း ကင်ယောင်ဟွန်းကလည်း ထိန်းသိမ်းခံနေရစဉ်တွင် မိမိကိုယ်ကို သ-တ်သေရန် ကြိုးပမ်းခဲ့ကြောင်း တာဝန်ရှိသူတစ်ဦးက ပြောကြားခဲ့သည်။
ကင်ယောင်ဟွန်းအား တနင်္ဂနွေနေ့က ဖမ်းဆီးခဲ့ခြင်းဖြစ်ပြီး လက်ရှိတွင် အစောင့်အကြပ်များဖြင့် ထားရှိထားပြီး လောလောဆယ်တွင် ကျန်းမာရေးပြဿနာမရှိကြောင်း ဝန်ကြီးဌာနက လွှတ်တော်သို့ ပြောကြားခဲ့သည်။
သမ္မတ ယွန်ဆွတ်ယိုနှင့် နီးစပ်သော အဆင့်မြင့်အရာရှိအများအပြားသည်လည်း စစ်အုပ်ချုပ်ရေးကြေညာပြီးနောက် အချိန်တိုအတွင်း ရာထူးမှ နုတ်ထွက်ခဲ့ကြသည်။
ယခုအခါ တောင်ကိုရီးယားနိုင်ငံသည် နိုင်ငံရေး အကျပ်အတည်းနှင့် ရင်ဆိုင်နေရသည်။