စင်္ကာပူ၊ဇွန် ၁
စင်္ကာပူဝန်ကြီးချုပ်မစ္စတာလီရှန်လွန်းသည် မေလကကိုဗစ်ရောဂါကူးစက်ခံထားရကြောင်းစစ်ဆေးတွေ့ရှိခဲ့ပြီး ပြန်လည်သက်သာလာရာမှ ယခုတစ်ခါ စစ်ဆေးရာ၌ ကိုဗစ်ပိုးကိုထပ်မံစစ်ဆေးတွေ့ရှိခဲ့ကြောင်းသိရသည်။
အသက် ၇၁ နှစ်အရွယ်ရှိ ဝန်ကြီးချုပ်ကမူ ပထမအကြိမ်ကူးစက်ခံရမှုလောက် အန္တရာယ်မများသော်လည်း ၎င်းသည် ရောဂါကူးစက်နေဆဲဖြစ်ကြောင်းပြောကြားခဲ့သည်။
ART စမ်းသပ်မှုကို အသုံးပြု၍ ရောဂါမသက်သာမချင်း သီးခြားခွဲနေရန်လည်းဆရာဝန်များက အကြံပြုထားကြောင်း ၎င်းကပြောကြားခဲ့သည်။
မစ္စတာလီအနားယူနေချိန်အတွင်း ဒုတိယဝန်ကြီးချုပ် မစ္စတာလောရန့်စ်ဝေါင်းသည် ယာယီဝန်ကြီးချုပ်အဖြစ် တာဝန်ယူဆောင်ရွက်မည်ဖြစ် ကြောင်းသိရသည်။
ရှစ်ကြိမ်မြောက် စင်္ကာပူ – သြစတြေးလျ နှစ်ပတ်လည်ခေါင်းဆောင်များ အစည်းအဝေးအတွက်လည်း သြစတြေးလျ၀န်ကြီးချုပ် အန်တိုနီအယ်လ်ဘနီးဇ်ကိုလည်း မစ္စတာဝေါင်းက သောကြာနေ့တွင်လက်ခံတွေ့ဆုံမည်ဖြစ်သည်ဟုသိရသည်။
Source : CNA