စက်တင်ဘာလဝက်အတွင်း မလေးရှားနိုင်ငံရှိ ထိန်းသိမ်းရေးစခန်းများ၌ရောက်ရှိနေသည့် မြန် မာနိုင်ငံသား ၂၂၅ ဦးအား ပြန်လည်ကူညီပို့ ဆောင်ပေးနိုင်ခဲ့
မလေးရှားနိုင်ငံ၌ ရောက်ရှိအလုပ်လုပ်ကိုင်နေရာမှ အကြောင်းအမျိုးမျိုးကြောင့် ဖမ်းဆီးခံခဲ့ရပြီး ပြစ်ဒဏ်ကျခံပြီးကာ ထိန်းသိမ်းရေးစခန်းများတွင် ရောက်ရှိနေသည့် မြန်မာနိုင်ငံသားများအား ပြန်လည်ကူညီပို့ဆောင်ပေးရာတွင် စက်တင်ဘာ လဝက်အတွင်း ၂၂၅ ဦးရှိခဲ့သည်ဟု မလေးရှားနိုင်ငံဆိုင်ရာ မြန်မာသံရုံး၊ကွာလာလမ်ပူမြို့မှ သိရသည်။
ထိုသို့ ပြန်လည်ပို့ဆောင်ပေးရာတွင် မြန်မာနိုင်ငံသားဟုတ်မှန်ကြောင်း အထောက်အထားပြည့်စုံသည့် အမျိုးသား၊အမျိုးသမီးများနှင့်ကလေးငယ်များလည်းပါဝင်ကြောင်း သိရသည်။
မြန်မာသံရုံး၊ကွာလာလမ်ပူမြို့မှ တာဝန်ရှိသူများက မလေးရှားနိုင်ငံရှိ ထိန်းသိမ်းရေးစခန်းများ၌ ရောက်ရှိနေသည့် မြန်မာနိုင်ငံသားများအား သွား ရောက်တွေ့ဆုံပြီးနောက် လိုအပ်သည့်ကူညီထောက်ပံ့မှုများပြုလုပ်ကာ မြန်မာနိုင်ငံသို့ပြန် လည်ပို့ဆောင်ပေးနိုင်ရန် ဆောင်ရွက်ပေးခဲ့ကြခြင်းဖြစ်သည်။
မလေးရှားနိုင်ငံရှိ ထိန်းသိမ်းရေးစခန်းများဖြစ်သည့် KLIA မှ ၃၆ ဦး၊ Semenyih ၁ ဦး၊ Malaka Camp မှ ၃ ဦး၊ Lingeeng မှ ၈ ဦး၊ Juru deport မှ ၉ ဦး၊ Kemayan မှ ၆၀ ဦး(စုစုပေါင်း ၁၁၇ ဦး)တို့အား စက်တင်ဘာ ၁၅ ရက်က မြန်မာနိုင်ငံသို့ပြန်လည်ပို့ဆောင်ပေးနိုင်ခဲ့သည်။
အလားတူ စက်တင်ဘာ ၁ ရက်တွင်လည်း KLIA မှ ၅ ဦး၊ Bukit Jali မှ ၁၃ ဦး၊ Lang kap မှ ၃၇ ဦး၊ Bidor မှ ၅၃ ဦး(စုစုပေါင်း ၁၀၈ ဦး)တို့ကိုလည်း ပြန်လည်ပို့ဆောင်ပေးခဲ့ကြောင်း သိရသည်။
ထိုသို့ ပြန်လည်ပို့ဆောင်ပေးရာတွင် မြန်မာအ ပြည်ပြည်ဆိုင်ရာလေကြောင်းလိုင်း(MAI)ကယ် ဆယ်ရေးလေယာဥ်ဖြင့် ပြန်လည်ပို့ဆောင်ပေးခဲ့ခြင်းဖြစ်ကြောင်း သိရသည်။
