ဂျပန်၌ဈေးနှုန်းများမြင့်တက်မှုကြောင့် ၂၇ ရာခိုင်နှုန်းသောဘိုးဘွားရိပ်သာများရပ်နားရဖွယ်ရှိ

တိုကျို၊ဇူလိုင် ၈

ဂျပန်နိုင်ငံရှိသက်ကြီးရွယ်အိုစောင့်ရှောက်ရေးစင်တာများနှင့် ဆက်စပ်လုပ်ငန်းများ၏ ၂၇ ရာခိုင်နှုန်းခန့်သည် ဈေးနှုန်းများကြီးမြင့်ခြင်းနှင့် အသုံးစရိတ်မြင့်တက်လာမှုများကဆက်လက်ဖိအားပေးလာလျှင် ၎င်းတို့အနေဖြင့် ဒေဝါလီခံကာ လုပ်ငန်းများကို ရပ်ဆိုင်းရနိုင်ကြောင်း သူနာပြုစောင့်ရှောက်ရေးအဖွဲ့များ၏ စစ်တမ်းတစ်ခုအရသိရသည်။

သူနာပြုစောင့်ရှောက်ရေးဌာနများအနေဖြင့် အခြားသောလုပ်ငန်းများကဲ့သို့ ဝန်ဆောင်မှုစားရိတ်စားက တိုးမြှင့်ကောက်ခံမှုမျိုးပြုလုပ်ရန် အဆင်မပြေနိုင်သောကြောင့် ဈေးနှုန်းများမြင့်တက်လာခြင်းသည် ၎င်းတို့၏လုပ်ငန်းများအပေါ် တိုက်ရိုက်အကျိုးသက်ရောက်မှုဖြစ်စေသည်ဟု သူနာပြုစောင့်ရှောက်မှုပေးသူများအသင်းမှတာဝန်ရှိသူတစ်ဦးကပြောကြားခဲ့သည်။

ထို့ကြောင့် အချို့သောလုပ်ငန်းများသည် ဝန်ထမ်းလျှော့ချခြင်း သို့မဟုတ် ဈေးနှုန်းများကြီးမြင့်မှုတို့ကြောင့် အလုပ်ခန့်ထားမှုများရွှေ့ဆိုင်းခြင်းများဖြစ်ပေါ်လာနိုင်ကာ သူနာပြုစောင့်ရှောက်ရေးလုပ်ငန်းများ၏အရည်အသွေးများကျဆင်းလာနိုင်ခြေနှင့်ပတ်သက်၍လည်း စိုးရိမ်မှုများမြင့်တက်လာကြသည်။

ကောက်ယူထားသောစစ်တမ်းအရ သူနာပြုစောင့်ရှောက်ရေးလုပ်ငန်းများ၏ ၉၀ ရာခိုင်နှုန်းကျော်သည်ဈေးနှုန်းကြီးမြင့်လာခြင်း၏ ဒဏ်ကိုခံစားနေရကြောင်းသိရှိရသည်။

လက်ရှိလည်ပတ်နေသောလုပ်ငန်းများအား ဆက်လက်လည်ပတ်နိုင်ရန် မည်သို့ပြုလုပ်နေသနည်းဟူသောမေးခွန်းအားမေးမြန်းရာ၌ အများစုမှာ လျှပ်စစ်နှင့်ကုန်ပစ္စည်းသုံးစွဲမှုလျှော့ချခြင်းနှင့်ဘဏ်စုငွေများထုတ်ယူခြင်း၊ဝန်ထမ်းလခနှင့်ဆုငွေတိုးမြှင့်မှုများအားလျှော့ချခြင်းတို့ပြုလုပ်နေရကြောင်းသိရသည်။

အခြား ၁၆ ဒသမ ၂ ရာခိုင်နှုန်းသောလုပ်ငန်းများအနေဖြင့် ဝန်ထမ်းလျှော့ချခြင်းနှင့် အလုပ်ခန့်ထားမှုဆိုင်းငံ့ခြင်းများအားရွေးချယ်ခဲ့ကြောင်းစစ်တမ်းအရသိရသည်။

Source : Kyodo