ဂျပန်နိုင်ငံသို့သွားရောက်ရန်အတွက် ဗီဇာလျှောက်ထားခြင်း လုပ်ငန်းများကို ယနေ့ ဒီဇင်ဘာလ (၁၁) ရက် (ကြာသပတေးနေ့) မှစတင်၍ လက်ခံဆောင်ရွက်ပေးနေပြီဖြစ်ကြောင်း သိရသည်။
ရန်ကုန်မြို့၊ မင်္ဂလာတောင်ညွန့်မြို့နယ်၊ ကန်ရိပ်သာလမ်းနှင့် ဦးအောင်မြတ်လမ်းထောင့်၊ အမှတ် (၁၁) (ကန်တော်ကြီးအနီးရှိ (Kan Thar Yar Centre) တွင် ဖွင့်လှစ်ထားသော ဂျပန်ဗီဇာလျှောက်ထားရေးစင်တာ (Japan Visa Application Centre : JVAC) တွင် ဗီဇာလျှောက်ထားခြင်းလုပ်ငန်းများကို ဆောင်ရွက်ပေးခြင်းဖြစ်ကြောင်း သိရသည်။
ဗီဇာလျှောက်ထားသည့်အခါ သံရုံးတွင်ပေးဆောင်ရမည့် ဗီဇာကြေးနှင့် ၎င်းစင်တာအသုံးပြုရန်ဝန်ဆောင်ခ ကျသင့်ငွေကို ဗီဇာလျှောက်ထားရေး စင်တာတွင် ပုံတွင်ဖော်ပြပေးထားပြီး ဗီဇာကြေးနှင့် စင်တာအသုံးပြုဝန်ဆောင်ခကို ဗီဇာလျှောက်ထားချိန်တွင် ပေးချေရမည်ဖြစ်ကြောင်း သိရသည်။
ဗီဇာလျှောက်ထားခြင်းကို တနင်္လာနေ့မှ သောကြာနေ့အထိ နံနက် (၈) ခွဲမှ ညနေ (၅) ခွဲအတွင်း လျှောက်ထားနိုင်ပြီး ဗီဇာထုတ်ပေးခြင်းလုပ်ငန်းစဥ်များကို တနင်္လာနေ့မှ သောကြာနေ့ နံနက် (၉) မှ ညနေ (၅) နာရီအထိ လုပ်ဆောင်ပေးသွားမည်ဖြစ်ကြောင်း သိရသည်။
ဗီဇာလျှောက်ထားလိုသူများအနေဖြင့် ဂျပန်ဗီဇာလျှောက်ထားရေးစင်တာ၏ အကူအညီရယူလိုပါက တယ်လီဖုန်းနံပါတ် ၀၉ ၇၈၃ ၄၆၉ ၃၇၆ ၊ ၀၉ ၇၆၀ ၉၆၆ ၆၆၁ ၊ ၀၉ ၇၆၀ ၉၆၆ ၆၆၂ သို့ ဖြစ်စေ အီးမေးလ်နံပါတ် [email protected] သို့ ဖြစ်စေ ဆက်သွယ်အကူညီရယူနိုင်ကြောင်း သိရသည်။
ဓာတ်ပုံ – Kyaw Swar Min