ဂျပန်နှင့်ဗီယက်နမ်တို့လုံခြုံရေး ပူးပေါင်းဆောင်ရွက်မှုမြှင့်ရန်သဘောတူ

ကျိုဒို၊ ဒီဇင်ဘာ ၄

ဂျပန်နှင့် ဗီယက်နမ်တို့သည် ၎င်းတို့၏ မဟာဗျူဟာမြောက် မိတ်ဖက်ဆက်ဆံရေးအရ လုံခြုံရေးပူးပေါင်းဆောင်ရွက်မှုကို ပုံဖော်ရန် ကြာသပတေးနေ့တွင် အဆင့်မြင့်ဆွေးနွေးပွဲ၌ သဘောတူညီခဲ့ကြောင်း ဂျပန် နိုင်ငံခြားရေး ဝန်ကြီးက တောင်နှင့် အရှေ့တရုတ်ပင်လယ်များကို တရုတ်နိုင်ငံကပိုင်ဆိုင်ကြောင်း အခိုင်အမာ ပြောကြားလာသည်ကိုသိရှိရပြီးနောက်တွင် ထိုသို့ပြောကြားခဲ့ ခြင်းဖြစ်သည်။

ထိုစဉ်က ဂျပန်ဝန်ကြီးချုပ် ရှီဂေရူ အီရှီဘား ၏ ဗီယက်နမ်ခရီးစဉ်အတွင်း ဧပြီလတွင် ချမှတ်ခဲ့သော မူဘောင်တစ်ရပ်အရ နှစ်နိုင်ငံဒုတိယနိုင်ငံခြားရေးဝန်ကြီးများနှင့် ကာကွယ်ရေးဝန်ကြီးများအကြား ပထမဆုံးတွေ့ဆုံမှုမှထွက်ပေါ်လာ‌သော သဘောတူညီချက်ဖြစ်သည်။

ကာကွယ်ရေးပစ္စည်းများကို ထောက်ပံ့ပေးအပ်ရန် ဂျပန်နိုင်ငံ၏ တရာအစိုးရ လုံခြုံရေး အကူအညီအစီအစဉ်ကို နှစ်ဘက်ဆွေးနွေးခဲ့ကြပြီး ဒေသတွင်းငြိမ်းချမ်းရေး၊ လွတ်လပ်မှုနှင့် သာယာဝပြောရေးကို ထိန်းသိမ်းရန် ရည်ရွယ်သည့် အရှေ့တောင်အာရှနိုင်ငံများအဖွဲ့ (အာဆီယံ) ၏အစီအစဉ်နှင့်အညီ လွတ်လပ်ပွင့်လင်းသော အင်ဒို-ပစိဖိတ်ဒေသကို အကောင်အထည်ဖော်ရန် အရေးကြီးကြောင်း အတည်ပြုပြောကြားခဲ့သည်။

ဂျပန်နိုင်ငံ၏အကြီးတန်း ဒုတိယနိုင်ငံခြားရေးဝန်ကြီး ဟီရိုယူကီ နာမာဇူး ၊ ၎င်း၏ ကာကွယ်ရေးဝန်ကြီး န်ွိုင်မင်းဝူး နှင့် နိုင်ငံတကာရေးရာ ဂျပန်ကာကွယ်ရေးဒုတိယဝန်ကြီး ကိုဇီ ကာနို နှင့် ဒုတိယကာကွယ်ရေးဝန်ကြီး ဟွမ် ဆွမ်း ချီယန်း တို့ကလည်း ဝန်ထမ်းဖလှယ်ရေး၊ လူသားချင်းစာနာထောက်ထားမှုအကူအညီနှင့် သဘာဝဘေးအန္တရာယ် ကယ်ဆယ်ရေးလုပ်ငန်းများကို ဆွေးနွေးခဲ့ကြသည်။

သယံဇာတပေါကြွယ်ဝသော တောင်တရုတ်ပင်လယ်တွင် တရုတ်နိုင်ငံသည် ၎င်း၏စစ်ရေးလှုပ်ရှားမှုများကို အရှိန်မြှင့်လုပ်ဆောင်နေသောကြောင့် မကြာသေးမီနှစ်များအတွင်း ဂျပန်သည် ဗီယက်နမ်နှင့် အခြားသောအာဆီယံအဖွဲ့ဝင်များနှင့် လုံခြုံရေးဆက်ဆံရေးကို တိုးမြှင့်လုပ်ဆောင်လာခဲ့သည်။

ဗီယက်နမ်သည် တောင်တရုတ်ပင်လယ်ရှိ စပရက်လီ ကျွန်းစု နှင့် ပါရာဆဲလ် ကျွန်းစုများကြောင့် တရုတ်နှင့် ပိုင်နက်အငြင်းပွားနေပြီး ဂျပန်နှင့် တရုတ်တို့က အရှေ့တရုတ်ပင်လယ်ရှိ ဂျပန်တို့ အုပ်ချုပ်သော ဆင်းကာကူး ကျွန်းစုများ၏ အချုပ်အခြာအာဏာနှင့် ပတ်သက်၍ အငြင်းပွားမှုများ ရှိနေသည်။

Ref: ဘန်ကောက်ပို့စ်