ဂျပန်နိုင်ငံ၊ Ministry of Education, Culture, Sports, Science and Technology of Japan (Monbukagakusho: MEXT) မှ “Young Leaders’ Program (YLP)” အစီအစဉ်ဖြင့် Master of Business Administration Course နှင့် Master of Law Course ပညာသင်ဆု အစီအစဉ်သို့ လျှောက်ထားနိုင်ကြောင်း သိရသည်။
အဆိုပါပညာသင်ဆုကို ပူးတွဲပါ သတ်မှတ်အရည်အချင်းများနှင့် ကိုက်ညီသော ကုန်သည်စက်မှုအသင်းချုပ်နှင့် ညီနောင်အသင်းများမှ အမှုဆောင်များ (သို့) ဝန်ထမ်းများ၊ အသင်းချုပ်အသင်းဝင် ကုမ္ပဏီများ၏ ဒါရိုက်တာ အဖွဲ့ဝင်များ (သို့) ဝန်ထမ်းများ လျှောက်ထားနိုင်ကြောင်း သိရသည်။
ပညာသင်ဆုရရှိပါက Monthly Allowance, Education Fees နှင့် Travelling Cost တို့ကို ပညာသင်ဆုအစီအစဉ်မှ ခံစားခွင့်ရရှိမည်ဖြစ်သည်။
ယင်းပညာသင်ဆုပေးအပ်ရခြင်းသည် အနာဂတ်ခေါင်းဆောင်များ မွေးထုတ်ပေးရန်နှင့် ဂျပန်နှင့် အာရှနိုင်ငံများ အကြား မူဝါဒရေးရာ စီစဉ်ဆောင်ရွက်မှု အရည်အသွေးများ တိုးတက်ပြီး ချစ်ခင်ရင်းနှီးမှု ပိုမိုခိုင်မြဲလာစေရန်နှင့် ဂျပန် နိုင်ငံအကြောင်း ပိုမိုသိရှိနားလည်စေရန် ဖြစ်ကြောင်း သိရသည်။
လျှောက်ထားလိုသူများအနေဖြင့် လျှောက်လွှာ နှင့်အတူ ပူးတွဲတင်ပြရမည့် အထောက်အထားများ၊ အသင်းချုပ်နှင့် ညီနောင်အသင်းများမှ အမှုဆောင် (သို့)ဝန်ထမ်း၊ အသင်းချုပ် အသင်းဝင်ကုမ္ပဏီများမှ ဒါရိုက်တာအဖွဲ့ဝင် (သို့)ဝန်ထမ်းဖြစ်ကြောင်း ထောက်ခံစာ၊ Passport မိတ္တူ၊ UMFCCI အသင်းဝင်ကဒ် (အနည်းဆုံးသက်တမ်း ၁နှစ်)ရှိ မိတ္တူ၊ ပညာသင်ဆု လျှောက်လွှာမူရင်း နှင့် မိတ္တူ (၁)စုံ ပူးတွဲလျက် ဩဂုတ်လ ၁၆ ရက် (ဗုဒ္ဓဟူးနေ့) နောက်ဆုံးထားပြီးအသင်းချုပ် HRD ဌာနသို့ လာရောက် လျှောက်ထား နိုင်ကြောင်း သိရသည်။
လျှောက်ထားလာသူများကို အသင်းချုပ်မှ သတ်မှတ် Criteria များနှင့်အညီ စိစစ်ရွေးချယ်ပြီး သက်ဆိုင်ရာသို့ ပေးပို့သွားမည်ဖြစ်ပြီး အသေးစိတ်သိရှိလိုပါက HRD ဌာန ၊ ဖုန်းနံပါတ် ၀၁-၂၃၁၄၃၄၄ ~၄၉၊ Ext: ၁၃၃၊ ၁၃၄ နှင့် ၀၁-၂၃၀၂၄၈၅ သို့ ဆက်သွယ်စုံစမ်းမေးမြန်းနိုင်ကြောင်း အသိပေးထားသည်။