မန္တလေးတိုင်းဒေသကြီး၊ ချမ်းမြသာစည်မြို့နယ်၊ အောင်ပင်လယ်ရပ်ကွက်၊ (၅၄) လမ်းနှင့် (၅၅) လမ်းကြား (၁၀၅) လမ်းရှိ နေအိမ်တစ်လုံး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ သတင်းများအရ သိရသည်။
ဧပြီ (၂၂)ရက်၊ ညနေ (၅)နာရီ (၃၂)မိနစ်အချိန်ခန့်က အောင်ပင်လယ်ရပ်ကွက်၊ (၁၀၅)လမ်း၊ အ.ထ.က. (၂၈)ကျောင်းအနီးရှိ နေအိမ် မီးလောင်မှု ဖြစ်ပွားကြောင်း သတင်းအရ ချမ်းမြသာစည်မြို့နယ်မီးသတ်စခန်းမှ မီးငြှိမ်းသတ်ယာဉ် (၃)စီး ထွက်ခွာငြှိမ်းသတ်ခဲ့ကြောင်း သိရသည်။
ထိုသို့ ငြှိမ်းသတ်ရာ ညနေ (၅)နာရီ၊ မိနစ် (၄၀)အချိန်တွင် မီးထိန်းနိုင်ခဲ့ပြီး ညနေ (၅)နာရီ (၄၇)မိနစ်အချိန်တွင် မီးငြှိမ်းသတ်နိုင်ခဲ့သည်။

