ဒီဇင်ဘာ ၁၂ ရက်နေ့(သောကြာ)နေ့တွင် ချင်းတိုင်းရင်းသားဖိုက်တာ ဟာလင်းအုမ်းသည် ထိုင်းဖိုက်တာနှင့် ONE Friday Fights 136 ပြိုင်ပွဲတွင် ထိုးသတ်မည်ဖြစ်ကြောင်း သိရသည်။
ONE Friday Fights 136 ပြိုင်ပွဲကို ဒီဇင်ဘာလ ၁၂ ရက်တွင် ထိုင်းနိုင်ငံ၊ ဘန်ကောက်မြို့ရှိ လုမ္မဏီအားကစားရုံတွင် ကျင်းပပြုလုပ်သွားမည်ဖြစ်သည်။
အဆိုပါပြိုင်ပွဲတွင် တွဲဆိုင်း ၁၂ ဆိုင်း ပါဝင်မည်ဖြစ်ပြီး ချတ်ပစ်ချစ်နှင့် ဟာလင်းအုမ်းတို့သည် မွေထိုင်းအက်တမ်ဝိတ်တန်း၌ ပွဲစဥ် ၉ အဖြစ် ယှဥ်ပြိုင်ထိုးသတ်မည် ဖြစ်ကြောင်း သိရသည်။
ဟာလင်းအုမ်းနှင့်ထိုးသတ်မည့် ထိုင်းဖိုက်တာ ချတ်ပစ်ချစ်သည် ONE Firday Fights ၌ ၇ ပွဲ ထိုးသတ်ထားပြီး ၅ ပွဲနိုင်၊ ၂ ပွဲရှုံးနိမ့်ထားကြောင်း၊ ချင်းဖိုက်တာ ဟာလင်းအုမ်းသည် ONE Friday Fights ၌ ၂ ပွဲသာ ထိုးသတ်ထားရသေးပြီး တစ်ပွဲနိုင်၊ တစ်ပွဲရှုံးနိမ့်ထားကြောင်း သိရသည်။
ဟာလင်းအုမ်းသည် နှစ်ပွဲစလုံးကို ဂျပန်ဖိုက်တာများနှင့် ထိုးသတ်ထားပြီး ယခုမှသာ ပထမဆုံးအိမ်ရှင်ထိုင်းဖိုက်တာနှင့်ထိုးသတ်ရမည်ဖြစ်သည်။