ခရိုင်းမီးယားတွင် ယူကရိန်းဒရုန်းအစင်း ၂၀ ကို ပစ်ချခဲ့ပြီး ခရိုင်းမီးယားနှင့် ရုရှားပြည်မကြီးကို ဆက်သွယ်ပေးသည့် Kerch တံတားပေါ်တွင် ဒုံးကျည်နှစ်စင်းဖြင့်ပစ်ခတ်မှုကိုလည်း ကြားဖြတ်ဟန့်တားနိုင်ခဲ့ကြောင်း ရုရှားကာကွယ်ရေးဝန်ကြီးဌာနက စနေနေ့တွင် ကြေညာခဲ့ပြီး၊ အဆိုပါ ဖြစ်စဉ်များအတွင်း ထိခိုက်သေဆုံးမှုမရှိကြောင်း အမေရိကန်ပြည်ထောင်စု အခြေစိုက် The Hill သတင်းဌာနမှ သိရသည်။
မောင်းသူမဲ့လေယာဉ် ၁၄ စင်းကို ပစ်ချစဉ်တွင်၊ ၎င်းတို့အနက် ခြောက်စင်းကိုမူ ပိတ်ဆို့ခြင်းနည်းပညာများဖြင့် ဟန့်တားခဲ့ကြောင်း တာဝန်ရှိသူများက ပြောကြားခဲ့သည်။ သောကြာနေ့က တိုက်ပွဲများတွင်လည်း ယူကရိန်းဒရုန်း ၂၉ စင်းကို ပစ်ချခဲ့သေးကြောင်း ဝန်ကြီးဌာနက ဆိုထားသည်။
စနေနေ့ နံနက်ပိုင်းက တိုက်ပွဲများအတွင်း ရုရှားတပ်ဖွဲ့များသည် Kupyansk အနီးရှိ ယူကရိန်း စခန်းကိုးခုကို သိမ်းပိုက်နိုင်ခဲ့ကြောင်းကိုလည်း ဝန်ကြီးဌာနက ပြောကြားခဲ့သည်။
မော်စကိုဒေသအား ဒရုန်းဖြင့် တိုက်ခိုက်ပြီးနောက် ခရိုင်းမီးယား ဒရုန်းတိုက်ခိုက်မှု ပေါ်ပေါက်လာခြင်းဖြစ်သည်။
ယူကရိန်း၏ တိုက်ခိုက်မှုများသည် စစ်ရေးရည်ရွယ်ချက်အနည်းငယ်သာရှိပြီး၊ စစ်ပွဲကိုဆန့်ကျင်သည့် ရုရှားလူထုအကြား မငြိမ်မသက်ဖြစ်စေရန် ကြိုးပမ်းမှုသာလျှင် ဖြစ်ကြောင်း စစ်ရေးသုတေသီတို့က သုံးသပ်သည်။