ခရစ်ပ်တို ​ငွေ​ကြေး ကြောင့်ဖြစ်လာနိုင်သည့် စိန်ခေါ်မှုများအား ရင်ဆိုင်နိုင်ရန် ငွေကြေးကဏ္ဍတွင် ကြပ်မတ်ဆောင်ရွက်သွားနိုင်သည့် အစီအစဉ်များအားဆွေးနွေး

ခရစ်ပ်တို ​ငွေ​ကြေး ကြောင့်ဖြစ်လာနိုင်သည့် စိန်ခေါ်မှုများအား ရင်ဆိုင်နိုင်ရန် ငွေကြေးကဏ္ဍတွင် ကြပ်မတ်ဆောင်ရွက်သွားနိုင်သည့် အစီအစဉ်များအားဆွေးနွေး

SEACEN High-Level Seminar and Meeting for Deputy Governors (Financial Stability and Supervision) အား သြဂုတ် ၁၇ ရက်နှင့် ၁၈ ရက်တို့က ဗီဒီယိုကွန်ဖရင့်စနစ်ဖြင့်ကျင်းပရာ ဗဟိုဘဏ်ဒု-ဥက္ကဋ္ဌဒေါ်သန်းသန်းဆွေ တက်ရောက် ဆွေးနွေးခဲ့သည်။

ထွန်းသစ်စဈေးကွက်စီးပွားရေးတွင် Sovereign Debt နှင့်ငွေရေးကြေးရေးတည် ငြိမ်မှု၊ Central Bank Digital Currencies (CBDCs)၏ စိန်ခေါ်မှုများနှင့် ကာ​ရေဘီယန်း နိုင်ငံများ၏ ဒီဂျစ်တယ်​ငွေ​ကြေး အကောင်အထည် ဖော်ဆောင်ရွက်ခြင်းမှသင်ခန်းစာများအား ဆွေးနွေးခဲ့ကြသည်။

ထို့ပြင် အာဆီယံနိုင်ငံများ၏ ငွေရေးကြေးရေးစနစ်တည်ငြိမ်ရေးနှင့်ဖြစ်ပေါ်လာနိုင်သည့် ဆုံးရှုံးနိုင်ခြေများ၊ငွေရေးကြေးရေးစနစ်တည်ငြိမ်ရေးဆောင်ရွက်ရာတွင်ဆိုက်ဘာ တိုက်ခိုက်မှုနှင့် ဆိုက်ဘာခြိမ်းခြောက်မှုများနှင့်ပတ်သက်သည့် စိန်ခေါ်မှုများ၊ Big Techs၊ Fin Techs များဆိုင်ရာအကျိုး ကျေးဇူးများနှင့်ဆုံးရှုံးနိုင်ခြေများကိုလည်း ဆွေး နွေးခဲ့ကြသည်။

အလားတူ ကမ္ဘာ့မက်ခရိုပုံစံသစ် အရ ကမ္ဘာ့ရေနံဈေးမြင့်တက်ခြင်း၊ငွေကြေးဖောင်းပွမှုများ မြင့်တက်နေခြင်း၊ရာသီဥတုပြောင်းလဲနေခြင်း၊သဘာဝဘေးအန္တရာယ်များ၊ ဆိုက်ဘာတိုက်ခိုက်မှုများ၊ ကမ္ဘာ့ပထဝီနိုင်ငံ​ရေး အခြေအနေများကြောင့် ငွေကြေးစနစ်တည်ငြိမ်ရေးအတွက် မူဝါဒချမှတ်သူများသည် နိုင်ငံပိုင်ဘဏ်များအတွက် ထိရောက်သည့် စည်းမျဉ်းစည်းကမ်းများ၊ကြီးကြပ်စစ်ဆေးခြင်းဆိုင်ရာများအား တိုးမြှင့်ဆောင်ရွက်ရန်ဆွေးနွေးခဲ့ကြသည်။

ထို့အတူနည်းလမ်းမျိုးစုံကိုထည့်သွင်းစဉ်းစား၍ ဘဏ်များအား Stress Testing Exercises များဆောင်ရွက်ပြီး အားကောင်းခိုင်မာသည့် ဘဏ်လုပ်ငန်းအကျပ်အတည်း စီမံခန့်ခွဲမှု မူဘောင်များ ဆောင်ရွက်ရန်လိုအပ်ကာ ​ငွေ​ကြေးမူဝါဒ နှင့် ဘဏ္ဍာ​ရေးမူဝါဒ များ အပြန်အလှန်ချိတ်ဆက်၍ ဆောင်ရွက်ရန်လိုအပ်သည်တို့ကိုလည်း ဆွေးနွေးခဲ့ကြသည်။

ထို့ပြင် ခရစ်ပ်တို​ငွေ ကြောင့် ငွေကြေး ကဏ္ဍတည်ငြိမ်ရေးကို ထိခိုက်စေနိုင်သည့် အကြောင်းအရာများနှင့်၄င်း ကြောင့် ဖြစ်ပေါ်လာနိုင်သည့် စိန်ခေါ်မှုများအား ရင်ဆိုင်ကျော်လွှားနိုင်ရန် ငွေရေးကြေးရေးကဏ္ဍတွင် ကြပ်မတ်ဆောင်ရွက်သွားနိုင်သည့် အစီအ စဉ်များကိုလည်း ဆွေးနွေးခဲ့ကြသည်။

အလားတူ ရာသီဥတုပြောင်းလဲ/ဖောက်ပြန်ခြင်းကြောင့် ငွေရေးကြေးရေးကဏ္ဍတွင် ဆုံးရှုံးနိုင်သည့်အခြေအနေများကို ကာကွယ်ရန်အစီအစဉ်များအား ဆွေးနွေးခဲ့ကြသည်။

Photo Credit : Aiman Erbad