ပေကျင်း၊မေ ၂
တရုတ်နိုင်ငံတောင်ပိုင်း ကွမ်တုံပြည်နယ်ရှိ အဝေးပြေးလမ်းမကြီးပြိုကြမှုကြောင့် ေ-သဆုံးသူ အရေအတွက်သည် ၄၈ ဦးအထိမြင့်တက်လာကြောင်း နိုင်ငံပိုင်မီဒီယာများကဖော်ပြကြပြီး ကယ်ဆယ်ရေးလုပ်ငန်းများကို ဆက်လက်လုပ်ဆောင်နေဆဲဖြစ်ကြောင်းလည်းသိရသည်။
ကွမ်တုံပြည်နယ်၌ မိုးသည်းထန်စွာရွာသွန်းသဖြင့် မြေသားများပြိုကျကာ လမ်းများပျက်စီးခဲ့သည်။ အဆိုပါပြည်နယ်သည် လူနေထူထပ်သော စက်မှုစွမ်းအင်စက်ရုံများတည်ရှိရာနေရာလည်းဖြစ်သည့်အတွက် မကြာသေးမီရက်များအတွင်းက ပြင်းထန်သောရာသီဥတုဖြစ်စဉ်များနှင့် ကပ်ဘေးများကျရောက်ခဲ့ရခြင်းလည်းဖြစ်သည်။
ရာသီဥတုပြောင်းလဲမှုများကြောင့် ယခုနှစ်အတွင်းဖြစ်ပေါ်သည့်မုန်တိုင်းများသည် မျှော်မှန်းထားသည်ထက် ပိုမိုပြင်းထန်လာသည်ဟုလည်းသိရသည်။ ယခုဖြစ်ပေါ်ခဲ့သည့် အဝေးပြေးလမ်းမြေပြိုမှုကြောင့် ကားအစီးရေ ၂၀ ကျော်ပိတ်မိပြီး လူ ၅၄ ဦးပိတ်မိနေခဲ့သည်ဟုလည်း ဆင်ဟွာသတင်းဌာန၌ဖော်ပြထားသည်။
တရုတ်နိုင်ငံသည် ရာသီဥတုပြောင်းလဲမှုကို အဓိကဖြစ်စေသည့် ဖန်လုံအိမ်ဓါတ်ငွေ့ ကို အများဆုံးထုတ်လွှတ်သည့်နိုင်ငံဖြစ်သော်လည်း လာမည့် ၂၀၆၀ ပြည့်နှစ်မှစ၍ အဆိုပါဖန်လုံအိမ်ဓါတ်ငွေ့ထုတ်လွှတ်မှုအား လျှော့ချမည်ဖြစ်ကြောင်းလည်းကတိပြုထားသည်။
Source : အေအက်ဖ်ပီ/အယ်လ်အိတ်ချ်