ကျဆုံးစစ်သည် ရုပ်အလေ-ာင်း ၁,၂၀၀ ကို ရုရှားက ယူကရိန်းသို့လွှဲပေး

ယခုလအစောပိုင်းက အစ္စတန်ဘူလ်ဆွေးနွေးပွဲအတွင်း ရရှိခဲ့သော သဘောတူညီချက်တစ်စိတ်တစ်ပိုင်းအရ ရုရှားက ထပ်မံလွှဲပြောင်းပေးသည့် ရုပ်အလေ-ာင်း ၁,၂၀၀ ကို ယူကရိန်းက လက်ခံရရှိခဲ့သည်ဟု ယူကရိန်းတာဝန်ရှိသူများက တနင်္ဂနွေနေ့တွင် ပြောကြားခဲ့သည်။

“စစ်မှုထမ်းတွေအပါအဝင် ယူကရိန်းနိုင်ငံသားတွေဖြစ်တယ်လို့ ရုရှားဘက်က ပြောဆိုတဲ့ နောက်ထပ် ရုပ်အလေ-ာင်း ၁,၂၀၀ ကို ယူကရိန်းကို ပြန်ပို့ခဲ့ပါတယ်” ဟု ကိဗ်ရှိ စစ်အကျဉ်းသားအရေး ညှိနှိုင်းရေးရုံးချုပ်က သတင်းထုတ်ပြန်ခဲ့ပြီး ရုပ်အလေ-ာင်းများကို မှုခင်းဆေးပညာအရ စစ်ဆေးအတည်ပြုသွားမည်ဟု ဆက်လက် ပြောကြားခဲ့သည်။

ယခုသီတင်းပတ်အတွင်း ရုရှားဘက်က ပြန်ပို့သည့် ရုပ်အလေ-ာင်း ၄,၈၁၂ လေ-ာင်း ရှိပြီဖြစ်ကြောင်း ယူကရိန်းကာကွယ်ရေးဝန်ကြီး ရူစတမ် အူမာရော့ဗ်က ဖေ့စ်ဘုတ်တွင် ထုတ်ပြန်ခဲ့သည်။ “ဒီ လူသားချင်းစာနာထောက်ထားမှု မစ်ရှင်မှာ ပါဝင်ခဲ့သူတိုင်းကို ကျေးဇူးတင်ရှိပါတယ်” ဟု ၎င်းက ပြောသည်။

ရုရှားဘက်သို့ ရုပ်အလေ-ာင်း ပြန်လည်လွှဲပြောင်းပေးခြင်းမျိုး ရှိမရှိကိုမူ ယူကရိန်းက မှတ်ချက်ပေးခဲ့ခြင်း မရှိပေ။

ရုပ်အလေ-ာင်းလွှဲပြောင်းပေးမှုကို ရုရှားသတင်းဌာနများကလည်း သတင်းဖော်ပြခဲ့ကြသည်။ စစ်ဖြစ်နေသည့် နှစ်ဖက်အကြား ဇွန် ၂ ရက်က အစ္စတန်ဘူလ်တွင် ရရှိခဲ့သော သဘောတူညီချက်အရ ထိုသို့လွှဲပြောင်းမှုလုပ်ခဲ့ခြင်းဖြစ်ပြီး သဘောတူညီချက်တွင် အကျဉ်းသားအများအပြားက်ုအပြန်အလှန် လဲလှယ်ခြင်းများလည်း ပါဝင်ခဲ့သည်။

မီဒီယာများ၏ ဖော်ပြချက်အရ တနင်္ဂနွေနေ့က ရုပ်အလေ-ာင်းလွှဲပြောင်းမှုတွင် ရုရှားကျဆုံးစစ်သည်များကို ယူကရိန်းဘက်က လွှဲပြောင်းပေးခြင်းမျိုး မရှိခဲ့ဟု သိရသည်။ ရုရှားသည် နောက်ထပ် ယူကရိန်းနိုင်ငံသား ရုပ်အလေ-ာင်း ၆,၀၀၀ ကို ထပ်မံလွှဲပြောင်းပေးရန် စီစဉ်ထားသည်။

Ref: ဒီဒဗ္ဗလျူ