ကျင်းပမည့်ရွေးကောက်ပွဲသည် လွတ်လပ်ပြီးတ ရားမျှတတဲ့ ရွေးကောက်ပွဲဖြစ်မည်ကို အာမခံဟု UEC အဖွဲ့ဝင်ဦးခင်မောင်ဦးပြော
နစက သတင်းထုတ်ပြန်ရေးအဖွဲ့၏ ၁၆ ကြိမ်မြောက်သတင်းစာရှင်းလင်းပွဲ၌ UEC အဖွဲ့ဝင်ဦးခင်မောင်ဦးမှ ကျင်းပမည့်ရွေးကောက်ပွဲနှင့်ပတ်သက်၍ အာမခံပြောကြားခဲ့ခြင်းဖြစ်သည်။
ပြည်ထောင်စုရွေးကောက်ပွဲကော်မရှင်အား ဖွဲ့ စည်းပုံအခြေခံဥပဒေအရနှင့် နစက ၏ရှေ့လုပ် ငန်းစဥ် ၁ အရဖွဲ့စည်းခဲ့ခြင်းဖြစ်ကာ UEC ၏လုပ် ငန်းစဥ် ၅ နှင့်အညီ လွတ်လပ်ပြီးတရားမျှတသည့် ပါတီစုံဒီမိုကရေစီအထွေထွေရွေးကောက်ပွဲအား ကျင်းပပေးရန်တာဝန်ရှိသဖြင့် ဖွဲ့စည်းထားခြင်းဖြစ်သည်ဟု ပြောသည်။
ထို့ကြောင့် UEC အား ပါတီနိုင်ငံရေးကင်းရှင်းကာ အတွေ့အကြုံရင့်ကျက်သူများဖြင့် ဖွဲ့စည်းထားခြင်းဖြစ်သည်ဟု ပြောသည်။
အဆိုပါ UEC အဖွဲ့ဝင်များသည် လွတ်လပ်ပြီးတ ရားမျှတသည့် ပါတီစုံဒီမိုကရေစီအထွေထွေရွေး ကောက်ပွဲအား အောင်မြင်စွာကျင်းပပေးရန် ဦးတည်၍အလေးထားဆောင်ရွက်လျက်ရှိသည်ဟု ပြောသည်။
“အခုလိုဆောင်ရွက်တဲ့အခါမှာ ဝေဖန်တဲ့လူတွေရှိပါတယ် နိုင်ငံတကာကလည်းဝေဖန်ကြတာတွေရှိတယ် ပြောတာတွေရှိတယ် ဒါကတော့သူတို့သ ဘောထားပဲဖြစ်ပါတယ် ကျွန်တော်တို့ UEC က တော့ ရွေးကောက်ပွဲဆောင်ရွက်တဲ့အခါမှာ အရေး ကြီးတဲ့လုပ်ငန်းစဥ်တွေဖြစ်တဲ့ မဲစာရင်းတွေပြုစုတာ ကြိုတင်မဲပေးခြင်းမှာမဲပေးတာ မဲရေတွက်တာနဲ့ရလဒ်ထုတ်ပြန်တဲ့လုပ်ငန်းစဥ်တွေကို လုပ် ဆောင်သွားမှာပါ”ဟု UEC အဖွဲ့ဝင်ဦးခင်မောင်ဦးကပြောသည်။
အဆိုပါ လုပ်ငန်းစဥ်အဆင့်ဆင့်အား UEC မှ နိုင်ငံ ရေးပါတီများ၊နိုင်ငံသားပြည်သူများ၏ မျက်စိရှေ့မှောက်၌ပင် ဆောင်ရွက်သည့်လုပ်ငန်းစဥ်များဖြစ်ကာ ပွင့်လင်းမြင်သာစွာ ဆောင်ရွက်သွားမည်ဟု ပြောသည်။
ထို့ပြင် UEC အနေဖြင့် မဲစာရင်းဖောင်းပွခြင်း၊မဲလက်မှတ်မှားယွင်းခြင်းများမရှိစေရန်ဆောင်ရွက်လျက်ရှိသည်ဟုပြောသည်။
“ပြည်ထောင်စုရွေးကောက်ပွဲကော်မရှင်ဟာ လွတ် လပ်ပြီးတရားမျှတတဲ့ ရွေးကောက်ပွဲဖြစ်အောင် သဓိဌာန်ချပြီးတော့ ဆောက်ရွက်နေတဲ့အတွက် လွတ်လပ်ပြီးတရားမျှတတဲ့ ရွေးကောက်ပွဲဖြစ်မှာကို အာမခံပါတယ်”ဟု UEC အဖွဲ့ဝင်ဦးခင်မောင်ဦးကပြောသည်။