ကူမင်းမြို့တွင် ကျင်းပသည့် ရင်းနှီးမြှုပ်နှံမှုမြှင့်တင်ရေး အခမ်းအနားသို့ မြန်မာကောင်စစ်ဝန်ချုပ် တက်ရောက်

တရုတ်ပြည်သူ့သမ္မတနိုင်ငံ၊ ယူနန်ပြည်နယ်၊ ကူမင်းမြို့မြူနီစီပါယ် ပြည်သူ့အစိုးရမှ ဦးဆောင်၍ ကူမင်းမြို့၊ ကွမ်တုရပ်ကွက် China (Yunnan) Pilot Free Trade Zone၊ Myanm ar Trade Center (Kunming) ဧရိယာ၌ ဧပြီ (၂၆)ရက်က ကျင်းပသည့် ရင်းနှီးမြှုပ်နှံမှုမြှင့်တင်ရေးအခမ်းအနားသို့ မြန်မာကောင်စစ်ဝန်ချုပ် ဦးသော်တာအောင် တက်ရောက်ခဲ့ကြောင်း သိရသည်။

အခမ်းအနားသို့ ကူမင်းမြို့ မြူနီစီပါယ်ပြည်သူ့အစိုးရ၊ ဒုတိ ယမြို့တော်ဝန် Mr. An Enfa၊ မလေးရှားနိုင်ငံနှင့် ဗီယက်နမ်နိုင်ငံတို့မှ ကောင်စစ်ဝန်ချုပ်များ၊ ကမ္ဘောဒီးယားနိုင်ငံနှင့် ဘင်္ဂလားဒေ့ရှ် နိုင်ငံတို့မှ ကောင်စစ်ဝန်များ၊ ကူမင်းမြို့ မြူနီစီပါယ်ပြည်သူ့အစိုးရအဖွဲ့မှ ကိုယ်စားလှယ်များ၊ ကွမ်တု ပြည်သူ့အစိုးရအဖွဲ့မှ ဌာနဆိုင်ရာ ကိုယ်စားလှယ်များ၊ တောင်အာရှနှင့် အရှေ့တောင်အာရှနိုင်ငံများမှ လုပ်ငန်းရှင်များနှင့်ကူမင်းမြို့ရှိကုန်သည် လုပ်ငန်းရှင်များ (၁၀၀) ဦးခန့် တက်ရောက်ခဲ့ကြသည်။

ယူနန်ပြည်နယ်၊ ကူမင်းမြို့၊ ကွမ်တုရပ်ကွက်၊ China (Yunn an) Pilot Free Trade Zone ၌ Myanmar Trade Center (Kunming) ကို ၂၀၂၄ ခုနှစ်၊ မတ်လတွင် ဖွင့်လှစ်ခဲ့ပြီး အဆို ပါစင်တာသည် မြန်မာကောင်စစ်ဝန်ချုပ်ရုံး၏ ကြီးကြပ်မှုဖြ င့် မြန်မာနိုင်ငံနှင့် တရုတ်နိုင်ငံတို့အကြား ကုန်သွယ်မှု၊ ရင်း နှီးမြှုပ်နှံမှုနှင့် ပူးပေါင်းဆောင်ရွက်မှုများ ပိုမိုမြှင့်တင်ဆောင်ရွက်လာနိုင်ရန် ရည်ရွယ်ဖွင့်လှစ်ခြင်းဖြစ်ကြောင်း ကောင်စစ်ဝန်ချုပ်မှ ပြောကြားခဲ့သည်။ 

မြန်မာကောင်စစ်ဝန်ရုံးသည် မြန်မာ – တရုတ် နှစ်နိုင်ငံအကြားကုန်သွယ်မှု၊ ရင်းနှီးမြှုပ်နှံမှု၊ ခရီးသွားလုပ်ငန်းများနှင့် အခြားကဏ္ဍများ အတွက် ပူးပေါင်းဆောင်ရွက်ရာ၌ ချိတ် ဆက်ဆောင်ရွက်ပေးသည့် တံတားတစ်စင်းဖြစ်ပြီး နှစ်နိုင်ငံစီးပွားရေးနှင့် ကူးသန်းရောင်းဝယ်ရေးဆိုင်ရာ ရလဒ်ကောင်းများ ဖော်ဆောင်ပေးနိုင်ရေး ကူညီဆောင်ရွက်ပေးရန် အ သင့်ရှိပါကြောင်းလည်း ပြောကြားခဲ့သည်။

ကူမင်းမြို့၏ ရင်းနှီးမြှုပ်နှံမှု အခွင့်အလမ်းများနှင့် ပတ်သ က်၍ ကူမင်းမြို့အစိုးရ၊ ရင်းနှီးမြှုပ်နှံမှု မြှင့်တင်ရေးဌာနမှ ကိုယ်စားလှယ်က ကူမင်းမြို့၌ ဆောင်ရွက်လျက်ရှိသည့် ရင်းနှီးမြှုပ်နှံမှုမြှင့်တင်ရေး အခြေအနေများ၊ မိုဟန်-ဘိုတန်ကော်ပိုရေးရှင်းဇုန် (Mohan-Boten Corporation Zone) မှ ကိုယ်စားလှယ်က တရုတ်-လာအိုနယ်စပ် စီးပွားရေး ပူးပေါ င်းဆောင်ရွက်မှု အခြေအနေများ ကူမင်းမြို့ရှိ လုပ်ငန်းက ဏ္ဍအသီးသီးမှ ပြည်တွင်း/ ပြည်ပ ရင်းနှီးမြှုပ်နှံမှု ဖိတ်ခေါ်ဆောင်ရွက်မှု အခြေအနေများကို  ရှင်းလင်းဆွေးနွေးခဲ့ကြကြောင်း သိရသည်။