ဘဏ္ဍာရေးနှင့်အခွန်ဝန်ကြီးဌာန၊ အကောက်ခွန်ဦးစီး ဌာနမှ ကုမ္ပဏီ(၅)ခုအား အခွင့်ရစီးပွားရေးလုပ်ငန်းဆောင်ရွက်သူ အသိအမှတ်ပြုလက်မှတ်များကို အောက်တိုဘာ ၁၄ ရက်နံနက်ပိုင်းက ရန်ကုန်မြို့ရှိ UMFCCI ရုံးချုပ်၌ ပေးအပ်ချီးမြှင့်ခဲ့သည်။
ရန်ကုန်တိုင်းဝန်ကြီးချုပ်ဦးစိုးသိန်းမှ Shwe Wah Yaung Agriculture Production Co., Ltd နှင့် Proven Technology Industry Co., Ltd တို့အား အခွင့်ရစီးပွား ရေးလုပ်ငန်းဆောင်ရွက်သူ AEO (Level-2) အသိအ မှတ်ပြုလက်မှတ်များကို ပေးအပ်ချီးမြှင့်ခဲ့သည်။
ထို့အတူ အကောက်ခွန်ဦးစီးဌာန၊ ညွှန်ကြားရေးမှူးချုပ်မှလည်း Wilmar Myanmar Riceland Limited ၊ Wilmar Myanmar Edible Oils Limited နှင့် UPG Paint & Coating Co., Ltd တို့ကို အခွင့်ရစီးပွားရေးလုပ်ငန်းဆောင်ရွက်သူ AEO (Level-1)အသိအမှတ်ပြု လက်မှတ်များကို ပေးအပ်ချီးမြှင့်ခဲ့သည်။