နာဂ၊ ဓနု၊ ပအိုဝ်း၊ ပလောင်၊ ကိုးကန့်၊ ဝ စသည့် သွားလာရေးခက်ခဲသော ကိုယ်ပိုင်အုပ်ချုပ်ခွင့်ရဒေသ (၆) ခုမှ တက္ကသိုလ်ဝင်စာမေးပွဲအောင်မြင်သည့် ကျောင်းသား၊ ကျောင်းသူများအား ဆေးတက္ကသိုလ်ဝင်ခွင့်လျှောက်လွှာများ ခေါ်ယူနေကြောင်း သိရသည်။
အဆိုပါ ဒေသများမှ ၂၀၂၅ခုနှစ်၊ တက္ကသိုလ်ဝင်စာမေးပွဲအောင်မြင်ပြီး အခြေခံပညာသင်တန်း ( GRADE-10, GRAD E-11, GRADE-12 ) များကို ယင်းဒေသများတွင်သာ ဆက်တိုက်ပညာသင်ကြားခဲ့သော ကျောင်းသား၊ ကျောင်းသူများသည် သတ်မှတ်အရည်အချင်းနှင့် ပြည့်စုံသူများဖြစ်ပါက လျှောက်ထားနိုင်မည် ဖြစ်သည်။
လျှောက်လွှာများကို ၂၀၂၅ခုနှစ်၊ ဒီဇင်ဘာလ (၁၈) ရက် နောက်ဆုံးထား၍ ကျန်းမာရေး လူ့စွမ်းအားအရင်းအမြစ်ဦးစီးဌာနသို့ တို-က်ရို-က်ပေးပို့လျှောက်ထားရမည်ဟုလည်း သိရသည်။
အသေးစိတ်ကို ကျန်းမာရေးဝန်ကြီးဌာန Website www.m oh.gov.mm နှင့် ကျန်းမာရေး လူ့စွမ်းအား အရင်းအမြစ်ဦးစီးဌာန Website www.hrh.gov.mm တွင် ဝင်ရောက်ကြည့်ရှုနိုင်ကြောင်းလည်း သိရသည်။