သိပ္ပံပွဲတော်ကို ရန်ကုန်တက္ကသိုလ်တွင် ကျင်းပလေ့ရှိခဲ့ရာ ကိုဗစ်ကာလ ၂၀၂၀ မှစတင်၍ ကျင်းပမှုရပ်ဆိုင်းထားရကြောင်း၊ ၂၀၂၆ ခုနှစ် ဇန်နဝါရီလတွင် ပြန်လည်ကျင်းပမည်ဖြစ်ကြောင်း ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်ကပြောသည်။
သိပ္ပံပွဲတော် အောင်မြင်စွာကျင်းပနိုင်ရေးအတွက် ညိနှိုင်းဆွေးနွေးပွဲတွင် ပြောကြားခဲ့ခြင်းလည်းဖြစ်သည်။
အဆိုပါသိပ္ပံပွဲတော်ကို စိတ်ဝင်စားဖွယ်ကောင်းသည့် ဘာသာရပ်ဆိုင်ရာ ပြခန်းများ၊ ပြကွက်များ၊ ပြိုင်ပွဲများဖြင့် ခေတ်မီစွာ စနစ်တကျပြန်လည်ကျင်းပမည်ဖြစ်ကြောင်းလည်း ဒုတိယဝန်ကြီး ဒေါက်တာဇော်မြင့်က ပြောသည်။
ထို့ပြင် မြန်မာနိုင်ငံ ဝိဇ္ဇာနှင့် သိပ္ပံ သုတေသန ညီလာခံ နှင့် သိပ္ပံပွဲတော်ကို ပူးတွဲ ပြီး စည်ကားသိုက်မြိုက်စွာကျင်းပနိုင်ရန်လည်း အကြံပြုဆွေးနွေးထားကြောင်း သိရသည်။
Photo-MOI 2019 ပြပွဲ