ကမ်ပိုက်တီနှင့်လွယ်ဂျယ် နယ်စပ်ကုန်သွယ်ရေးစခန်းများကို နိုင်ငံတကာ အဆင့်မြှင့်တင်သွားမည်
ကမ်ပိုက်တီနှင့်လွယ်ဂျယ် နယ်စပ်ကုန်သွယ်ရေးစခန်းများကို နိုင်ငံတကာ အဆင့်မြှင့်တင်သွားမည်ဖြစ်ကြောင်း သိရသည်။
လက်ရှိတွင် လူဝင်မှုကြီးကြပ်ရေး ဦးစီးဌာန၊ အကောက် ခွန်ဦးစီးဌာနမှ ဝန်ထမ်းများနှင့် တာဝန်ရှိသူများကလိုအပ် သည့် စစ်ဆေးဆောင်ရွက်မှုများ ဆောင်ရွက်နေပြီး ကုန် သွယ်ဖက်နိုင်ငံများ၊ကုန်သွယ်မှုအသင်းအဖွဲ့များနှင့်သယ် ယူပို့ဆောင်ရေး လုပ်ငန်းရှင်များနှင့်ပါ ညှိနှိုင်းမှုများ လုပ် ဆောင်နေကြောင်း နစက၏ နိုင်ငံပိုင်သတင်းစာမှ ဖော်ပြချက်အရ သိရသည်။
ကချင်ပြည်နယ်ရှိ ကမ်ပိုက်တီနှင့် လွယ်ဂျယ်နယ်စပ် ကုန် သွယ်ရေးစခန်းတို့သည် မျိုးဗီဇပြုပြင်ထားသော တစ်ရူးငှက်ပျော၊ ပြောင်း၊ ဖရဲ၊ ရော်ဘာနှင့် အခြားပြည်တွင်း ထွက် ကုန်ပစ္စည်းအချို့ကို တရုတ်အပါ အဝင် ပြည်ပနိုင် ငံများသို့ တင်ပို့လျက်ရှိသည့် နယ်စပ်ကုန်သွယ်ရေးစခန်း များ ဖြစ်သည်။
အဆိုပါ ကုန်သွယ်ရေး စခန်းများမှ ပြည်တွင်းသို့ ဘိလပ် မြေ၊ ဆောက်လုပ်ရေးသုံး စက်ကိရိယာများ၊ လျှပ်စစ်ပစ္စ ည်းများနှင့် အိမ်သုံးပစ္စည်းများကို ပြည်တွင်းသို့ အဓိကထား တင်သွင်းနေခြင်း ဖြစ်သည်။
ယခုနှစ် ဧပြီလကတည်းက စတင်ကာ ကုန်ပစ္စည်း တင်ပို့ တင်သွင်းခြင်း လုပ်ငန်းများကို COVID-19 စည်းမျဉ်းများနှင့်အညီ ပြန်လည်ခွင့်ပြုပေးခဲ့ခြင်း ဖြစ်ကြောင်း နစ က နိုင်ငံပိုင်သတင်းစာ ဖော်ပြမှုအရ သိရသည်။
ကမ်ပိုက်တီ နယ်စပ်ကုန်သွယ်ရေးစခန်းကို ၂၀၀၃ ခုနှစ် ဒီဇင်ဘာလတွင် ဖွင့်လှစ်ခဲ့သော်လည်း နယ်မြေလုံခြုံရေးနှင့် အခြားအခြေနေအရပ်ရပ်ကြောင့် ကုန်သွယ်မှုလုပ် ငန်းများ ဆောင်ရွက်နိုင်ခြင်းမရှိသောကြောင့် ၂၀၀၆ ခုနှစ် ဇွန်လ တတိယပတ်တွင် ပိတ်သိမ်းခဲ့ရကြောင်း သိရ
သည်။
ယင်းသို့ ပိတ်သိမ်းထားရာမှ ၂၀၀၉ ခုနှစ် သြဂုတ်လ (၁) ရက်တွင် ပြည်နယ်အဆင့်အဖြစ် တရားဝင် ပြန်လည်ဖွင့်လှစ်ခဲ့ကြောင်း သိရသည်။
ထို့အပြင် လွယ်ဂျယ် နယ်စပ်ကုန်သွယ်ရေးစခန်းကိုလ ည်း ၁၉၉၂ ခုနှစ် မေလ (၇)ရက်နေ့ အမိန့်ကြော်ငြာစာ အမှတ် ၄/၉၂ ဖြင့် ခွင့်ပြုပေးခဲ့ပြီး ကုန်သွယ်မှု ဝန်ကြီး ဌာနက ၁၉၉၂ ခုနှစ် ဇွန်လ (၁) ရက်တွင် စတင်ဖွင့်လှစ်ခဲ့ကြောင်း သိရသည်။
အဆိုပါ နယ်စပ် ကုန်သွယ်ရေး စခန်းကိုလည်း ၁၉၉၇ ခုနှစ် ဇန်နဝါရီလတွင် အခြေအနေများအရ လုပ်ငန်းများ ခေတ္တ ရပ်ဆိုင်းခဲ့ပြီး ၁၉၉၈ ခုနှစ် သြဂုတ်လ ၂၃ ရက်နေ့ တွင် လွယ်ဂျယ် နယ်စပ် ကုန်သွယ်ရေး ဦးစီး ဌာနကို စတင်ဖွင့်လှစ်ခဲ့သည်။