(Unicode)
ကမ္ဘောဒီးယားသို့ နစကနိုင်ငံခြားရေးဝန်ကြီးလာရောက်ဖို့ ကမ္ဘောဒီးယားဝန်ကြီးချုပ်ဖိတ်ကြား
အလှည့်ကျအာဆီယံဥက္ကဌအဖြစ်တာဝန်ယူတော့မယ့် ကမ္ဘောဒီးယားနိုင်ငံက မြန်မာနစက နိုင်ငံခြားရေးဝန်ကြီးဦးဝဏ္ဏမောင်လွင်ကို လာမယ့်ရက်သတ္တပါတ်အတွင်း ကမ္ဘောဒီးယားနိုင်ငံကိုလာဖို့ ဖိတ်ကြားမယ်လို့ ဝန်ကြီးချုပ်ဟွန်ဆန်က ပြောဆိုတဲ့အကြောင်း ဘန်ကောက်ပိုစ့်သတင်းစာကဖော်ပြပါတယ်။
လာမယ့်လမှာ အာဆီယံအလှည့်ကျ ဥက္ကဌအဖြစ် တာဝန်ယူတော့မယ့် ကမ္ဘောဒီးယားအနေနဲ့ နစကနိုင်ငံခြားရေးဝန်ကြီးကို ဖိတ်ကြားတာဟာ မြန်မာနိုင်ငံထဲဖြစ်ပေါ်နေတဲ့ ကာလရှည်ကြာမငြိမ်သတ်မှုတွေကို အဆုံးသတ်နိုင်စေဖို့ သံတမန်ဆက်ဆံရေး တိုးမြှင့်လုပ်ဆောင်ပုံ ပေါ်နေပါတယ်။
ခရီးစဉ်ကို လာမယ့် တနင်္လာနေ့နဲ့ အင်္ဂါနေ့တို့မှာ မျှော်မှန်းထားသော်လည်း Omicron ကိုရိုနာဗိုင်းရပ်စ်မျိုးကွဲရဲ့ လျင်မြန်စွာပျံ့နှံနေမှုကြောင့် ခရီးသွားလာခြင်းတွေကို ကန့်သတ်နေတဲ့အတွက် ခရီးစဉ်အပြောင်းအလဲတွေလည်း ဖြစ်လာနိုင်ပါတယ်။
မြန်မာနိုင်ငံမှာ ဘက်ပေါင်းစုံပြေလည်လာအောင် ကြိုးစားဖို့ အထူးကိုယ်စားလှယ်ခန့်အပ်ခြင်းအပါအဝင် အာဆီယံသဘောတူညီချက် ၅ချက်ကို ပြီးခဲ့တဲ့ ဧပြီလကကျင်းပခဲ့တဲ့ အာဆီယံထိပ်သီးအစည်းအဝေးမှာ အာဆီယံက သဘောတူခဲ့ပါတယ်။
အဲ့ဒီ့သဘောတူညီချက်ချမှတ်တဲ့ ထိပ်သီးအစည်းအဝေးထဲ နစကခေါင်းဆောင်လည်းတက်ရောက်ခဲ့တာရှိပါတယ်။
ပြီးခဲ့တဲ့ ဩဂုတ်လက ဘရူနိုင်းနိုင်ငံရဲ့ နိုင်ငံခြားရေးဝန်ကြီး(၂) Erywan Yusof ကို အာဆီယံ အထူးကိုယ်စားလှယ်အဖြစ် ခန့်အပ်ခဲ့တာရှိပေမယ့် အထူးကိုယ် စားလှယ်ရဲ့ မြန်မာပြည်ခရီးစဉ်ကတော့ ဖြစ်မလာခဲ့ပါဘူး။
မြန်မာနိုင်ငံတွက် အာဆီယံအထူးကိုယ်စားလှယ်အသစ်ကို ဇန်နဝါရီလမှာ ခန့်အပ်မယ်လို့ ကမ္ဘောဒီးယားက ပြောဆိုထားတာရှိပါတယ်။
(Zawgyi)
ကေမာၻဒီးယားသို႔ နစကႏိုင္ငံျခားေရးဝန္ႀကီးလာေရာက္ဖို႔ ကေမာၻဒီးယားဝန္ႀကီးခ်ဳပ္ဖိတ္ၾကား
အလွည့္က်အာဆီယံဥကၠဌအျဖစ္တာဝန္ယူေတာ့မယ့္ ကေမာၻဒီးယားႏိုင္ငံက ျမန္မာနစက ႏိုင္ငံျခားေရးဝန္ႀကီးဦးဝဏၰေမာင္လြင္ကို လာမယ့္ရက္သတၱပါတ္အတြင္း ကေမာၻဒီးယားႏိုင္ငံကိုလာဖို႔ ဖိတ္ၾကားမယ္လို႔ ဝန္ႀကီးခ်ဳပ္ဟြန္ဆန္က ေျပာဆိုတဲ့အေၾကာင္း ဘန္ေကာက္ပိုစ့္သတင္းစာကေဖာ္ျပပါတယ္။
လာမယ့္လမွာ အာဆီယံအလွည့္က် ဥကၠဌအျဖစ္ တာဝန္ယူေတာ့မယ့္ ကေမာၻဒီးယားအေနနဲ႔ နစကႏိုင္ငံျခားေရးဝန္ႀကီးကို ဖိတ္ၾကားတာဟာ ျမန္မာႏိုင္ငံထဲျဖစ္ေပၚေနတဲ့ ကာလရွည္ၾကာမၿငိမ္သတ္မႈေတြကို အဆုံးသတ္ႏိုင္ေစဖို႔ သံတမန္ဆက္ဆံေရး တိုးျမႇင့္လုပ္ေဆာင္ပုံ ေပၚေနပါတယ္။
ခရီးစဥ္ကို လာမယ့္ တနလၤာေန႔နဲ႔ အဂၤါေန႔တို႔မွာ ေမွ်ာ္မွန္းထားေသာ္လည္း Omicron ကို႐ိုနာဗိုင္းရပ္စ္မ်ိဳးကြဲရဲ႕ လ်င္ျမန္စြာပ်ံ႕ႏွံေနမႈေၾကာင့္ ခရီးသြားလာျခင္းေတြကို ကန႔္သတ္ေနတဲ့အတြက္ ခရီးစဥ္အေျပာင္းအလဲေတြလည္း ျဖစ္လာႏိုင္ပါတယ္။
ျမန္မာႏိုင္ငံမွာ ဘက္ေပါင္းစုံေျပလည္လာေအာင္ ႀကိဳးစားဖို႔ အထူးကိုယ္စားလွယ္ခန႔္အပ္ျခင္းအပါအဝင္ အာဆီယံသေဘာတူညီခ်က္ ၅ခ်က္ကို ၿပီးခဲ့တဲ့ ဧၿပီလကက်င္းပခဲ့တဲ့ အာဆီယံထိပ္သီးအစည္းအေဝးမွာ အာဆီယံက သေဘာတူခဲ့ပါတယ္။
အဲ့ဒီ့သေဘာတူညီခ်က္ခ်မွတ္တဲ့ ထိပ္သီးအစည္းအေဝးထဲ နစကေခါင္းေဆာင္လည္းတက္ေရာက္ခဲ့တာရွိပါတယ္။
ၿပီးခဲ့တဲ့ ဩဂုတ္လက ဘ႐ူႏိုင္းႏိုင္ငံရဲ႕ ႏိုင္ငံျခားေရးဝန္ႀကီး(၂) Erywan Yusof ကို အာဆီယံ အထူးကိုယ္စားလွယ္အျဖစ္ ခန႔္အပ္ခဲ့တာရွိေပမယ့္ အထူးကိုယ္ စားလွယ္ရဲ႕ ျမန္မာျပည္ခရီးစဥ္ကေတာ့ ျဖစ္မလာခဲ့ပါဘူး။
ျမန္မာႏိုင္ငံတြက္ အာဆီယံအထူးကိုယ္စားလွယ္အသစ္ကို ဇန္နဝါရီလမွာ ခန႔္အပ္မယ္လို႔ ကေမာၻဒီးယားက ေျပာဆိုထားတာရွိပါတယ္။