အမေရိကန် ဗိုလ်ချုပ်ကြီးတစ်ဦးသည် ဗြိတိန် ကာကွယ်ရေးဝန်ကြီး ဘန်ဝေါလတ်စ်အား ဗြိတိန်စစ်တပ်ကို ကမ္ဘာ့ထိပ်တန်း အဆင့်ဝင် စစ်တပ်အဖြစ် မသတ်မှတ်တော့ကြောင်း ပြောကြားခဲ့သည်ဟု စကိုင်းနူးစ် သတင်းဌာနက ဖော်ပြထားသည်။
အဆိုပါ အမည်မဖော်လိုသူ အမေရိကန် ဗိုလ်ချုပ်ကြီးသည် ကာကွယ်ရေးဝန်ကြီးအား ၎င်း၏ စစ်တပ် အင်အားလျော့နည်းလာမှုနှင့် ပတ်သက်၍ သတိပေးခဲ့သည့်အပြင် ဗြိတိန်စစ်တပ်သည် ဗြိတိန်နှင့် ၎င်း၏ မဟာမိတ်များကိုပင် ကာကွယ်နိုင်စွမ်း မရှိတော့ကြောင်း ပြောခဲ့ကြားသည်ဟု ထိုကိစ္စနှင့် ရင်းနှီးကျွမ်းဝင်သူများက ဆိုသည်။
ပူတင်၏ ရုရှားစစ်တပ်ကြောင့် လုံခြုံရေး အန္တရာယ်ကြီးမားလာချိန်တွင် ရီရှီး ဆူးနက်ခ်သည် ၎င်း၏ စစ်တပ်နှင့် ပတ်သက်၍ ချက်ချင်း အရေးယူဆောင်ရွက်ခြင်း မပြုပါက စစ်ပွဲကာလ ဝန်ကြီးချုပ်အဖြစ် တာဝန်ပျက်ကွက်လိမ့်မည်ဖြစ်ကြောင်း အမည်မဖော်လိုသူ ဗိုလ်ချုပ်ကြီးက စကိုင်းနူးစ်အား ပြောကြားခဲ့သည်။
ထို့ကြောင့် ရုရှား-ယူကရိန်း အရေးခင်းအပြီးတွင် ဗြိတိန်သည် ဆယ်စုနှစ်များစွာ ဘတ်ဂျက်ဖြတ်တောက်မှုကြောင့် ဆုတ်ယုတ်နေသည့်နေသည့် ၎င်းစစ်တပ်၏ စွမ်းရည်များကို မျှော်လင့်ထားသည်ထက် ပိုမိုလျင်မြန်စွာ ပြန်လည်ဖြည့်တင်းနိုင်ရန် လိုအပ်ကြောင်း ဗိုလ်ချုပ်ကြီးက ဆက်လက်ပြောခဲ့သည်။
ဗိုလ်ချုပ်ကြီးက နိုင်ငံတစ်နိုင်ငံချင်းဆီ၏ စစ်ရေးအင်အားအရ အဆင့်ခွဲခြားသတ်မှတ်ခဲ့ရာ အဆင့်တစ်နေရာတွင် အမေရိက၊ ရုရှား၊ တရုတ်နှင့် ပြင်သစ်တို့က နေရာယူထားပြီး ဗြိတိန်ကိုမူ ဂျာမနီနှင့် အီတလီကဲ့သို့ တိုက်ခိုက်ရေးအင်အားနည်းသော အဆင့်နှစ် နေရာတွင်သာ ရှိကြောင်း ပြောခဲ့သည်။
Source: WION
