စစ်ကိုင်းတိုင်းဒေသကြီး၊ မုံရွာမြို့၊ ကမ္ဘာကျော် မိုးညှင်းသမ္ဗုဒ္ဓေကပ်ကျော် စေတီတော်မြတ်ကြီး၏ ဗုဒ္ဓပူဇနိယဘုရား ပွဲတော်ကြီးကို ယနေ့တန်ဆောင်မုန်းလပြည့်နေ့တွင် ကျင်းပခဲ့ကြသည်။
မိုးညှင်းသမ္ဗုဒ္ဓေ ကပ်ကျော်စေတီတော် ပတ်လည်တွင် ပင့်သံဃာအပါး (၈၀)ကို ဗုဒ္ဓပူဇနိယဘုရားပွဲတော်နေ့ဖြစ်သည့် တန်ဆောင်မုန်းလပြည့်နေ့ နံနက် (၈)နာရီတွင် ဆွမ်းဆန်စိမ်းနှင့် သံဃာ့ဒါန စာရေးတံမဲများ လောင်းလှူခဲ့ကြသည်။
” ဟိုးအရင် ဘုရားပွဲတွေတုန်းက ပင့်သံဃာအပါး (၁၅၀) လောက်ကိုဆွမ်းဆန်စိမ်းနဲ့ လှူဖွယ်တွေလောင်းလှူကြတယ်။ မုံရွာမြို့ပေါ်နဲ့ ကျေးရွာတွေက လာလှူကြတာပါ။ ပင့်တဲ့သံ ဃာအရေအတွက်က တစ်နှစ်နဲ့တစ်နှစ် မတူပါဘူး။ အလှုငွေ၊ ပစ္စည်း၊ စားစရာတွေယူလာလို့ရကြတာပါ။ လှူတဲ့ သူတွေက ကိုယ်တတ်နိုင်သလောက်တစ်ဇွန်းဆန်က စပြီး ငွေတွေ သောင်းချီ၊ ပစ္စည်းတွေအများကြီးအထိ လှူကြတဲ့ ကု သိုလ်ပွဲပါ။ ပင့်သံဃာအားလုံး ဆွမ်းဆန်နဲ့လှူဖွယ်တွေအရအများဆုံးပွဲလို့ ပြောရမှာပါ”ဟု ဆွမ်းဆန်လာလှူသူက ပြော သည်။
မိုးညှင်းသမ္ဗုဒ္ဓေ ကပ်ကျော်စေတီတော်မြတ်ကြီး ဘုရားပွဲ တော်တွင် စျေးလာရောက်ရောင်းချမည့်သူများပြားပြီး ဘု ရားဖူးရင်း ဈေးဝယ်ကြသူလည်း များပြားကြောင်း သိရသည်။
ယခင်ကိုဗစ် မဖြစ်ခင်ကာလများက မိုးညှင်းသမ္ဗုဒ္ဓေ ကပ်ကျော်စေတီတော်မြတ်ကြီး၏ ဗုဒ္ဓ ပူဇနိယဘုရားပွဲတော်ကြီး ၏ ဆွမ်းဆန်စိမ်းလောင်းလှူပွဲတွင် ရန်ကုန်၊ မန္တလေး၊ ပခုက္ကူစသည့်မြို့ကြီးများနှင့် မုံရွာမြို့နှင့် အနီးဝန်းကျင်မှ ပင့်သံဃာ အပါး (၁၅၀)ဝန်းကျင် ပင့်ဖိတ်လောင်းလှူခြင်းဖြစ်ပြီး ပြီးခဲ့သည့်နှစ်က မုံရွာမြို့ပေါ်နှင့်အနီးဝန်းကျင်မှပင့်သံ ဃာ (၇၅)ပါး ပင့်ဖိတ်လောင်းလှူခဲ့ကြကာ ယခုနှစ်တွင်အပါး (၈၀) ပင့် ဖိတ်လောင်းလှူခဲ့ကြောင်း သိရသည်။