(၁၉၈၈)ခုနှစ်နောက်ပိုင်းကာလကိုပညာရေးအမှောင်ခေတ်ဟုပြောသည့် NLDအမတ်ကိုမင်းကင်းပြည်ခိုင်ဖြိုးအမတ်ကန့်ကွက်ခဲ့

(၁၉၈၈)ခုနှစ်နောက်ပိုင်းကာလကိုပညာရေးအမှောင်ခေတ်ဟုပြောသည့် NLDအမတ်ကိုမင်းကင်းပြည်ခိုင်ဖြိုးအမတ်ကန့်ကွက်ခဲ့
August 14, 2018 AsianFame MediaGroup

3:47 pm
(၁၉၈၈)ခုနှစ်နောက်ပိုင်းကာလကိုပညာရေးအမှောင်ခေတ်ဟုပြောသည့် NLDအမတ်ကိုမင်းကင်းပြည်ခိုင်ဖြိုးအမတ်ကန့်ကွက်ခဲ့

39100380_1922586271118662_2935328822163144704_n

နေပြည်တော် သြဂုတ် ၁၄

(၁၉၈၈)ခုနှစ်နောက်ပိုင်းကာလကိုပညာရေးအမှောင်ခေတ်ဟုတောင်တွင်းကြီးမဲဆန္ဒနယ်မှဦးမင်းသိန်းကပြောကြားခဲ့ပြီးမင်းကင်းမဲဆန္ဒနယ်မှဦးမောင်မြင့်ကတပ်မတော်အစိုးရကာလကိုပညာရေးအမှောင်ခေတ်ပြောသွားသည်ဟုဆိုကာလွှတ်တော်တွင်ကန့်ကွက်ခဲ့သည်။

ဦးမောင်မြင့်က”ဦးမင်းသိန်းအနေနဲ့မေးသွားတဲ့အထဲမှာနှုတ်ချော်ပြီးတော့မှတပ်မတော်အစိုးရကာလကိုပညာရေးအမှောင်ခေတ်ဆိုပြီးတော့မှပြောသွားတာကိုကျွန်တော်ကန့်ကွက်တာပါ။ ဒါကြောင့်မို့လို့ဒီလိုမဆီမလျော်တဲ့စကားလုံးအသုံးအနှုန်းပြီးခဲ့တဲ့အစိုးရအပေါ်မှာပျက်ရယ်ပြုတဲ့အသုံးအနှုန်း ရှုတ်ချတဲ့အသုံးအနှုန်းတွေကိုလွှတ်တော်ကမှတ်တမ်းတင်ထားမယ်ဆိုရင်လွှတ်တော်လည်းမကောင်းပါဘူး”ဟုပြောသည်။

ယနေ့ကျင်းပသောပြည်သူ့လွှတ်တော်တွင်အခြေခံပညာရေးကဏ္ဍတွင်အမျိုးသားဦးရေသိသာစွာကျဆင်းနေသည့်အတွက်အမျိုးသားဆရာဦးရေတိုးချဲ့ခန့်ထားရန်သင့်လျော်သောအစီအစဉ်များဆောင်ရွက်ထားခြင်းရှိ မရှိနှင့်စပ်လျဉ်းသည့်မေးခွန်းကို တောင်တွင်းကြီးမဲဆန္ဒနယ်မှဦးမင်းသိန်းကမေးမြန်းခဲ့သည်။

အဆိုပါမေးခွန်းကိုမေးမြန်းရာ၌ဦးမင်းသိန်းက”ဒီလိုကျောင်းဆရာဦးရေမသိမသာလျော့ပါးလာတာဟာ(၁၉၈၈)ခုနှစ်နောက်ပိုင်းကာလတွေမှာပိုမိုဆိုးရွားလာခဲ့ပါတယ်။ ပညာရေးအမှောင်ခေတ်ကြီးမှာကျောင်းဆရာလောကကိုစိတ်နာပြီးပညာရေးလောကကိုကျောခိုင်းထွက်ခွာသွားရတဲ့ဆရာဦးရေများပြားစွာရှိပါတယ်”ဟုထည့်သွင်းပြောကြားခဲ့ခြင်းဖြစ်သည်။

ယင်းကဲ့သို့ပြောကြားရခြင်းမှာကျောင်းဆရာများအတွက်အခွင့်အလမ်းနည်းပါးသောကြောင့်ဖြစ်ပြီးကျောင်းဆရာတစ်ယောက်၏လစာနှင့်နေရေးထိုင်ရေးတို့မှာ(၁၉၈၈)ခုနှစ်နောက်ပိုင်းတွင်ပိုမိုဆိုးရွားလာခြင်းဖြစ်ကြောင်းဦးမင်းသိန်းကလွှတ်တော်အစည်းအဝေးအပြီးတွင်မီဒီယာများကိုပြောသည်။

ထို့ပြင်လွတ်လပ်စွာပညာသင်ကြားခွင့်ဆုံးရှုံးခြင်း စစ်မှန်သောပညာသင်ကြားခွင့်ဆုံးရှုံးခြင်း ပညာရေးအခွင့်အလမ်းများကင်းမဲ့ခြင်း ပညာရေးအသုံးစရိတ်နည်းပါးခြင်း တို့မှာလည်းအမှောင်ခေတ်၏သဘောဖြစ်ကြောင်းနှင့်ယင်းတို့ကိုရည်ရွယ်ခြင်းဖြစ်ကြောင်း၎င်းကဆိုသည်။

တပ်မတော်အစိုးရကာလကိုပညာရေးအမှောင်ခေတ်ပြောသည်ဟုယူဆချက်မှာဦးမောင်မြင့်၏ယူဆချက်သာဖြစ်ကြောင်း ၎င်းအနေဖြင့်လည်း(၁၉၈၈)ခုနှစ်နောက်ပိုင်းတွင်ကျောင်းဆရာဘဝမှထွက်လာခဲ့ရခြင်းဖြစ်ပြီး ကိုယ့်ခံစားချက်နှင့်ကိုယ်ပြောလိုက်ခြင်းသာဖြစ်ကြောင်းမီဒီယာများကိုပြောသည်။

39132339_1922586414451981_1705034413726760960_n

ဦးမင်းသိန်းက”ပညာရေးအမှောင်ခေတ်ဆိုတာခုမှလည်းပြန်ပြီးရောင်ခြည်လေးသန်းခါစရှိသေးတယ်။ ရှင်းရှင်းပြောရ ရင်ပညာရေးအသုံးစရိတ်ခုမှပြန်တက်လာတာ။ သူတို့ကိုထိခိုက်စေလိုတဲ့ဆန္ဒမရှိပါဘူး။ ပညာရေးအသုံးစရိတ်နည်းတာနဲ့ပညာရေးသင်ယူနိုင်မှုအခွင့်အလမ်းတွေနည်းတာကိုဆရာကဆိုလိုတာပါ။ ဘာမှတိုက်ခိုက်ချင်တဲ့စိတ်မရှိပါဘူး”ဟုပြောသည်။

တောင်တွင်းကြီးမဲဆန္ဒနယ်မှဦးမင်းသိန်းအနေဖြင့်(၁၉၈၁)ခုနှစ်မှ(၁၉၈၈)ခုနှစ်အထိကျောင်းဆရာအဖြစ်တာဝန်ထမ်းဆောင်ခဲ့သူတစ်ဦးလည်းဖြစ်သည်။

ဦးမောင်မြင့်က”တပ်မတော်အစိုးရလက်ထပ်မှာကိုယ်တို့ကလည်းပါဝင်ခဲ့တယ်။ သူလည်းကောင်းအောင်တော့ကြိုးစားခဲ့တာပဲ။ အဲဒီတော့ပညာရေး Policyတွေချမှတ်တာကတော့ကောင်းမယ်ထင်လို့ကြိုးစားခဲ့ပေမယ့်လက်တွေ့အောင်မြင်တာမအောင်မြင်တာကတော့တစ်ပိုင်းပေါ့။ အဲဒီတော့ပညာရေးအမှောင်ကာလဆိုတာကတော့တကယ်တမ်းပြောလို့ရှိရင်ဥရောပတို့ဘာတို့မှာအဲ့လိုပညာရေးအမှောင်ကာလကျတယ်ဆိုတာမျိုးရှိခဲ့ဖူးတယ်။ မြန်မာနိုင်ငံမှာတော့မရှိဘူးပေါ့”ဟုမီဒီယာများကိုပြော
သည်။

ထိုကဲ့သို့ပညာရေးအမှောင်ခေတ်ဟုသုံးနှုန်းခြင်းကိုလွှတ်တော်တွင်မှတ်တမ်းတင်ထားမည်ဆိုပါကလွှတ်တော်အနေဖြင့်လည်းမကောင်းကြောင်းအဆိုပါအသုံးအနှုန်းကိုဖြုတ်ချပေးရန်အတွက်ဦးမောင်မြင့်ကလွှတ်တော်တွင်တင်ပြခဲ့ခြင်းဖြစ်သည်။

ပြည်သူ့လွှတ်တော်ဥက္ကဋ္ဌဦးတီခွန်မြတ်ကလည်း”ပညာရေးအမှောင်ခေတ်ကာလဆိုတဲ့စကားရပ်ကိုလွှတ်တော်ရုံးကနေမှတ်တမ်းကနေပယ်ဖျက်ဖို့ဆုံးဖြတ်ပါတယ်”ဟုပြောကြားခဲ့သည်။

ထို့ပြင်လွှတ်တော်ကိုယ်စားလှယ်များအနေဖြင့်မိမိတို့မေးခွန်းမေးမြန်းသည့်အချိန်မှာသော်လည်းကောင်းအဆိုပြုတင်သွင်းသည့်အခါမှာသော်လည်းကောင်းဆွေးနွေးသည့်အခါမှာသော်လည်းကောင်း စကားရပ်အသုံးအနှုန်းများဆင်ခြင်ရန်ဦးတီခွန်မြတ်ကသတိပေးပြောကြားခဲ့သည်။

ဖူးဖူးအောင်

Comments (0)

Leave a reply

Your email address will not be published. Required fields are marked *

*