သတ်မှတ်မိုင်နှုန်းထက်ပိုမိုမောင်းနှင်သောကားများအားဖမ်းဆီးသည့်တာဝန်ရှိသူများကိုအဂတိကင်းစင်အောင်မည်ကဲ့သို့ထိန်းကျောင်းပါသလဲဟုလွှတ်တော်တွင်မေးခွန်းထုတ်

သတ်မှတ်မိုင်နှုန်းထက်ပိုမိုမောင်းနှင်သောကားများအားဖမ်းဆီးသည့်တာဝန်ရှိသူများကိုအဂတိကင်းစင်အောင်မည်ကဲ့သို့ထိန်းကျောင်းပါသလဲဟုလွှတ်တော်တွင်မေးခွန်းထုတ်
August 8, 2018 AsianFame MediaGroup

3:14 pm
သတ်မှတ်မိုင်နှုန်းထက်ပိုမိုမောင်းနှင်သောကားများအားဖမ်းဆီးသည့်တာဝန်ရှိသူများကိုအဂတိကင်းစင်အောင်မည်ကဲ့သို့ထိန်းကျောင်းပါသလဲဟုလွှတ်တော်တွင်မေးခွန်းထုတ်

38670938_1912296018814354_6005313046673620992_n

နေပြည်တော် သြဂုတ် ၈

သတ်မှတ်မိုင်နှုန်းအရှိန်ထက်ပိုမိုမောင်းနှင်နေသောကားများအားဖမ်းဆီးအရေးယူခြင်းများဆောင်ရွက်နေသည့်တာဝန်ရှိသူများကိုအဂတိကင်းစင်အောင်မည်ကဲ့သို့ထိန်းကျောင်းပါသလဲဟုယနေ့ကျင်းပသောပြည်သူ့လွှတ်တော်တွင်အင်းစိန်မဲဆန္ဒနယ်မှဦးမောင်မောင်ဦးကမေးမြန်းခဲ့သည်။

ဦးမောင်မောင်ဦးက”သတ်မှတ်မိုင်နှုန်းထက်အရှိန်ပိုမောင်းတဲ့ကားတွေကိုမည်ကဲ့သို့သောအထောက်အထားဖြင့်ဖမ်းဆီးဖော်ပြဖမ်းဆီးနေပါသလဲ။ ဖမ်းဆီးအရေးယူနေတဲ့တာဝန်ရှိပုဂ္ဂိုလ်များကိုလည်းအဂတိတရားကင်းစင်မှုရှိအောင်မည်ကဲ့သို့ထိန်းကျောင်းထားပါသလဲ”ဟုပြောသည်။

၎င်းက”ရန်ကုန်-မန္တလေးအမြန်လမ်းမကြီးပေါ်တွင်သတ်မှတ်မိုင်နှုန်းအရှိန်ထက်ပိုမိုမောင်းနှင်နေသောကားများအားမည်သို့မည်ပုံဖမ်းဆီးအရေးယူနေသည်ကိုသိလိုခြင်းနှင့်စပ်လျဉ်းသည့်မေးခွန်း”ကိုမေးမြန်းရာ၌ထည့်သွင်းမေးမြန်းခဲ့ခြင်းဖြစ်သည်။

ထိုကဲ့သို့ဖမ်းဆီးအရေးယူမှုပြုလုပ်သည်တွင်လူထုအားအသိပညာပေးမှုမှာလုံလောက်မှုရှိနေပြီလားဟူ၍လည်း၎င်းကမေးခွန်းထုတ်ခဲ့သည်။

ရန်ကုန်-မန္တလေးအမြန်လမ်းမကြီးတွင်ရှိသောတိုးလ်ဂိတ်များတွင်သတ်မှတ်မိုင်နှုန်းထက်ပိုမိုမောင်းနှင်သောကားများကိုဒဏ်ငွေတပ်ပြီးဖမ်းဆီးနေခြင်းကြောင့်ယာဉ်မတော်တဆမှုများပိုမိုလျော့နည်းလာပြီးရည်ရွယ်ချက်ကောင်းတစ်ခုဖြစ်ကြောင်း၎င်းကတင်ပြခဲ့သည်။

အင်းစိန်မဲဆန္ဒနယ်မှဦးမောင်မောင်ဦး၏မေးခွန်းများကိုပြည်ထဲရေးဝန်ကြီးဌာနဒုတိယဝန်ကြီးဗိုလ်ချုပ်အောင်သူကပြန်လည်ဖြေကြားခဲ့သည်။

ဒုတိယဝန်ကြီးဗိုလ်ချုပ်အောင်သူက”အမြန်လမ်းမကြီးတစ်လျှောက်သွားလာနေတဲ့မော်တော်ယာဉ်များယာဉ်အန္တရာယ်ကင်းရှင်းနိုင်ရေးအတွက်စည်းကမ်းလိုက်နာနိုင်ရေးနှင့်သတ်မှတ်မိုင်နှုန်းထက်ပိုမိုမောင်းနှင်ပါကယာဉ်အန္တရာယ်ဖြစ်စေနိုင်ခြင်းတို့နှင့်စပ်လျဉ်း၍နိုင်ငံပိုင်သတင်းစာများမှထည့်သွင်းကြေညာခြင်း skynet up to date အစီအစဉ်မှတဆင့်အသိပေးခြင်းတို့ကိုဆောင်ရွက်လျှက်ရှိကြောင်း၊ ထို့ပြင်(၂၀၁၆)ခုနှစ်စက်တင်ဘာလ(၁)ရက်နေ့မှစတင်ကာအမြန်လမ်းရဲတပ်ဖွဲ့မှာအမြန်လမ်းမကြီးပေါ်တွင်သတ်မှတ်မိုင်နှုန်းကီလိုမီတာ(၁၀၀)အထက်ပိုမိုမောင်းနှင်သောယာဉ်များအားခေတ်မီရွေ့လျားတိုင်းတာဖမ်းဆီးသောစက်များကိုအသုံးပြု၍ယာဉ်များ၏တည်နေရာအချိန်နှင့်ယာဉ်၏အရှိန်နှုန်းတို့ကိုမှတ်တမ်းဓာတ်ပုံရယူခဲ့ကြောင်း၊ ယင်းမှတ်တမ်းဓာတ်ပုံများကိုviberဖြင့်တိုးလ်ဂိတ်မီနီတိုးလ်ဂိတ်များရှိအမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့ အမြန်လမ်းမကြီးရဲတပ်ဖွဲ့ မြန်မာနိုင်ငံရဲတပ်ဖွဲ့ မြန်မာနိုင်ငံမီးသတ်တပ်ဖွဲ့ အမြန်လမ်းသက်ဆိုင်ရာရပ်ကွက်ကျေးရွာအုပ်စုအုပ်ချုပ်ရေးအဖွဲ့များပါဝင်သောပူးပေါင်းစစ်ဆေးရေးအဖွဲ့များထံသို့ပေးပို့ပြီးစည်းကမ်းဖောက်ဖျက်သောယာဉ်မောင်းအားမော်တော်ယာဉ်ဥပဒေဖြင့်အရေးယူလျှက်ရှိပါကြောင်းပြန်လည်ဖြေကြားခဲ့သည်။

ဦးမောင်မောင်ဦးက”ဖမ်းဆီးတဲ့အခါမှာရဲတပ်ဖွဲ့တို့ရပ်ကွက်အဖွဲ့အစည်းတွေအရပ်ဘက်အဖွဲ့အစည်းတွေဒါ့အပြင်မီးသတ်အဖွဲ့အစည်းတွေပါတယ်လို့ပြောပါတယ်။ဒါပေမယ့်ကျွန်တော်တို့ကဒီလမ်းပေါ်မှာအမြဲတမ်းလိုလိုသွားလာနေရတဲ့လူတွေဖြစ်တဲ့အတွက်ကျွန်တော်ကတော့သတိထားမိသလောက်ကတော့မတွေ့ပါဘူး။မြန်မာနိုင်ငံယာဉ်ထိန်းတပ်ဖွဲ့တစ်ခုပဲတွေ့ပါတယ်။ဒါကြောင့်တခါတရံမှာအထောက်အထားမရှိပေမယ့်လည်းကျွန်တော်တို့ရှေ့မှာပဲမဖမ်းပဲနဲ့လွှတ်ပေးလိုက်တာတွေလဲတွေ့ပါတယ်။ဒါမျိုးကိုကျွန်တော်ကဆိုလိုခြင်းဖြစ်ပါတယ်။ဒါကြောင့်အဂတိတရားနဲ့ပတ်သတ်ပြီးဘယ်လိုထိန်းကျောင်းပါသလဲဆိုတာကိုဆက်စပ်မေးခွန်းအဖြစ်သိချင်ပါတယ်”ဟုဆိုသည်။

ခေတ်မီရွေ့လျားတိုင်းတာရေးစက်များဖြင့်ယာဉ်များကိုတိုင်းတာရပြီးသက်ဆိုင်ရာဂိတ်များရောက်မှသာစစ်ဆေးပြီးလိုင်စင်သိမ်းယူခြင်းသက်ဆိုင်ရာတရားရုံးတွင်ဆောင်ရွက်ရခြင်းဖြစ်ကြောင်းဒုတိယဝန်ကြီးဗိုလ်ချုပ်အောင်သူကဆိုသည်။

ထို့ကြောင့်အဖွဲ့နှင့်ဆောင်ရွက်ခြင်းဖြစ်သည့်အတွက်အဂတိနှင့်ပတ်သတ်ပြီးအတတ်နိုင်ဆုံးကင်းရှင်းအောင်ဆောင်ရွက်လျှက်ရှိပါကြောင်းပြန်လည်ဖြေကြားခဲ့သည်။

ဖူးဖူးအောင်

Comments (0)

Leave a reply

Your email address will not be published. Required fields are marked *

*