မိုးရွာတာအရှိန်ရလာပြီ အမြန်လမ်းပေါ်ကားမောင်းရင် ဒါတွေသတိထားပါ

မိုးရွာတာအရှိန်ရလာပြီ အမြန်လမ်းပေါ်ကားမောင်းရင် ဒါတွေသတိထားပါ
June 21, 2018 AsianFame MediaGroup

1:59 pm
မိုးရွာတာအရှိန်ရလာပြီ အမြန်လမ်းပေါ်ကားမောင်းရင် ဒါတွေသတိထားပါ

1

မေလကုန်ကနေစပြီးတဖြိုက်ဖြိုက်နဲ့ရွာလာတဲ့မိုးကအခုဆိုရင်အရှိန်ရလာပြီဖြစ်လို့ ရန်ကုန်မန္တလေးအမြန်လမ်းပေါ်မှာကားမောင်းမယ်ဆိုရင် အန္တရာယ်ကင်းကင်းနဲ့သွားလာနိုင်ဖို့ သတိထားသင့်တဲ့အချက်အချို့ကိုရေးသားတင်ပြလိုက်ပါတယ်။

“ကားတာယာတွေကိုသေချာစစ်ပါ”

ကားတစ်စီးလမ်းပေါ်မှာသွားလာနိုင်ဖို့နဲ့ရပ်တန့်ဖို့အတွက်အဓိကအရေးကြီးဆုံးဖြစ်တဲ့တာယာတွေကိုခရီးမထွက်ခင်သေချာစစ်သင့်ပါတယ်။တစ်ချို့တာယာတွေက ပန်းတွေမရှိတော့ဘဲဖြစ်နေရင်ချက်ချင်းအသစ်လဲပြီးမှ ခရီးထွက်ပါ။အမြန်လမ်းပေါ်မှာအရှိန်နဲ့သွားနေတဲ့ကားတစ်စီးအတွက်ပန်းမရှိတဲ့တာယာဟာ အသက်အန္တရာယ်အပေးနိုင်ဆုံးအရာပါ။တစ်ချို့တာယာတွေကပန်းတွေရှိနေပေမယ့်လည်းတာယာသက်တမ်းလွန်နေတာမျိုးဖြစ်တတ်လို့ဖြစ်နိုင်ရင်နီးစပ်ရာဝပ်ရှော့မှာသေချာစစ်ပြီးမှခရီးထွက်ပေးပါ။ရေဝပ်နေတဲ့နေရာတွေမှာအရှိန်နဲ့မောင်းတဲ့အခါပန်းမရှိတဲ့တာယာကြောင့်ကားမှောက်တဲ့အထိဖြစ်တတ်ပါတယ်။

“ဘရိတ်စနစ်ကို အသေအချာပြန်စစ်ပါ”

ကိုယ်မောင်းနေကျကားရဲ့ဘရိတ်အကြောင်းကိုမောင်းနေသူတစ်ဦးက သိပါတယ်။ဘရိတ်ကပုံမှန်ထက်ဝေးနေတာမျိုးချက်ချင်းမမိဘဲတောပ့်နင်းနေရတာမျိုးကချက်ချင်းပြင်ရမှာပါ။ဘရိတ်ဆီကိုလဲမပေါ့မဆဘဲသတိထားကြည့်ပေးပါ။ကားတစ်စီးနဲ့ကားပေါ်ပါသူတွေရဲ့အသက်က အဲဒီဘရိတ်တစ်ချက်ပေါ်မူတည်ပါတယ်။ဒါကြောင့်ဘရိတ်စနစ်အလုပ်လုပ်မလုပ်နဲ့ပုံမှန်ဟုတ်မဟုတ်စစ်ပေးပါ။

“ရေသုတ်တံကောင်းမွန်စွာအလုပ်လုပ်ပါစေ”

ယာဉ်မောင်းသူရှေ့မြင်ကွင်းကိုအတားအဆီးဖြစ်စေမယ့်မိုးရေစက်တွေကိုဖယ်ရှားဖို့ရေသုတ်တံက ကောင်းမွန်နေဖို့လိုပါတယ်။အလုပ်မလုပ်တာဖြစ်စေ ရှေ့လေကာမှန်ကိုကြည်သွားတဲ့အထိမသုတ်ပေးနိုင်ရင်အသစ်လဲဖို့လုပ်ပါမနှမြောပါနဲ့၊ရေသုတ်တံတစ်ချောင်းရဲ့တန်ဖိုးနဲ့သင့်အသက်က နှိုင်းယှဉ်စရာမလိုလောက်အောင်ကွာခြားပါတယ်။

“ရှေ့မီးကြီးကောင်းပါစေ”

မိုးသည်းထန်စွာရွာနေချိန်မှာ တစ်စက္ကန့်ကို ၈၈ပေလောက်ရွေ့နေတဲ့သင့်ကားအတွက်ရှေ့မီးကြီးကလုံလောက်တဲ့အကွာအဝေးအထိ အလင်းအားရောက်ဖို့လိုပါတယ်။တကယ်လို့ရှေ့မီးကြီးက သွားနေရင်းပျက်သွားတာမျိုးဖြစ်ခဲ့ရင်နီးစပ်ရာဝပ်လျှော့မှာပြင်ပြီးမှခရီးဆက်ပါ။ပြင်ဆင်ရမယ့်အချိန်တစ်နာရီခန့်က သင့်ဘဝလက်ကျန်အချိန်တွေနဲ့စာရင်မပြောပလောက်ပါဘူး။

“လမ်းတွေကိုမယုံပါနဲ့”

အမြန်လမ်းရယ်မှမဟုတ်ပါဘူးဘယ်လမ်းမကြီးတွေကိုမှ သွားနေကျဆိုပြီးမယုံပါနဲ့။မနေ့ကသင်ဖြတ်လာတဲ့နေရာမှာ ချိုင့်မရှိပေမယ့်မိုးရွာထားလို့ဒီနေ့မှာလမ်းပျက်နေတာမျိုးဖြစ်တတ်ပါတယ်။မိုးရေလမ်းတင်နေရင် လမ်းမှာချိုင့်ရှိမရှိမသိနိုင်တာကြောင့်အရဲစွန်းမဖြတ်ပါနဲ့။အမြန်လမ်းတစ်ချို့နေရာတွေကရေဝပ်နေတတ်လို့အရှိန်နဲ့ဖြတ်တဲ့အချိန်မှာကားကို လူးခါသွားတတ်တာမျိုးဖြစ်တတ်ပါတယ်။လမ်းအကွေ့တွေမှာရေဝပ်နေရင်ချက်ချင်းအရှိန်လျှော့ပါ။ကားကလူးသွားချိန်နဲ့လမ်းအကွေ့နဲ့ဆိုရင်ယာဉ်တိမ်းမှောက်တဲ့အထိဖြစ်တတ်ပါတယ်။

“ဆိုင်ကယ်နဲ့ကျွဲနွားတွေကို သတိထားပါ”

အမြန်လမ်းပေါ်မှာဆိုင်ကယ်မောင်းတာတွေတိရိစ္ဆာန်တွေထိန်းကျောင်းတာတွေမလုပ်ရဘူးလို့သတ်မှတ်ထားပေမယ့် လမ်းတလျှောက်နေရာတိုင်းမှာရှိနေပါသေးတယ်။မိုးရွာနေချိန်မှာ ဆိုင်ကယ်အချို့ကနောက်မီးဒါမှမဟုတ်ရောင်ပြန်မပါတာကြောင့် အနီးကပ်မှမြင်ရတာမျိုးရှိတတ်လို့သတိထားကြည့်ပါ။လုံလောက်တဲ့အကွာအဝေးကနေ ကိုယ်ကဘဲရှောင်ပေးပါ။ကပ်မမောင်းပါနဲ့။ဆိုင်ကယ်တွေကိုကပ်ရှောင်ရင်းမိမိကားလည်း အန္တရာယ်ဖြစ်တတ်ပါတယ်။

“သတ်မှတ်ကီလိုအတိုင်းလိုက်နာပါ”

အမြန်လမ်းပေါ်မှာကားအမျိုးအစားလိုက်မောင်းရမယ့်ကီလိုတွေရှိပါတယ်။အိမ်စီးကားတွေကိုကီလို (၁၀၀)ကျော်မမောင်းဖို့သတ်မှတ်ထားပြီးခရီးသည်တင်ဘတ်စ်ကားတွေကိုကီလို(၉၀)ဘဲသတ်မှတ်ထားပါတယ်။လိုက်ထရပ်မီနီထရပ်လိုကားတွေကိုတော့ ကီလို(၆၀)ဘဲမောင်းဖို့သတ်မှတ်ထားတာပါ။သတ်မှတ်ကီလိုအတိုင်းမောင်းနှင်ခြင်းက သင်ရောသင့်ကားပေါ်ကခရီးသည်တွေအသက်ပါ အန္တရာယ်ကင်းစေလို့ တိတိကျကျလိုက်နာစေချင်ပါတယ်။

“ခါးပတ်ပတ်ပါ”

ဒါကတော့နွေမိုးဆောင်းဘယ်အချိန်ဖြစ်ဖြစ်ဘယ်လမ်းသွားသွားကားပေါ်တတ်တာနဲ့ထိုင်ခုံခါးပါတ်ပတ်တဲ့အကျင့်ကို လုပ်ဖြစ်အောင်လုပ်ပါ။ခရီးသည်တင်ကားတွေစီးရင်လည်းခါးပတ်ပတ်ပါ။ကားထိုင်ခုံမှာခါးပတ်မပါရင်ဖြစ်စေမတွေ့ရင်ဖြစ်စေ ယာဉ်နဲ့သက်ဆိုင်သူတွေကိုပြောပါ။ခါးပါတ်ပတ်ပြီးမှခရီးထွက်ပါ။မတော်တဆယာဉ်တစ်စီးလုံး တိမ်းမှောက်ခဲ့ရင်တောင်ထိုင်ခုံခါးပါတ်ပတ်ထားခြင်းက သင့်အသက်ကို ကယ်ပေးမှာပါ။

“လမ်းဘေးမြေသားတွေပျော့နေသည်သတိထားပါ”

အမြန်လမ်းတလျှောက် လမ်းပခုံးသားအောက်မြေသားတွေကမိုးရေကြောင့်ပျော့နေတတ်ပါတယ်။ကားကိုအရှိန်နဲ့လမ်းဘေးချရင် မြေပျော့နေတာကြောင့်လဲ အန္တရာယ်ဖြစ်တတ်ပါတယ်။ဒါကြောင့် လမ်းဘေးချမယ်ဆိုရင် မြေသားမာတဲ့နေရာမျိုးကိုရွေးချယ်ပါ။

အခုရေးသားခဲ့တဲ့အချက်တွေကတော့ အခြေခံအားဖြင့် သတိထားရမယ့် အခြေအနေတွေဖြစ်ပြီးယာဉ်မောင်းသူရဲ့ဆင်ခြင်တုံတရားနဲ့မိမိအသက်ကိုတန်ဖိုးထားတဲ့ပေါ်လည်းအများကြီးမူတည်ပါတယ်။ဒါကြောင့် ခရီးသွားကြသူများအနေနဲ့ မိမိတို့လိုရာခရီးကိုအန္တရာယ်ကင်းစွာသွားလာနိုင်ကြပါစေဟု ဆန္ဒပြုဆုတောင်းလိုက်ပါတယ်။

အောင်ပြည့်စုံ

Comments (0)

Leave a reply

Your email address will not be published. Required fields are marked *

*