လယ်ယာမြေလုပ်ပိုင်ခွင့်ပြု လက်မှတ်ပုံစံ(၇)ရယူပြီးစိုက်ပျိုးစရိတ်ချေးငွေအလွဲသုံးစားပြုထုတ်ယူနေမှုအားထိရောက်စွာအရေးယူအပြစ်ပေးရန်ရှိ/မရှိလွှတ်တော်တွင်မေး

လယ်ယာမြေလုပ်ပိုင်ခွင့်ပြု လက်မှတ်ပုံစံ(၇)ရယူပြီးစိုက်ပျိုးစရိတ်ချေးငွေအလွဲသုံးစားပြုထုတ်ယူနေမှုအားထိရောက်စွာအရေးယူအပြစ်ပေးရန်ရှိ/မရှိလွှတ်တော်တွင်မေး
May 30, 2018 AsianFame MediaGroup

3:51 pm
လယ်ယာမြေလုပ်ပိုင်ခွင့်ပြု လက်မှတ်ပုံစံ(၇)ရယူပြီးစိုက်ပျိုးစရိတ်ချေးငွေအလွဲသုံးစားပြုထုတ်ယူနေမှုအားထိရောက်စွာအရေးယူအပြစ်ပေးရန်ရှိ/မရှိလွှတ်တော်တွင်မေး

 

33923385_1807230482654242_2477804738012250112_n

နေပြည်တော် မေ ၃၀

လယ်ယာမြေလုပ်ပိုင်ခွင့်ပြု လက်မှတ်ပုံစံ(၇)ထုတ်ပေးထားမှုအားပြန်လည်စိစစ်စစ်ဆေးရန်အစီအစဉ်ရှိ/မရှိနှင့်တရားမဝင်လယ်ယာမြေလုပ်ပိုင်ခွင့်ပြု လက်မှတ်ပုံစံ(၇ ရယူပြီးစိုက်ပျိုးစရိတ်ချေးငွေအလွဲသုံးစားပြုထုတ်ယူနေမှုများအားထိရောက်စွာအရေးယူအပြစ်ပေးရန်အစီအစဉ်ရှိ/မရှိနှင့်စပ်လျဉ်းသည့်မေးခွန်းကိုစစ်ကိုင်းတိုင်းဒေသကြီးမဲဆန္ဒနယ်အမှတ်(၂)မှလွှတ်တော်ကိုယ်စားလှယ် ဦးအောင်မျိုးကမေးမြန်းခဲ့သည်။

ယနေ့ကျင်းပသောဒုတိယအကြိမ်အမျိုးသားလွှတ်တော်အဋ္ဌမပုံမှန်အစည်းအဝေးနဝမနေ့တွင်မေးမြန်းခဲ့ခြင်းဖြစ်သည်။

စစ်ကိုင်းတိုင်းဒေသကြီးမဲဆန္ဒနယ်အမှတ်(၂)မှဦးအောင်မျိုးက”ဘယ်တုန်းကမှလည်းဒီမြေနဲ့မသက်ဆိုင်ခဲ့ဘူးစိုက်ပျိုးလုပ်ကိုင်မှုလည်းမရှိခဲ့ဘူးအခုလည်းမစိုက်ဘူးနောက်လည်းစိုက်မှာမဟုတ်ဘူးအဲ့လိုပုဂ္ဂိုလ်မျိုးတွေကအစဉ်တစိုက်လုပ်ကိုင်နေတဲ့မူလတောင်သူတွေစိုက်ပျိုးတဲ့လယ်မြေတွေကိုပုံစံ(၇)ထုတ်ယူတာလည်းရှိပါတယ်ဒါကိုဒီနေ့ခေတ်မှာတော့ခေတ်သစ်လယ်ယာမြေသိမ်းဆည်းမှုလို့ပဲဆိုကြပါစို့အဲ့သလိုဖြစ်စဉ်တွေကိုပြန်လည်စိစစ်သုံးသပ်ပြီးတော့တောင်သူလယ်သမားတွေအကျိုးစီးပွားကိုထိထိရောက်ရောက်ကိုင်တွယ်ဖြေရှင်းဖို့လိုအပ်နေလို့ပထမတစ်ဆင့်အနေနဲ့လယ်ယာမြေပုံစံ(၇)ထုတ်ပေးထားမှုဟာပြန်လည်စိစစ်စစ်ဆေးရန်အစီအစဉ်ရှိ/မရှိဆိုပြီးတော့ကျွန်တော်မေးမြန်းရခြင်းဖြစ်ပါတယ်”ဟုဆိုသည်။

ထို့ပြင်လယ်လုံးဝမရှိပဲပုံစံ(၇)ထုတ်ယူနေသော ပုဂ္ဂိုလ်များမှမြန်မာ့လယ်ယာဖွံ့ဖြိုးရေးဘဏ်တွင်စိုက်ပျိုးစရိတ်ချေးငွေထုတ်ယူနေခြင်းသည်နိုင်ငံတော်ဘဏ္ဍာကိုအလွဲသုံးစားပြုရာရောက်သောကြောင့်မေးမြန်းရခြင်းဖြစ်ကြောင်းသိရသည်။

ဦးအောင်မျိုး၏မေးခွန်းကိုစိုက်ပျိုးရေးမွေးမြူ ရေးနှင့်ဆည်မြောင်းဝန်ကြီးဌာနဒုတိယဝန်ကြီးဦးလှကျော်က”(၂၀၁၃)ပုံစံ(၇စတင်ထုတ်ပေးစဉ်ကထုတ်ပေးရတဲ့လုပ်ငန်းပမာဏများပြီးတိုတောင်းတဲ့အချိန်ကာလအတွင်းမှာတောင်သူလယ်သမားတွေအလျင်အမြန်အကျိုးခံစားရနိုင်ဖို့အတွက်ကာလတိုအတွင်းပြီးစီးအောင်ဆောင်ရွက်ခဲ့ရတဲ့အခြေအနေ
ဖြစ်ပါတယ်လုပ်အားလိုအပ်ချက်ကြောင့်အတွေ့အကြုံနဲ့လုပ်ငန်းကျွမ်းကျင်မှုအားနည်းတဲ့လုပ်အားပေးတွေနေ့စားဝန်ထမ်းတွေကိုခေါ်ယူတာဝန်ပေးဆောင်ရွက်ခဲ့ရပါတယ်”ဟုပြန်လည်ဖြေကြားခဲ့သည်။

တာဝန်ရှိသူအချို့မှမသမာမှုပြု လုပ်ခဲ့ခြင်းနှင့်အင်္ဂလိပ်ခေတ်ကတိုင်းတာရရှိခဲ့သောခေတ်ဟောင်းမြေပုံများပေါ်တွင်အခြေပြု ရခြင်းတို့ကြောင့်အချို့လယ်ယာမြေလုပ်ပိုင်ခွင့်လက်မှတ်ပုံစံ(၇)များမှာဧရိယာကိန်းဂဏန်းများမှားယွင်းပြီးပြင်ရာဖျက်ရာများအပါအဝင်အမှားအယွင်းများစွာဖြစ်ပေါ်ခဲ့ကြောင်း၎င်းကပြောသည်။

ထို့ပြင်မသမာမှုများနှင့်လယ်ယာမြေလုပ်ပိုင်ခွင့်ပြုလက်မှတ်ပုံစံထုတ်ပေးထားကြောင်းစစ်ဆေးပေါ်ပေါက်ပါကမသမာမှုများဆောင်ရွက်သည့်ဝန်ထမ်းများနှင့်အဆိုပါမသမာမှုများအားကြီးကြပ်ကွပ်ကဲတာဝန်ရှိသည့်ဝန်ထမ်းအဆင့်ဆင့်ကိုနိုင်ငံဝန်ထမ်းဥပဒေနည်းဥပဒေများနှင့်အညီထိရောက်သောအရေးယူမှုများဆောင်ရွက်လျှက်ရှိကြောင်းဆက်လက်ဖြေကြားခဲ့သည်။

တောင်သူများအနေဖြင့်လယ်ယာမြေလုပ်ပိုင်ခွင့်ပြုလက်မှတ်ပုံစံ(၇)ကိုပြင်ဆင်ပြီးစိုက်ပျိုးစရိတ်ချေးငွေများအလွဲသုံးစားထုတ်ယူနေခြင်းအားစစ်ဆေးတွေ့ရှိပါကမြန်မာ့လယ်ယာဖွံ့ဖြိုးရေးဘဏ်မှတည်ဆဲဥပဒေများနှင့်အညီအရေးယူခြင်းများဆောင်ရွက်လျှက်ရှိနေပါကြောင်းစိုက်ပျိုးရေးမွေးမြူ ရေးနှင့်ဆည်မြောင်းဝန်ကြီးဌာနဒုတိယဝန်ကြီးဦးလှကျော်က ပြန်လည်ရှင်းလင်းဖြေကြားခဲ့သည်။

ဖူးဖူးအောင်

Comments (0)

Leave a reply

Your email address will not be published. Required fields are marked *

*