(မြစ်ကြီးနား-တနိုင်း)ခရီးသည်တင်ယာဉ်တစ်စီးကို တပ်မတော်ဂိတ်တစ်ခုကစစ်ဆေးရင်း လက်ပစ်ဗုံးမတော်တဆ ပြုတ်ကျကျန်ခဲ့/တနိုင်းရောက်တော့ တပ်ကိုပြန်အပ်

(မြစ်ကြီးနား-တနိုင်း)ခရီးသည်တင်ယာဉ်တစ်စီးကို တပ်မတော်ဂိတ်တစ်ခုကစစ်ဆေးရင်း လက်ပစ်ဗုံးမတော်တဆ ပြုတ်ကျကျန်ခဲ့/တနိုင်းရောက်တော့ တပ်ကိုပြန်အပ်
May 9, 2018 Fame Asian

4:56 pm
(မြစ်ကြီးနား-တနိုင်း)ခရီးသည်တင်ယာဉ်တစ်စီးကို တပ်မတော်ဂိတ်တစ်ခုကစစ်ဆေးရင်း လက်ပစ်ဗုံးမတော်တဆ ပြုတ်ကျကျန်ခဲ့/တနိုင်းရောက်တော့ တပ်ကိုပြန်အပ်

32105510_593166634395587_4742212484029480960_n

တနိုင်း၊ မေ ၉

မြစ်ကြီးနားကနေ တနိုင်းကို ထွက်ခွာလာတဲ့ ယာဉ်လိုင်းတစ်ခုက ခရီးသည်တင်ကားတစ်စီးကို နမ္မတီးအထွက် (ဒေသအခေါ် ၈မိုင်ဂိတ်)မှာ တပ်မတော်စစ်ဆေးရေးဂိတ်က စစ်ဆေးစဉ် တပ်သားတစ်ဦးရဲ့ လက်ပစ်ဗုံးတစ်လုံး ကားပေါ်မှာ မတော်တဆပြုတ်ကျကျန်ခဲ့မှုဖြစ်ပွားခဲ့တယ်လို့ အဆိုပါခရီးစဉ်မှာလိုက်ပါလာတဲ့ ခရီးသည်တစ်ဦးက ပြောပါတယ်။

အဆိုပါဖြစ်ရပ်ဟာ မေလ ၈ ရက်နေ့ ယမန်နေ့ညနေပိုင်းကဖြစ်ပွားခဲ့တာဖြစ်ပါတယ်။

“တနိုင်းကိုက ဆန် တို့ စက်သုံးဆီတို့ တင်သွင်းခွင့်ပိတ်ထားတယ်လေ ။ ဒီတော့ နမ္မတီး ၈ မိုင်မှာ စစ်သားတွေစစ်တယ်လေ။ ကားအောက် ဘယ်ညာမှာက ခရီးသည်တွေရဲ့ ပစ္စည်းတွေ ဟိုဘက်ဒီဘက်တင်တာလေ။ စစ်ဆေးတုန်း စပယ်ယာက တစ်ဘက်မှာကြည့်နေတယ်။ ၂ ဘက်တစ်ပြိုင်တည်းစစ်တော့ စပယ်ယာလည်း တစ်ဘက်တည်းကြည့်နေလိုက်နိင်တယ်။ ဒါရိုက်ဘာကတော့ ကားပေါ်မှာပဲလေ။ သိရသလောက် ဗုံးက အိတ်ကပ်မှာ ၂ လုံးစီ၊ ခါးတစ်ဘက်မှာ ၂ လုံးစီ စုစုပေါင်း ၆ လုံး။ ခရီးသည်တွေရဲ့ အထုပ်ကြားမှာကျနေတာ။ ဒါပေမဲ့ ဗုံးကျကျန်ခဲ့တာကိုလည်းဘယ်သူမှမသိလိုက်ဘူး။ ပါလာတာကိုလည်း မသိဘူးဆက်မောင်းလာတာ။ မောင်းလာတော့ တနိုင်းရောက်ပြီး ခရီးသည်ချတော့ အထုပ်ထဲမှာ တွေ့တာ။ တွေ့တော့ ခရီးသည်တွေလည်းအကုန်လန့်ဖြန့်ပြီးပြေးကုန်တာ” လို့ အဆိုပါခရီးသည်က ဆိုပါတယ်။

လက်ပစ်ဗုံးတွေ့ရှိပြီးနောက် တနိုင်းမှာရှိတဲ့ အမှတ် ၈၆ တပ်ကိုခေါ်ပြီး အပ်လိုက်ရာ ဗုံးကို၎င်းတို့ လာရောက်ယူဆောင်သွားကြောင်း သိရပါတယ်။

ဒါနဲ့ပတ်သတ်ပြီး ယာဉ်လိုင်းပိုင်ရှင် က”တစ်ကယ်တန်းကျွန်မတို့နဲ့ဘာမှ မဆိုင်ပါဘူးရှင်။ စစ်သားကကျပြီးကျန်ခဲ့တာလေ။ ကျွန်မတို့ဂိတ်နဲ့လုံးဝမသက်ဆိုင်ဘူး။ စစ်ဆေးရေးဂိတ်တွေအရမ်းရှိတယ်လေ။ လမ်းခုလတ်မှာ ရှာတဲ့အချိန်မှာ တပ်သားရဲ့ဗုံးကပြုတ်ပြီးကျနေခဲ့တာ။ ခုံနံပါတ်တွေနဲ့ခရီးသည်တွေနဲ့ ပစ္စည်းတွေကကွက်တိပဲ။ အပိုလည်းတင်မလာဘူး။ တံခါးကိုပြန်ပိတ်တဲ့အချိန်မှာ တံခါးနဲ့ညိပြီး ဗုံးက ကျကျန်ခဲ့တာလို့သိရပါတယ်။ ဗုံးမှာတပ်တံဆိပ်ပါတယ်လို့ပြောတယ်” လို့ ပေါ်ပြူလာနယူးစ်ကိုပြောပါတယ်။

လက်ပစ်ဗုံးပြုတ်ကျကျန်ခဲ့တဲ့ တပ်သားကိုတော့အရေးယူထားတယ်လို့ သိရပါတယ်။

AF-178

Comments (0)

Leave a reply

Your email address will not be published. Required fields are marked *

*